اخر ربيع
٦١ مساء الخير
.....
أدب سزز إله اكل لعمي عليك
وشبيه ماعرف اسوي حلويات
اصلا البارحه سويت كليجه ام التمر
غير تخبل
هيثم لابلله كليجه ام التمر
لج بيبيتي بزمنها جانت تسوي كليجه ام الجوز ام الحلقوم
وانتي تسوين ام التمر
خرب قصف مو طبيعي وكعت بلسان هيثم منو يخلصها
دخلنا واحنه ميتين ضحك.
وهي ورانا
وفاروق يريد يخليهم بثلاجه
وهي تتوعد بي إله اخربهم من تنامون
هو تخبل
ظل يعيط عليها ويطردها
وامي بنصهم.
تريد طلعها وهاي تلعلع بصوتها طلع صوتها الحقيقي
وامي دكلها لج انت عقلج ويه عقل طفل شبيج مخبله
شكبرج وشكدج حالج من حال فاروق
اي والله اكيد دافعين علئ ابنج.
اطلعي ونصي صوتج
واحنه علئ الهوسه اني ساكت بس اتفرج
الها
وهيثم. اي خربيهم وشوفي اله اخرب وجهج بوكسي
وظل يحشش عليها
فيلم
مو طبيعه هاي البنيه ابد
طبعا هي ماترد على هيثم بس على فاروق
دخل أبويه واحنه الكل سكت وهي بعدها تلعلع
وظلت تشكبيها
عمو تقبل فاروق يغاط عليه
وسوت نفسها مسكينه والصوت كوه ينسمع
هو التفت علئ فاروق بس شكله معصب. صدك. انت غالط عليها
هو لازم بيده العلب مالت الحلويات وجها صار احمر
يأبه هي دكلي اني اخربهم بليل
وين اوديهم بالله
اريد ثلاجه بغرفتي ماامن اخلي أشياءى
هنا
وظل يبجي وصعد بسرعه
ابوي صاح عليه مارد بس يبجي
لاواله الا الله الولد جاي وفرحان متونس
هاي خربت عليه الفرحه
أبويه من سمعه ببجي اتخربط راستنا كعد ماكدر يوكف
ماتحمل يشوفه مقهور
رحت عليه يأبه انت زين
اي هز راسه
وهاي ولت لبيتهم
بقينا احنه محتارين بابويه
جابتله امي مي
أشر لهيثم. يروح ينزله لأن مايكدر
يصعد إله
راح هيثم.
واني رحت جبت جهاز الضغط
وقست ضغطه
لكيته مرتفع
انطيته علاجه
واجه هيثم شايله علئ ركبته
هو ينهت
اه اه
ماكو هيج ثكل
لك. شكد شايل اثقال
وشكد لاعب حديد. بس مو مثل
هل الانتقام
فتحله ايده أبويه
هو علئ اساس زعلان
خلاه بحظنه وظل يبوس أبويه
تزعل مني فراق
وهذا يمسح بدموعه
حبيبي عفيه لاتبجي
إلي تريده يصير
مو ثلاجه وحده اجبيلك. معرض مال الثلاجات
ولاتنزل منك دمعه
والله دموعك تاذيني
طلع الفون ودك علئ السايق
وين انت ابو يحي
عوف كلشي من ايدك
ورح اشتري ثلاجه ٩ قدم
وجيبها علئ البيت
اي
هسه خلال نص ساعه أريدها
تمام
سده
وبأس فراق
ها حبيبي بعد شنو تريد هسه راح تجيك الثلاجه وخلي إلى يعجبك بيها
بسرعه ضحك. ومسح دموعه
اي
لعد خلي اروح اسويلها مكان
روح حبيبي وغير ملابسك.
باوع لنفسه
اووه صدك بعدني مامبدل
كله من هاي المخبله
صعد هو فرحان اني هم صعدت فوك.
ابدل وامتدد
اليوم ضوجه بضَوجه
بس اكيد يصير هيج. إله اني مصبح بوجه ألبومه ربئ
بدلت ملابسي
ورحت اشوف محاظراتي
