ودي أگُلك خاف طحت من أيدك بزحمة گلوب
وضَيعتني ،
ودي أگُلك هذا وجهَك عالستائر
عالحياطين
إعله كُلشي ،
ودي أگُلك هذا طاريك إعله شِفتي تندي بأسمَك
ودي أگُلك من ذكرتك غَمضتهن
سافرت بيهن أشوفك ..
ودي أگُلك هذا شوگك بيّه يَسري
ودي أگُلك ، يَمته تدري ؟
يَمته ؟
في اليوم التالي
ريحانة
نايمة وفزيت علئ لمسات خفيقة علئ خدي فتحت عيوني بنعـاس شفته باسل يمسد علئ خدي بهدوء
ابتسمت وهوة كال وهوة مبتسم ونضرات عيونة كلهم حب صباح الخير يالخير كله شبكته وكلت صباح النور
يروحي انتَ شبكني وكال كومي يلا دك المنبه عندج دوام لاتتاخرين كتلة واني اسد عيوني اي هسة بس
خمس دقايق كال ابد لاخمسة ولا هاي كومي بساع كتلة بااااسل رد وهوة يبوس خدي كلبة وعمرة وروحة
يمة غير انسحنت روحي كبل كمت بدون مااحجي شي دخلت غسلت وجهي وفرشت اسناني طلعت وهوة
دخل للحمام فتحت الكنتور طلعت بنطرون اسود وسويتر بيجي ،لبستهم وخليت مكياج خفيف وباسل
واكف يبدل ويباوع علية بعدين لفيت الشيلة ولبست الحذاء ورشيت عطر واخذت الجنطة خليت بيها
الابكوت والملزمة ومبايلي وكم شغلة احتاجهم وكتلة كملت عمري سحب السويج وكال امشي اباوع علية
لابس بنطرون اسود وبدي ابيض ورافع شعره ولابس مناضر وساعة والحلقة تقربت لزمته من ايدة وكتلة
شنية طالع حلو ضحك وضمني لحضنه وكال هسة شنو اعتبره مدح لو غيرة؟ كتلة واني ادفن روحي
بحضنه ثنينهم ابتسم وباسني براسي ولزمني من ايدي ونزلنا طلعنا للكراج فتح السيارة صعدت وصعد وبدأ
يسوق انتجيت علئ الكشن ولازمة ايده وهمست بحب احبك باسل دار علية ابتسم وكال روحة لباسل اموت
عـليج، يمة كزكزت عليه كرصته من ايدة وكتلة عفية طالع حلو والله اغار هية شنية وضل يضحك علية
واني اباوعلة بتك عين شوية ووصلني للجامعة باسني بخدي وكال ديربالج علئ روحج ابتسمت وكتلة ان شاء
الله نزلت ودخلت وهوة حرك السيارة رحت كبل للحديقة لكيت نازك كاعدة لوحت الي من بعيد
وابتسمت وصلت يمها سلمت عليها وكالت هلا عيني اشرقت وانورت شهل ابتسامة الحلوة ضحكت وكتلهة
شكرا عيني شكرا كعدنا وضلينا نسولف وشوية واجت سارة بوستها وكعدت يمنا وسولفت النا البارحة شلون
بابا محاجيها تحجي وفحطتنا من الضحك لحد ما كمنا رحنا للقاعة وهية راحت لقسمها وبدت المحاظرة ،ورة
ماخلصت المحاظرة طلعنا رحنا كعدنا بالنادي واجت يمنا سارة، طلبنا عصاير وكيك وضلينا ناكل ونسولف
أنت تقرأ
﮼يأس ﮼القلوب
Romance#حب النقيب بعد فراق دام لمدة 6 سنوات تنكشف الحقائق و ينكشف كل شي مغطئ، بين حب وعشق رغم الطلاق ومابين مريضة بفرطِ الانتباه، ونقيب متملك غيور ،وذكريات تلاحقنا كل هذهِ السنين وقتلتنا ولم نكن قادرين علئ قتلها ، كلها هنا في يأس الـقلوب ♥ بين الحقيقة وا...
