غریب وتايه وصوتك تلگاني
وتلاگینه مطر وتراب واحد
مات بالثاني ؛♥
مرات الانسان من يتعرض للخذلان وينكسر اكثر من مرة يلجئ يكون وحيد ويصبح عنده خوف
رهيب لا ينخذل مرة ثانية !كلمة وحدة جملة وحدة قادرة انو توعيك علئ
حاظرك الي داتعيشه ! جملة واحدة قادرة انو تشرح الك موقعك الاعرابي وين وانتَ وين !,الحياة صعبة بس سهلة من تكون انتَ انسان ناجح وراضي بابسط
التفاصيل ,انسان مهتم لكل التفاصيل الصغيرة الي ميهتم الها احد ,انسان تسعده
ابسط التفاصيل هنا راح تكون اسعد انسان بالدنيا وتكون الحياة عندك سهلة ,بس شوكت تكون الحياة عندك صعبة ؟,من تكون انسان كسول ,غير قنوع غير راضي علئ حياته ممهتم لاي شي ,هنا الحياة راح تكون
بنظرك معقدة لكن للاسف مو الحياة معقدة انتَ المعقد ! اي هذي الصراحة الي لازم تتقبلها ومن عدها توعئ علئ نفسك وشوي شوي تصير تشتغل علئ نفسك
وتطورها الئ الافضل وهنا راح تلاحظ تطوروتغير ملحوظ بشخصيتك , فزيت علئ صوت بابا يصيحني علمود
اشغل الصوبة عفت القلم وسديت الدفتر وكمت بدايتاً اعرفكم عن نفسي اني ريحانة عمري 19 سنة ادرس صيدلة مرحلة ثانية ملامحي عادية جدا عيوني
عسلي فاتح صاحبة رموش كثيفة وطويلة طولي 160 يعني زين وجسمي مرتب ولايك وية طولي بشرتي حنطية وشعري اسود نازل لوركي من جان عمري 14 سنة راجعت دكتور نفسي لمدة 3 سنوات بسبب تعرضي للتنمر والكلام السلبي
وهواي تفاصيل مجرد مااذكرهة كلبي ينغزني اشياء وذكريات مناسيتها لحد الان تلاحقني شخصيتي صارت قوية الحمدالله وكمت مااهتم بس يبقئ اثر بداخلي
ماينمحي لو بعد 20 سنة متعرضة لانهيار حاد بالاعصاب اكثر من مرة وصارت عندي مضاعفات بجسمي بسبب قوة الانهيار, كل هذا بصفحة وانفصال ابوية وامي بصفحة ! كل الاشياء الي واجهتها بحياتي كل الصعوبات كتبتها بدفتري الخاص احسه يواسيني !
فزيت علئ صوت بابا وهوة يكول بابا ريحانتي تعالي شغلي الصوبة اي مو ثلجنا ابتسمت وصحت جاية بابا سديت الشباك والبردة ونزلت اركض وديت الصوبة
يم بابا وجبت الجداحة اريد اشغل الصوبة وكالعادة خفت لا تشتغل بساع وانحرك تقدم بابا شال الفتيلة مال صوبة وكال يلا شغلي كتلة بخوف خاف احترك لزم ايدي وخلة اصبعةعلئ الجداحة وضغط واشتغلت الصوبة عاف ايدي وخلة
الفتيلة وكال صيري نجرة ! ولا تخافين ابتسمت وهزيت راسي اباوع اخواني متمددين علئ القنفات وكلهة لازمة المبايلات وبابا باوع عليهم بتك عين وكام طفة الراوتر ابتسمت شوي وصاح علاوي اخوي بعصبية منووو طفة الراوتررر خرب جاوبة بابا وهوة يكلب بالقنوات اني ليش عندك مانع عدلوا اخواني كعدتهم وكال اخوي هه لا ابوي صدك جذب موبس طفيه الراوتر حتئ النانو كسره
أنت تقرأ
﮼يأس ﮼القلوب
Romance#حب النقيب بعد فراق دام لمدة 6 سنوات تنكشف الحقائق و ينكشف كل شي مغطئ، بين حب وعشق رغم الطلاق ومابين مريضة بفرطِ الانتباه، ونقيب متملك غيور ،وذكريات تلاحقنا كل هذهِ السنين وقتلتنا ولم نكن قادرين علئ قتلها ، كلها هنا في يأس الـقلوب ♥ بين الحقيقة وا...
