بارت 30
اخر ربيع
للكاتبه بنت الرافدين
ضرب الباب اكثر من مره هو
يكول اسيل افتحي
روح بهجت ماافتح
رجع ضربه قوي
كلتك ماافتح لو تموت
ظل يضرب بلباب
سديت اذني حتئ مااسمع صوته
احس نفسي تلعب منه
ومن حقارته
ظل يضرب الئ أن تعب ونزل
ماعرف ربي شون جامعهم هذول الاثنين
يتشابهون بكلشي نفس الحقاره والخبث
جبتلي ورقه وكعدت اشخبط
وارسم بلون الاسود
يعني يعبر عن حالتي
الله يلعن الفقر ويومه إلى هيج يذل
البشر
والله هسه هذول منو
وهيج يعاملوني بس
غير الحاجه الي خلتني جوه رحمتهم
شغلت الرأيدوا واسمع
واني اكلب بلاذاعات و طلعلي
اغنيه هيثم يوسف
حنيت إلك ٠٠٠٠حنيت
احس كلبي راح ينكسر بعد ما اتحمل
شمرت الرأديوا بعيد
ابد مو وكتك هيثم
اني وين وهاي الاغنيه وين
احس هيجت عليه المواجع وفتحت كل جرح
ظليت أجر النفس كوه
الئ أن ارتاحيت
الوقت تأخر واني عيني ماتقبل تغمض
لانزلت تغديت ولاتعشيت
بس طلعت للحمام غسلت وتوضيت
ورجعت للغرفتي وهم قفلتها
واني افكر
اكيد هسه ساره مقهوره عليه
وهي حساسه صح
ماتحجي هواي بس تضم بكلبها
بس الشي الي مطمئنه منه ماتحجي لأمي
اكيد هسه دكلها اسيل قمه بسعاده ومرتاحه
بقيت اليل كله كاعده
للفجر يالله نمت وقررت ابقئ بعزلتي
لأن هيج بشر حرام واحد
حتئ يحجي وياهم أو حتئ يسلم عليهم
صليت الفجر ودعيت ربي ودعائي العتاد ربي يخلصني منهم
نمت وراه الفجر
كعدت الصبح متأخره والبيت هدوء
ماكو صوت فتحت البرده سيارته
طالعه
طلعت للحمام غسلت
ورجعت للغرفه حتئ مالي نفس اكل
والضوجه فول
رجعت تمدت بفراشي واسمع راديوا
للعصر واني بدون اكل
وراح يصيرلي يوم واني كلشي مامخليه
بحلكي
الئ أن جعت كلش
دورت بغراضي لكيت كعك ونستله اكلتها
وشربت مي حتئ حار
ماعندي مي بارد واني ماريد انزل
لليل هم اجه بهجت وظل يدك. بلباب
اسيل افتحي
الباب
افتحي ويضربه قوي
افتحي خلي نتفاهم
اسيل هاي مو حاله
ترا كل ما احد ضوجج بكلمه قفلتي الباب
ماريدت عليه ولاكاني اسمعها
يريدني افتحله الباب
وهم أخذه بالإحظان والبسله بعد
والله يابهجت إله شوفتي حسره عليك
هم مثل اليوم قبله اايس وراح
بقيت سهرانه ارسم لو اسمع راديو
لو اسافر بذكرياتي
اباوع من الشباك
واني اكول مسيت العافيه عليك قصي
وينك هسه شنو شدسوي
اورجع من صفتني ياربي
شبيه اني ربي لاتجعل خيانه
والله مو بيدي هي روحي إله ابقئ
هيج الئ أن انعس
انام متأخره
مرات احتاج واطلع للحمام
فتحت باب بحذر حتئ
لايسمع ويجي
شفت علاكه اكل باب الغرفه
مخليها
لزمتها وشمرتها من الدرج
الحقير. يعيرني بمصرف اهلي
إلى يكول بلاش
مو كافي شبابي الثمن
وكسره كلبي من غير هو بطلني
من شغلي وتكفل ينطيهم راتب
شمرتها ورجعت فقلت بابي
