12
اخر ربيع
مساء الخير
قصي تخرجت وبلحلفه
اجتي حبيبتي وجانت
اللبس اخر موديل
الي يشوفها يكول بنت تاجر
طبعا اني ماقابل على لبسها
بس اكول مو وكتها
بس تصير مرتي
اغيرها تماما هسه مالي سلطه عليها
ومن غير لسانها الي يكول منشار ابد.
متنطي مجال لاحد.
كانت فرحتي ماتنوصف هم
.بتخرجي وهم بحبيبتي
وخصوصا بعد.ماعجبت امي واخواتي
خصوصا من رجعوا لليبيت ماعدهم سالفه اله بيها على جمالها وعلى اناقتها وشخصيتها
يعني تصويت بلاجماع عليها مقبوله ميه بلميه
جنه لبيت ابو تسير اسم اخوي الجبير
اطمئنيت من هاي الناحيه وصار
هدفي قريب الحصول
وراها نجحت وهي هم نجحت
ورحت لكوثر فرحان وهي كل
ماتشوفني تعال احجيلي عن اسيل
يعني شنو احجيلج
كلشي كلشي
شنو تحجون شنو تسولفون
شبيج كوثر ملكوفه
شنو هل الطلب يعني اثنين
يحبون بعض شنو يحجون
عن كوفي عنان وزياره لبغداد
لو عن الخصار الاقتصادي
هههههه اي لوفها عليه قصي افندي
والله انتي طلبج مادري شونها
اسمع
خير اسمع
اني راح
اسويلكم غداء مرتب هو هم يعتبر هديه نجاحك وتعزم اسيل تتغدون هنا
شنو كلت ؟؟؟
والله خوش فكره بس عفيه لا تعزمين امي
لان بس تجي تفصخ البنيه
ههههههه انت ماشفتها من دكلها انتي مريضه
اني غصيت بلعصير من الفشله
بعد.امج لازم تسوي فوحصات
عامه على للعروس الجديده
هسه شوكت ترجعلي خبر حتى اجهز الغداء
اوك انطيها خبر وارجعلج
انتظرك مو طول
لا ابد.
رجعت للبيت واني طاير فرح عيني على الساعه
حتى اروح اوصلها لبيتهم
طلعت من وكت نهار صيف وحر والوكت طويل
وخصوصا عاى العاشك مثلي
كعدنا بلحديقه اني وياها وحجيتلها عن موضوع العزيمه اشو
هاي كامت تخربط خلتني اطلع من طوري
وصارت هوسه الها اول مالها اخر
والله شنو تعزمني بيت اختك
يعني ماتخاف على سمعتي
عافتني مثل كل مره
وهي تهدد
ماريد اشوفك واله شفتك هيج اسوي
اني صراحه هم كلش
ضجت من تصرفها وكلت خلي تتادب شويه
بس وين اسيل تنزل راس اسبوع يجر اسبوع
وهي لاتنازلت ولا مهمته الي
واني بديت اشتاقلها واحن
لكعدتنا ياربي احبها موبيدي
مو ضعيف اوماشايف
بنات بس كلبي كلب ابن كلب يحب
هاي المغروره ام تنورا
شبر ونص
دخلت كوثر وراحتلها ومافاد.
والشوك تعبني اريد اشوفها ياخذني كلبي الها
عبالك هو يمشيني مو رجليه
المحها من بعيد.
وارجع
كم مره
الى فد يوم رحت ورجعت وهي ماكو استغربت
كلت يجوز طالعه من وكت
ثاني يوم نفس الشي
استغربت
هواي خابرت هدى صديقتها
كالت ماعرف عنها شي من زمان مامخابرتني
يوم ثالث هم نفس الشي مابينت لا القصه مو خاليه لازم بيها شي
او بطلت بس شون تبطل وهي محتاجه الشغل
واعرفها حالتها وضع اهلها
بعد.دوام خلص ردت اشوف هاي
البنيه إلى وياها بلغرفه ماكو
وكت طلعه موظفين هوسه
رحت للبيت وقلق صحت
علئ اختي تخلي بفراشي
بلسطح فرشتلي على جربايه.حديد
واخذت جكايري وصعدت
والف حسبه اجتي بالي انخطبت وبطلت
انتقلت لغير مكان سافرت مريضه
