جنت كاعده وافكر شلون اطلع منا اذا دره الشيخ كاظم شراح يسوي بيه شلون اذا رجعني لبيت عمي تذكرت اهلي وضليت ابجي واشهك احس روحي تطلع لحد مارتاحيت جنت ادعي الله ياخذني واخلص من هالجحيم .سحبت روحي واخذت الماي الي جان ع الطبله واخذت العلاج الي مخليته معصومه يمي شويه وحسيت صوت بره عدلت كعدتي ودخل الشيخ عليه كعد كبالي وضل يحجي ويفهمني انو عمي اجه ياخذني من سمعت كلامه واني كلي ارجف ودموعي نزلت ماكدرت اسيطر عليها مادري شلون هداء صوته وحجه وياي
-اسمعيني ماراح اخليهم ياذوج وراح اشرحلهم انتي مغلطتي انتي جنتي خايفه
حجيت بداخلي وكلت( انت مافاهم شي ماتدري شراح يسوون بيه وانه شردت حته لايفصلوني الك) يارب ساعدني ماعرف شسوي شويه صاح عله معصومه انطتني عبايه منها وساعدتني انزل الحجيه من شافتني اتفاجئت وضلت تسال ومعصومه كلتلها الشيخ بعدين يشرحلج وجابتلي كرسي وكعدت بره يم باب الديوان وهوه دخل جوه من انفتح الباب شفت عمي كاعد وحسيت بخنكه .
...شيخ كاظم ...
وره ماطلعت من يمهم صعدت للبنبه وشرحتلها وكتلها اهلج جوه راح ياخذوج بس البنيه ضلت تبجب حاولت اهديها واطمنها حته تستوعب الموقف ونزلتها للديوان ودخلر عليهم هيه ضلت بره
-ابو امجد
-اتفضل شيخ
-لكيت شي يخصك
-شنو
-اكو شي ضاع منك مو صار يومين. من الاخير انه لكيته شوف ابنك وفوك ما دعم اخوي وماساعده وماسلم نفسه وشرد تجي انت تقلل مني وتستهان بيه وبعشيرتي وماتنفذ كلام الشيوخ
قاطعني واحد من الكاعدين وكال
-شيخ هدي وفهمنه السالفه تره كلشي مافهمنه منك
انه مارديت وكمت فتحت الباب ودخلت البنيه وهيه تتجه ع الحايط التفتت الهم
-ها ابو امجد هالبنيه تخصك مو
ماحسيت اله الرجال كام من مكانه وسحلها سحل كدامنه وضربها راشدي ركعت بالكاع انه احس كلبي انشك نصين وصحت بي
-شتسوي انت مايصير تسوي هيج احترم الكاعدين احترم انك ابيتي
-هاي بنت اخوي وانه حر بيها
-حر بيها هناك ابيتكم
سمعته يدردم ويسبها كعدت يم جلال وحجيت وي الزلم الكاعده
-انه العليه سويته واضن ماقصرت واتحملت هواي حته ماطالبت بالقانون ولا اذيتهم
-كلامك صح شيخ انت ماتقصر
-اي يابو عادل بس انه حقي ماوصلني لليوم انتو كعدتو ويانه واتفقتو عله الفصل بس الظاهر ابو امجد ماحاطلي اعتبار وهاي عليه حشم
-انت تامر شيخ فصل واحنه نلبس
-اول شي اينفذ كلام الشيوخ هسه يعني اريد فصليتي منه وكدامكم وشي ثاني اريد حشم عله تصرفاته المامقبوله هاي وماراخ اطلب فلوس لان الله منعم عليه بخير ماينعد اريده يطلع من الديره ولاعاد اشوف وجهه لاهوه ولا ابنه
مكدر ابو امجد يسكت
-شنو تريد الفصليه هسه اصبرلي يوم عاد واشيل وين اروح
-ماصبر شمدريني يجوز تنهزم مثل مامخطط انت وسمعت عندك اقارب بديالى تكدر تروح عدهم .
انه تقصدت احجي هيج ردت اكله انه اعرف مكان ابنه وين حته يعرف قيمته ويعرف ويامن يلعب حجه واخد من الكاعدين
-تامر امر شيخ وانت صاحب حق .ابو امجد حظر الفصليه الليله يعقدها الشيخ كاظم وهذا اخر كلام
حاول ابو اممجد يحجي بس مخلو فكتلهم
-اذا هيج الحجي خلكم الشباب هسه يجهزون كلشي وعشاكم يمي الليله ماتطلعون هيج
البنيه جانت كاعده يم عمها ودموعها ماسكتن وتحاول تغطي وجها بالعبايه قطع تفكيري ابو عادل
وحجه
-ها ابو امجد هيه هاي البنيه لو غيرها الراح تنطيها للشيخ
اتلعثم ابو امجد وكال اي هيه من حجه شفتها صارت مثل السعفه وتتراجف ضحكت بداخلي وكلت شنو معقوله اني هيج اخوف شكالولها عني وحش ههههه
استاذنت من عمها وكتله خلها تدخل يم البنات جوه لحد مايجي الشيخ كلت للشباب يجهزون العشه للزلم وعباس راح يجيب السيد يعقد حسيت ابو امجد يباوعلي بحقد شويه ويهجم عليه شويه واجه عباس وياه ولد عمي والسيد مامرت غير دقايق وصارت طيبه عله ذمتي اجاني احساس بالراحه حسيت صارت مسوؤله مني ومستحيل اخلي احد باذيها باوعت العمها وحسيت بالانتصار تعشوا الزلم وطلعو انه بقيت بالديوان وي ولد عمي واتصلت عله صادق كالي جواد قبل شوي دخل للعمليات وكتله يطموي من يطلع ..
..طيبه ..
جنت كاعده باب الديوان شويه ونفتح الباب ودخلت عمي بس شافني هجم عليه وضربني شاغت روحي اتمنيت الكاع تنشك وتبلعني تمنيت اموت بذيج اللحظه من سمعت كلام شيخ كاظم يسولف وي عمي شلون عرف يعني جان يعرفني اني منو وماسوه شي زين ليش سكت ومكال مارجعني الهم من دره بكلشي عقلي راح ينفجر من التفكير انوب صار الحجي قوي وصار عناد وكالو الليله يعقد الشيخ عليه انه انتهيت معقوله ميخليني اروح وي عمي يريد يذبحني والافكار السوده كله اجت براسي بعدين طلعت من يمهم ورحت يم الحجيه ومعصومه اجت ملوكه تركض عليه وكعدت يمي بلشت الحجيه تحجي وياي وتعرفت عله ساره زوجه صادق اخو الشيخ اجه خبر يحضرون عشه للزلم كامت ساره ومعصومه للمطبخ ردت اساعدهن بس الحجيه مقبلت وجرح رجلي ميخليني اتحرك فضليت كاعده يم الحجيه وضلت تسالتي عن اسمي وعمري وعن هواي شغلات وانه حجيتلها شلون الشيخ لكاني وجابني خطيه الشغل كله صار عله ساره ومعصومه تعبن حيل وملوكه تلعب. كامت الحجيه حته تستعد للصلا واجت ملوكه ضلينه نلعب سوه شويه لحد ماجهز العشه وصار البيت هوسه تعشينه كلنه سوه جنت مرتاحه اول مره اكعد بهيج لمه واول مره اكل براحه بدون غلط وحجي يوجع وضرب خلصنه وجانت الحجيه حيل طيبه وتخاف عله البنات وابتسامتها ماتفارك وجها طول ماهيه تحجي. كل هالامر غريبه بالنسبه الي ماحسينه ع الوقت لحد ماشفنه الشيخ دخل للبيت وسلم واجه باس راس الحجيه انه حسيت بخوف من الافكار الي اجت براسي وردت بس اطلع من يمهم وسمعته كال كملت السالفه وصاح معصومه
-امر شيخ
-اخذ البنيه وياج راح تكعد بغرفتج لحد منشوف سالفه جواد شنو
من سمعت هيج ارتاحيت يعني مناوي يعذبني ويخلص مني ولا يريد ياخذني الحمد لله رحت وي معصومه لغرفتها جنت تعبانه كلش فنمت .
...شيخ كاظم...
بعد ماطلعت الوادم دخلت لكيتهن متجمعات وي الحجيه سلمت وكعدت وياهن شويه وكلت المعصومه تاخذها لان شفتها تعبانه كلش وضليت احجي وي الحجيه وسولفتلها كلشي صار بس الحجيه ماقبلت وكالت
- خليتها عله ذمتك لازم تاخذها لان هاي سمعه يمه وانت شيخ وتعرف حجي الناس
-عوفي الناس مايهمني شيحجون
-اذا مايهمك حجيهم عليك لازم يهمك حجيهم عله البنيه مليون عله راح يخلون بيها ولاتنسه عمامك وعماتك اذا درن عماتك مراح يسكتن
-الله كريم حجيه
اتصلت عله صادق وتطمنت عله حالت جواد وفرحت الحجيه بنجاح العمليه وكال صادق حالته مستقره واسبوع ويحاولون يخلوه يمشي جان هذا الخبر ردلي روحي وزاح كل التعب والتوتر مني هالبنيه وجها خير عليه ارتاحيت وتطمنت عله جواد بعدين سالت عله ملوكه ماشو ماجت عليه مثل كل مره بس عرفت هيه نايمه لان كاضيتها لعب وي البنيه طول اليوم صعدت الغرفتي لان جنت راح اموت من التعب
.
.
.
.
.
اعتذر عن التاخير واليوم نزلت بارت واحد بس لان ملحكت اكتب الثاني
فديتكم😘
