...طيبه...
كعدت الصبح وشفت معصومه بعدهي نايمه فتحت جرح رجلي وشفت الجرح بلش يلتئم عقمته ورجعت لفيته وكمت حته اغسل طلعت لكيت الحجيه تصلي رحت ع المطبخ جهزت الريوك وسمعت صوت الشيخ نزل ردت ارجع لغرفتي بس الحجيه صاحت علمود اجيب الريوك الهم اجت معصومه وساعدتني جنت خجلانه حيل من الشيخ كمل اكل وطلع نزلت ساره وهيه مبتسمه وروحها مرتاحه سالتها معصومه
-يارب دوم الضحك بس ممكن نعرف السبب
-انتي ماكو شي يفوتج لازم تعرفين
-اي لازم
-حجيت وي صادق امس ارتاحيتي هسه
-يمه منج كل هاي علمود حجيتي وي اخوي
كامن البنات ينضفن الحجيه مخلتني اساعدهن لان اني سويت الويوك ضليت اتجنب الشيخ من يجي اشرد ورجلي صارت زينه وكمت اساعد البنات بالشغل بس الحجيه كوه تخليني اساعدهن لان جانت محدده لكل وحده شغلها ومتفاهمات عله كلشي ذكرت بيت عمي شلون جنت اشتغل وحدي ومرت عمتي تسوي الغده بس لان ماعرف اسوي انه وجسمي صار اربع ايام مرتاح مابي زراك ولا وجع بس اثار القديمه وجاي تختفي شوي شوي ذكرت اهلي والحادث وضليت ابجي عليهم صارلي اربع سنوات من اخر مره زرت كبرهم ذكرت من جنت اتوسل لمرت عمي حته تاخذني ازورهم وماتقبل وجانت تضربني اذا اجيب طاريهم تذكرت كل ليله جنت مانام بسبب الضرب او الحرك الي مرت عمي تخلي عله جسمي وانهاريت من البجي وماحسيت اله ايد ناعمه تمسح لكيت ملوكه كبالي وتبجي شبكتها وضليت اشاقيها ولعبنه سوه والوقت كله هنا يختلف عن الي عشته حبيت كلشي هنا واكثر واحد دخل كلبي هيه ملوكه بهالفتره تعلقت بيها وتعلقت بيه جنت ارجع لطفولتي من العب وياها .
....سيد كاظم...
جنت فرحان كلش لان خلصت مشكله بالشغل صارلها فتره واتصل عليه صادق وكلي بلشو العلاج الطبيعي وي جواد وحالته جاي تتحسن وكال الاسبوع الجاي يجون وجواد يكدر يوكف عله رجليه رجعت للبيت واتلكتني ملوكه بنتي فدوه شلون شبكتني وسلمت عله الحجيه وكتلها الاخبار الحلوه وسالت عن البنيه طمنتني عنها كامت تمشي عله رجلها وتساعدهن صار كم يوم ماشوفها كل مادخل للبيت تكون هيه نايمه .هسه انه شعليه بيها ليش شاغل بالي بهالبنيه مادري بس مادري احس ارتاح بشوفتها وهيه وجه خير عليه .كعدت بغرفتي وملوكه بحضني وصافن بوجهها وذكرت شلون جانت حياتي قبل وشلون صرت الشيخ كاظم .جنت ادرس ومامهتم باي شي غير الدراسه بس بهالوقت جان والدي يحارب مرض قوي فقرر يخليني الزم المشيخه وعلمني هواي شغلات وزرع بداخلي كل العادات والقيم الي لازم امشي عليها بعد وفاه والدي صرت الشيخ كاظم ال... بس ماتخليت عن دراستي بالكليه عجبتني ابنيه اسمها ملاك جنت باخر مرحله وهيه بالمرحله الثانيه وتزوجتها لان جانو عمامي يردون يزوجوني وحده من بناتهم ماكملت هيه الكليه لان جانت حامل وبلش الحمل ياذيها وتذبل يوم بعد يوم تخرجت من الكليه وبلشت بشغلي الخاص بس الصدمه بيوم الخسرتها جانت بالمستشفي تطلك ابنتي بس حالتها حيل صعبه جنت معصب عله الكل تاذيت بوقتها ماجان بيدي شي وخسرتها بعد ما جابت بنتي وسميتها عله اسم امها حته لاانساها وانطويت عله نفسي فتره بس الحجيه حفزتني ارجع لحياتي علمود بنتي وهالشي خلاني احارب وصرت اقوه علمودها.
