4
اخر ربيع
(عشتار) بنت الرافدين
صاح عليه اسيل وجع
يمه وهو هيج كال واني دمي محترك
اجت والله جابه
واني كمت علي واكف بوجها
عليمن تصيح هااا
الوجع هذا الك مو إلى
انت هم حاسب نفسك رجال
شوف هاي امك الي دتموت والله شنو انت ما
نجحت
واني يوميه اروح للسوك والشمس تحركني حتى حضرتك تلكه اكل جاهز
لو هاي ساره الي كاسره ظهرها على المكينه وهي بعدها طفله حتى ما نحتاج
وانت شنوووو
كلي انت شنوووو
صاح بيه صوتج طايحه الحظ شنو هل السان
اله اكصه الج
اي كصه بس من تشتغل وتصير مره وحده رجال
كام عليه ولزمني من شعري لج اني مو رجال
اله اسويج خرسه
حتى تحترمين نفسج
ظل يعت بشعري
واني ادفع بي اجتي امي ترجف وخرته عني
سحبتني امي واخذتني ساره وهي ميته بجي
للغرفه وهو مستمر يغلط.ويتهدد
وقفلت الباب
اباوع لشعري منكوش وملابسي مبهذله
بس ماهمني ابد
المهم فوخت كلبي بي
هو مستمر بلغلط عليه كل ساع اريد اكوم ارد
بس هاي الجبانه قافله الباب وتتوسل بيه اسكت
لج عوفيني خلي اشفي نار بصدري تحركني من وراه سوالفه
ساره لج اسكتي استري علينا
والله مااسكت لج هذا مامتربي شايف نفسه علينا
دخلت امي وظلت تغلط وتصيح
ولج انتي شون وياج لشوكت تبقين هيج متوحشه على شنو تتجاوزين وتغلطين وتخلين السوك حجه يعني رحتي كم يوم منيتي علينا
ماعاجبج عيشتنا ميه مره كتلج روحي زوجي وفتكي من عنده لاطلعين حجه كل يوم متجاوزه على اخوج
يمه موهيج السالفه والله شنو اني استعار من عيشتكم قابل اني منين مو بتكم
بس هو يحجي عليه ويتامر
وغمه تغمج شفتي نفسج حلوه جامعيه تكبرتي
اي ويتامر شنو هو يكوم يطبخ لنفسه
لو عنده مره وهي تخدمه
ردت احجي سدت حلكي ساره سكت
هاي اني احجي على احمد امي تخبص نفسها من يمها
ابد.ماتنطي بي
حجت هوايه تالي طلعت
واني
بقيت. كاعده وضايجه
شويه واجتي امل
وشافتني هيج. حالتي
لج. شبيج.
شوكت مااجيج. مسويتلج عركه
منين عرفتي؟؟
هاي ساره بالمطبخ حجتلي
اكو وحده عدها هيج اخ كيكه وتتعارك. .
وياه
اوووه اسكتي بالله
شنو محصلين منه بس، يتآمر ويصيح
هسه هاي الهوسه كلها علمود ترحين للسوك جان كتيلي اني اروح وياج ولا تحجي علئ أحمد
تحجي وهي ذابيه
ولي عني تروح وياي
ظلينا كاعدين نسولف شويه نفسيتي تحسنت
رجعت اشتغل
وهي امل مرحه تسولف وتضحك.
تخلي الواحد يطلع من طوره
بس ماطولت شويه راحت
بقيت بلغرفه والجو حار واني محترك دمي والغرفه هواها يخنك
والاخ كاعد على المبرده
صار العصر واحنه بيتنا هدوء امي تغدت ونامت وساره تشتغل واني بلغرفه طلعت روحي على الرغم بيتنا زغير بس اني طبعي مااستقل مكان واحد
اظل افتر كل ساع مكان هيج ارتاح اكثر
