41
اخر ربيع
مساء الخير
نزلت ولكيت ام خلدون وابنها هاي اول مره اشوفه
هو دائما يجينا بس اني مانزل مسوي عليه حصار
هو كله ثالث متوسط
بس عقول
دخلت للاستقبال وخطيه كامت بوستني وتتحمدلي السلامه
وتتاسف على الي صار
ودكول
كلش انقهرت من سمعت الي صار
حتى الحجيه
هم تخربطت وهي دكول
مالحك.بهجت يفرح بيها وبابنه
الحمد.الله قدر ولطف كعدنا
بهجت موجود.يباوع عليه مثل الي يتفحصني
صاير مقابيلي
غيرت مكاني كعدت يم في
ماريد اشوفه
وصرت نفس الجانب مالته بعد.مايكدر يشوفني اله يلتفت
وام خلدون تسولف مره وياي ومره ويه عمه
الى ان كالت اكلج. اسيل انتي مو خريجه كليه
لابعدني مامتخرجه
يعني تكدرين درسين خلدون ولاطكه بلعربي
واني خليلته مدرس رياضيات وفيزياء
وانكليزي
بعد.ماكدر اخليله اكثر
بلكي تكدرين درسي
ظليت محتاره لااكدر اكول اي ولا
وماريد.اخذ راى بهجت
تالي كلت شعليه بي
اي شكو بيها ادرسه وان شاء الله يستفاد ويفهم
طفر بهجت وعيونه تتطاير،غضب شنو درسي
منو سمحلج.
اصلا اني ماخلك روحي بعد.مو تدريس بس هيج.حبيت اغيظه
درت وجهي عنه
هو صار عصبي
ماكو تدريس
ظلت ام خلدون تتوسل بي
هو يكولها ماتشوفين ايدها وفوكها حامل
مايهم خويه مو هسه من تتحسن
لاابد.مااقبل اسيل تدرسه واله
على تكاليف خليله مدرس وشكد.فلوسه اني ادفعهم يدلل خلدون وضربه على جتفه
شكد.ماعنده شخصيه وغيور حتى من ابن اخته
ظلت تشكر منه
وكالت حماتها هم حامل فرحت الها وكلتلها سلمي عليها
وتريد.منج.موديلات مال ملابس حوامل
اي تدلل تعاي وياي
صعدنا اني وياها وطلعتاها ملابسي مال
فتره الحمل كلها مامشتريه كله امي تخيطلي
حتى بدون مااوصيلها
ظلت تباوعلهم وهي دكول الله يخبلون وعاشت
ايدها امج على الخياط والذوق
طلبت ارسهم الها بس ماكدر ارسم من ايدي
في خاله اني ارسم.
ياريت والله رحت جبتلها الاوراق ظلت
ظلت ترسم واني اشرحلها هيج.ظللي منا ولوني
بس صدك.جان رسمها حلو
شافت الرسومات مالتي تخبلت عليهم
عفيه خاله علميني
تدللين حبيتي بس اخاف خالج مايقبل
لااني اكوله واجيكم
كل الهلا بيج.
مو هسه في من تكملين امتحانات
ان شاء الله
سلمت علينه ونزلوا حسيت براحه
من تجي ام خلدون احسها حبابه وماعدها تصنع بكلام.
لو تبسمر طيبه ومتواضعه
نزعت اليلك.وبقيت بلبدله لان صعب ابدل
ظليت باوع تلفزيون
بس حسيت عندي صخونه وايدي تاذيني
اخذت علاجي وتمددت على القنفه
من طلعت من المستشفى واني انام هنا
ماتقيد.احب الحريه حتى لو بسيطه او حياه فقيره
مابيها تكليف
نايمه وكدامي صحن فواكه اكل بي،
بس هاي الاشياء جوه ممنوع اسويها
بس اني مرتاحه هيج.على الرغم ثكل الحمل
وجع ايدي بس لان مااشوفه ارتاح
اني جديه او على كوله لبنان
كله دغري ماعندي تصنع او تمثيل
وحياتي ويه بهجت كلها تمثيل مااحمل اله مشاعر
هو هوايه يتغزل بيه ويكول احبج.بس اني مااشوفه
حب صادق
اشوفه شهوه او هم يمثل عليه
واني ماكدر اسوي مثله
بس،هسه مرتاحه ياريت يبقى على طول بعيد.عليه
الى ان اجيب ونشوف حل بسالفه الطفل
لمست بطني يعني بعد.اقل من شهرين ويجي للدنيا
