رحنه للمستشفي نضفو الجرح وضمدوا الها وانطوها علاج ومسكنات ورجعنه للبييت اتلكتني معصومه وكالت
-شيخ الزلم منتضرينك بالديوان
صعدتها لغرفتي وجانت نايمه بسبب المسكن وكتلهم ايحضرولنه العشه ورحت للديوان لكيت عباس وجلال موجودين وضلينه نحجي ونسولف سالتهم اذا اكو اخبار جديده حجه جلال
-شيخ انه سالت وخليت جاسم يروح لمنطقتهم
-اي
-شيخ الوضع مريب شويه لان ناس تكول وحده من بناتهم شردت وناس تكول انتحرت وتصرفاته كلها تغيرت صارله فتره متهستر يدور عله شي ضايع
حجه عباس
-شيخ سالت عن اقاربهم بس عرفت جان عنده اخ واحد وتوفه هوه وزوجته ومات قبل ست سنين وبقه بنته عايشه عد عمها الي هوه ابو امجد
-الوضع مو طبيعي باجر اريد اشوفه دزوله خبر يجي للديوان
رحت للحجيه وكعدت يمها وخليت راسي بحضنها وماعرف شلون غفيت
...طيبه...
جنت كاعده بالغرفه وفجائه دخلت عليه معصومه تكلي اخوها النقذني يريد يحجي وياي شويه ودخل شاب ضخم اسمر وملامحه حاده ورجولي لابس لبس عربي بيده سبحه مال شيوخ وتقرب عليه وكعد وبلش يحجي حيل نحرجت لان ركزت بملامحه واللحيه المحدده وعيونه اول ماشفتها شبهتها بعيون ذيب ماعرف شنو دونهن (بياحال هيه وتتغزل بالبطل ) يحجي ويحاول يعرف اني منو بس جنت خايفه يرجعني لبيت عمي وانوخذ فصليه لواحد ماعنده رحمه منو يقبل ياخذ بنيه زغيره غصب عنها .وهوه يحجي كال اسم كاظم ال.. هنا الصدمه شنو معقوله اني شردت حته ماجي لهنا فصليه بدون وعي كمزت من مكاني ورجلي ذبحتني من الوجع ماحسيت اله شالني وخذاني للمستشفي .عقلي راح ينفجر من التفكير شردت منك الك شلون جان الالم ماينحمل شويه وماحسيت بشي وثاني يوم كعدت لكيت روحي بالغرفه شفت الساعه جانت بالسته الصبح ردت اتحرك بس ماكدرت من رجلي شويه ودخلت معصومه
-صباح الخير يمته كعدتي
-صباح النور هسه قبل شويه
-دقيقه انزل ملابس الشيخ واجيب الريوك
خذت الملابس وطلعت معقوله يعني هاي غرفته دخلت معصومه وجابت الاكل وصراحه جنت جوعانه حيل . بس عقلي مابطل تفكي انه شلون اجيت برجليه لهنا لو دره شراح يسوي راح يعذني ويحبسني لو يكتلي بسرعه ويخلص
...شيخ كاظم...
كعدت الصبح عله صوت ملوكه وهيه تركض بالبيت كمت لكيت معصومه كتلها تجيبلي ملابسي حته اطلع للشركه اتصل عليه جلال وكالي اليوم العصر يجي ابو امجد وعباس راح هوه وجاسم يسالون عله ابو امجد طلعت من البيت بعد ماتطمنت عله البنيه وصيت معصومه تهتم بيها جان عندي شغل كلش هواي بالشركه وتاخرت كلش فتغديت بره مارجعت للبيت اتصلت عله صادق كال بليل امجد يدخل العمليات حجيت وي عمي احمد وصيته عليهم رجعت للديوان ولكيت جلال ينتضرني
-هلا بالشبخ
-هلا بيك
-دزينه عله ابو امجد بعد كم ساعه وبجي بس عباس مايرد عله تلفونه
-هسه اتصل عليه انه
اخذت جهازي واتصلت عله عباس وكلي جاي بالطريق كعدت ارتب كم شغله متعلقه بالمشيخه واتصل شيخ مزهر يكلي انو حدد موعد زواج ابنه ولازم نحظر اشويه واجه عباس بس وجها مايتفسر حاولت افتهم شبي
-شبخ خلي اخذ نفسي جلال خويه انطيني ماي
-اي اهداء بس فهمني احد ماذيك جاي تركض هيج فحطان
-هسه اجيت من بيت جاسم وعرفنه شنو سالفه ابو امجد
-اي احجي مو الرجال شويه ويجي
-شيخ السالفه طويله بلشت السالفه ابو امجد عنده بنات اثنبن ولد واحد ومن خسر ابو امجد افلوسه اخو الوحيد جان صاحب مكانه بالمجتمع وانسان مثقف وخلوق ماعاف اخو من وكع امنله شغل بشركه صديقه وكعده بهذا الببت الي هسه هوه كاعد بي بس للاسف سوه حادث هوه وعائلته ومات هوه وزوجته وبقت بنته العاشت ابيت عمها الي اخذ الوصايه عليها وبعد شهر ضل يتصرف بفلوس اخو ودهل بكم مشروع فاشل وخسر هواي كم شهر تورط ابنه بسالفت عشاير علمود ابنيه وضرل واحد منهم اجه يموت فباع ابو امجد املاك اخو البيت والكاع والفلوس البقت ودفع الفصل لابنه شيخنه الي حجالنه هالسالفه هوه جاره حايط عله حايط وكال هوه دوم يتفاخر انو هوه معيش بنت اخو عنده بس كال قبل كم يوم ابو امجد تهستر وضل يدور عليها بكل مكان ماخله مكان حته الجوارين كلهم سالهم عنها البنيه اختفت صارلهم تقريبن يومين لو تلاثه .
-زين سالته وين راحت شكبرها
-اي شيخ تفسرت عنها كال عمر البنيه 19سنه بس ضعيفه كلش لان بيت عمها معيشيها بظيم مخليها خدامه عدهم سولفلي هواي مصايب شيخ من سمعت الحجي الحميه والغيره صعدت عندي واجيت اروح اهجم بيتهم هجم
-ليش شحجالك
-الرجال كال بحكم انه جارهم اسمع عياطهم ومشاكلهم ومرات الدنيه هاي تجي يم مرتي تكضي شوي وقت بالشردات لان ميخلوها تشوف عتبت الباب حابسينها وجانت تحجي لزوجتي كل معاملتهم القاسيه يعني اتخيل طفله بعمر 13سنه مرت عمها تعذبها تعذيب وكتل تخيل تكص شعرها لان احله من شعر بناتها .
-اي وتالي اخلص
-وتالي يشيخ البنيه لسه مايعرفون وينها وحته مرت عمها كالت عليها نهبت بس زوجها سكتها لان خايف وجاره كالي صارله يومين يدور شراي لبيته حته يروح منا لان ابنه مطلوب دم وبتنت اخو شردت هذا كل العرفته من جاره
-خوش جا اذا السالفه هيج خلي يجي ونتفاهم
-شيخ بشنو نتفاهم الرجال لو رايد حل جان من زمان حلاها
-انت ماتعرف شي جلال
-شنهي البراسك يشيخ
-بعدين تعرف
هيج يعني ابو امجد الله وكعك بيه اذا ماجه وحجالي الحقيقه اراوي نجوم الظهر .مواصفات بنت اخو ابو امجد والوقت الي شردت بي تتطابق وي البنيه الي لكيتها معقوله هيه بس ليش محجت اكيد خايفه بس شلون اتاكد هيه لو لا لحظه
-عباس اريد اسالك
-تامر شيخ كول
-بيتهم وين بالظبط لان انه مارحت ولا مره الهم
وصف عباس منطقتهم ياللهي نفي المكان الي لكيتها بي نفس المنطقه اكظد هيه
-زين عباس ماعرفت ايم البنيه
حجه جلال المتسرع
-شيخ شعلينه بالبنيه ادري شلون نعوف حقنه وندورله عله بنت اخو احنه همه هوه ليش ماحجه ويريد ينهزم
-انت ليش متسرع جلال اريد اعرف اسمها
-اي شيخ اسمها طيبه
ياربي هاي هيه ليش محجت ليييش مكالت لهدرجه خايفه ترجعلهم لهدرجه ماذينها اكو واحد يشوف هيج بنيه ترفه وياذيها ااااخ الم بصدري قوي ليش لييييش بس عهد عليه ماخلي شي ياذيها محد يمسها حته لو عمها اووووف لو يمي هسه اله اكله بسنوني واطفي ناري .وانه بهالحاله صاح عليه عباس
-شيخ شبيك تغير دونك ولازم صدرك اكو شي ياذيك
ااااخ لو اكدر اصرخ بالوجع الصار بصدري احس خنجر دخل بصدري طلع من ضهري
-لا ماكو شي بس بالي يم جواد اليوم عمليته
واحنه نحجي اجو علينه ابو امجد وشيخهم واخو الشيخ استقبلناهم اكيد بالمضيف وعباس ضيفهم وكعدو فبادرت انه بعد ماحجينه بالمشاغل وسالو عن حاله جواد
-اي ابو امجد وصلني خبر تريد تبيع بيتك خير صاير شي
-ها لا شلون عرفت
-بعد ديرتنه زغيره والخبر وصلني وصلني خلر تريد تنهزم
-لا شيخ شلون حجي هذا وبعدين الكالك هالحجي مايدري بضروفي
-ها زين مو المفروض من البارحه تجي وتنطي الفصليه لو غيرت رايك
-اي بس جنت ادور عله امجد ولتهيت
-هذا مو عذر صح زو غلطان انه يشيوخ
حجو الكاعدين
- لا محشوم من الغلط حقك
-اذا هيج الحجي هسه اريد الفصليه
-ها انطيني مهله
-لا هسه اريدها ماضمن تبقه بالمدينه يجوز تنهزم وانه ماحب تحد يغدرني
-ماكدر شيخ
-ليش
ماكدر يحجي اي احجايه والكل عينهم عليه يردون يعرفون شنو سالفه بس لازم تنكشف الاوراق
-اكلك انه ليش البنيه مو عدك مو
-ها
كمت من مكاني وخليت الكل بصدمه وطلعت من الديوان ومخد فاهم شنو السالفه
.
.
.
.
.
شرايكم بالبارت واكتبولي اذا تردون اضيف احداث او شنو توقعاتكم بالبات الجاي
فديتكم 😘
