٥٨
اخر ربيع
مساء الخير
بس ماجنت اشكي ابد بس اني
محتاره ليش هيج. ديصير وياي
بس هملت الموضوع واني ملتهيه
بلجهال وهوسه البيت والخطار
لان كل خطار بهجت تحول عندي
حتئ تعيني سكته ماعرف طلع اسمي لولا
مره سألت بهجت كلته
شنو صار عن تعيني
يمعوده وينج. وين التعيين هسه حيري بجهالج
وكبريهم اول وتالي كولي اتعين
اي صدك. حتئ يجي غيرهم
والله ياريت اسيل هيج ويصيرون سته أولاد
يمه عزاااا يعني تحجي صدك.
هما ذوله لاغيرهم تريد سته تريد عشره
روح ازوج. بدل الوحده عشره
انجبي لج. وشنو من اريد ازوج. خايف منج.
بس ماريد اولاد إله من هل الحلو إلى يمي
وشرط يطلعون عليج.
ههههههه
بس صدك. بهجت نفسي ببنيه
راح اتخبل علئ بت ساره عفيه اريد بنيه
لااسيل فدوه لعمرج. لادكليلي
إله البنيه اني اكلج لاتخلفين
لاوالله هو بكيفك
لا مو بكيفي بس والله اظلمها وَربج مايحب الظلم
واني اخاف ربي
اكيد تطلع تشبهج. واغار عليها كلما تكبر إ
اله اعوف
شغلي واظل احرسها
انت ماتغير ابد
لا والله بس غير انتي حلوه
وبنتج. تشبهج.
لزمني من بطني وخلي ايده تتلمس
بيها
شنو ذكرج بلحمل عاجبج هاي البطن تكبر اتونس اني
وتجيبنه بيبي زغير حلو مثلج.
لايمه شنو ابني بعده زغير ويني وين الحمل
بس انتي فلفل هل المره طولتي ماحملتي
بعد ثبتتها عليه فلفل
قابل مجذب اني فلفل وهندي هم.
ههههههه هيج.اني
مرت حياتي هادئه وحلوه وبهجت مدللني فوك مااتصور
عمه صارت تجي هوايه النه شبه مقيمه عدنا
حتئ مرات تبات عدنا بغرفه الجهال
تنام هي ويوسف
صارت تتسوكلي وتساعدني بلبيت
بهجت
هوايه يحذرني منها
ومرات ييزرلها يكولها المن فاتح ذاك البيت إله انتي هنا كاعده
وهي ترد عليه
لعد قنع اسيل نرجع للذلك البيت
انتم. أخذوا الجوه واني فوك. اصعد
اني تعلمت علئ الجهال ماكدر افاركهم
بس اني رفضت ماكدر اعوف بيتي
حتئ لو ذاك. أكبر واحلئ
بس هذا بيتي
هي هم تعقلت بجهال وخصوصا يوسف
يطلع وياها للسوك. للصيدليه
بس هيثم مو هلكد تحبه
متعلق بيه مايحب يختلط هواي
ومن يجي ابوه ينساني
كل الوقت عندنا
صار يحبه اكثر من يوسف
ولبق ولسانه حلو
وعمه تلعب وياهم ودكلهم فدوه هل الوجه وهل الخلقه
انت واخوك بس حرامات طلعتو ا
علئ هاي العوبه لو طالعين علئ ابوكم
لاوالله صرت عوبه والله عمي تحجين
وشدعوه الابو إلى يخبل
وتردين أولادي يشبهوه
عمه مو هيج. تتعلقين بي حففي شويه
والله موزين عليج.
هذا مو حب هذا
لا تخلين كلبج. يتعلق
لغير واحد ولادكليلي زوجي وماعرف شنو من هل الكلام
حتئ لو
خلي حبج لربج. وبس يعني هو شنو يسويلج.
مثلا يدخلج الجنه
أكثر شي يسويلج. هو يصرف عليج ويكعدج بيت
مو اكثر منها مو بس الج هذا الكلام هم الي
هسه انتي مو تشوفي مددليني ومرتاحه وماناقصني شي
