Sa aking pluma at kuwaderno magmumula
Mga salitang binubuo ng aking diwa
Sa aking pusong nag-aalab na lumikha
Binabalangkas ang mga SIMPLENG TULA .
📝 Poetry
Hindi ba matagpuan mailap mong ligaya? Nilinlang ba ang iyong puso? Nilaro? Dinaya?
Hindi ba't tapat na pag-ibig ang inalay niya sa iyo? Tibok ng puso mo... Iniwan? Inulila?
Tandang-tanda mo pa binigkas niyang mga salita Hindi mo malimutan masasayang alaala Panaginip na saklaw sa bawat gunita Puso mo'y ginising, naglakbay pati diwa.
Nakaw na mga halik, dumampi sa iyong labi Nagtanong sa mga ulap, puso'y naging pipi Nahiya, nabingi... mga ibong saksi Malawak na pilapil, doon na nagkubli.
Ang sabi mo...
Isinakay ka sa puting kabayo Tangan-tangan mo inalay niyang rosaryo Binigkis ng ligaya sa gintong paraiso At sa dulo ng landas... kapirasong pangako?
Hindi matatawaran ang pag-ibig mo Hindi nasusukat ang katapatan mo Dahil ang puso'y inaalay mo nang buo Ipinagkakaloob... kahit ikaw ay nabigo.
Sabi nila...
Kapag pag-ibig pumukaw kanino man Hahamakin ang lahat--masunod ka lamang.
"Ganyan ba umiikot, pag-ibig mo kaibigan? Bilanggo ang iyong pusonang KAPIRASONG PANGAKO... na matagal ka nang iniwan."
⚜️
Oops! Ang larawang ito ay hindi sumusunod sa aming mga alituntunin sa nilalaman. Upang magpatuloy sa pag-publish, subukan itong alisin o mag-upload ng bago.
