شايف من تبين عود مامكسور
تضحك وبضحكتك توكع الدمعة؟
ريحـانة
بلعت ريكي وبساع كتبت الها العفوا منو انتِ ؟ شافت الرسالة وكالت هسة بس كوليلي انتِ شنو تقربين الـه؟
كتلها خطـيبته وعن قريب زوجتـه ان شاء الله ردت عـلية متـردين تعرفين ماضيه شنو ؟ توقعت نفس كل
مرة انهار وابقئ ابجي وازعل بس ! صار العكس كتبت الها ميهمني اعرف شنو ماضيه او اي شي قديم وتركه
اني من قبلت بيه وحبيته تقبلته بكل حالاته سواءكان عنده علاقات قديمة او اي شي لين هوة صار الي
وباسمي وعاف كلشي ويدور مصلحتي تتوقعين هسة بكم كلمة منج اتقشمر واروح اعاركه؟ لا حبيبتي
محزرتي ومرة ثانية لا تجيبين اسمه علئ لسانج ونفـس مانفاج واصلا ماذاكرج سوي نفسه عيب تذلين
نفسج وتدخلين لحسابات وتراسلين وانطيتها بلوك الادبسز حركت اعصابي وانتَ استاذ باسل باجر اشوفك
ويصير خير عبالك اسكت مو ونوب استحي اراسله استغفرت الله وخليت المبايل علئ الميز ومسحت
وجهي وكلت مااغار مااغار شيسوي خلي يسوي خليت راسي علئ المخدة وكمت بساع ورجعت كلت بس هية منين
تعرفه اكيد مسولف وياهة لو شوف شنو شوكت يجي باجر شوكت تمددت وضـليت افكر مااريد اتسرع
واجفص نفس كل مرة التفاهم حلو رجعت لزمت المبايل ودخلت للواتساب مخـلي صورته ابتسمت
مادري ليش ضغطت علينا وكبرتها وضليت ضافنة عليها وكلت بهدوء الله شكد حلو ،لحيـته المحدد
حواجبه المعقوجات ،سماره ،اناقته، عيونه يالله كلشي بي حلو كللنة يمعودة يادعاء تقرة خلي نقراه بلكت هم
نصير حلوين انتبهت علئ روحي وضحكت والله علية سوالف خرب يومي بس شنو اني هم حلوة فديتني وضليت هيج لحد ما غفيت .
طالب
نايم وفزيت صوت يتحرك يمي فتحت عيوني بعصبية اني شكم مرة كايل الهم من انام مااريد اسمع اي صوت
اباوع الكاها ست جوري كاعدة تاكل كرزات ومشغلة التلفزيون تباوع علئ مسلسل كويتي مسحت كصتي
واستغفرت الله وكلت بهدوء بوية اني مو نايم شعندج معلية هالغضب؟ دارت وجهة علية وكالت ها طلوبي
كعدت استغفرت الله وكتلها اشتعل طلوبي بنار ونفط نصي الغضب اريد انام باوعت علية وطفت التلفزيون
وكالت خوب كول جوري اطلعي من الغرفة وجودج يزعجني كول لا تستحي كول وكامت تريد تطلع صحت
بيها بعصبية شو تعالي بس تطلعين اكوم اسحلج ومحمد خافت وكفت كتلها تعالي كعدي هنا بدون كلام
أنت تقرأ
﮼يأس ﮼القلوب
Romance#حب النقيب بعد فراق دام لمدة 6 سنوات تنكشف الحقائق و ينكشف كل شي مغطئ، بين حب وعشق رغم الطلاق ومابين مريضة بفرطِ الانتباه، ونقيب متملك غيور ،وذكريات تلاحقنا كل هذهِ السنين وقتلتنا ولم نكن قادرين علئ قتلها ، كلها هنا في يأس الـقلوب ♥ بين الحقيقة وا...
