عوفهن هنه انعمن من دونك
هسه سولفلي اعله لون عيونك
بعده يخجل من يمر بيهن ربيع
بعده اليباوع على عيونك يضيع ....
طالب
لساني بعد مايعتب علئ لسانك جاي اسد الخط وكال بوية كتلك مااجي ! رديت عليه بعصبية كتلللك
خمسس دقاييييق حسسيين لا تختبررر صبري سكت سديت الخط واستغفرت الله راح يخبلوني دخلت
للحديقة شفت مريم كاعدة كتلها شتسوين بابا كومي ادخلي جوة نامي ردت بهدوء انتضر حسين كتلها
كومي بابا هسة يجي حسين ادخلي جوة هزت راسها وكامت دخلت تنهدت وتقدمت كعدت علئ الكرسي
الموجود بالحديقة ومنتظره صحت سارة اجتي تركض كالت ها بابا كتلها صيحي محمد كليلة بابا يريدك
بالحديقة كالت تمام راحت وشوية واجة حسين كال ها يابة؟ مسحت كصتي وكتلة اكعد هنا كعد ومستغرب
شوية وانفتح باب الكراج ودخل استاذ حسين يمشي تقدم شافني ومن شاف محمد عقج حواجبة راد يرجع
كمت وكتلة خير وين؟ اوكف بمكانك راد يحجي كتلة بعصبية ولا كلمة كوووم محمد احجي وياك كوم ! كام
كتلة اي وهسة شلون تبقون هيج؟ عبالكم اعوفكم مثل العالم متزاعلين شهر وهالسوالف ؟تردون تدمرون
خوتكم الضليت سنين اعلمكم شلون تبنوها؟ اي استاذ محمد متبادر؟ موانتَ الغلطان وماخليت لحسين
احترام بسبب خوفك عليه؟ تريده يبقئ هيج؟ وسكتت اباوع تقدم محمد راح يحضن حسين وحسين
دفعة وكلة وخر مني ومحمد ضل يجر بي عبالك
زعاطيط ولا عبالك واحدهم بكد الثور اخر شي محمد جر حسين وحضنه حيل وحسين اهتزت اكتافه عرفت
دموعه نزلت بوية هية صدك الدمعة الرجال غالية؟ بس منو كال الرجال حرام يبجي؟ واذا بجة الرجال
فالهموم تثاقلت ! محمد يطبطب علئ ضهره وباس راسة واعتذر وكلة حقك علية وضل يحجي ويكلة
خوي اني غير خايف عليك ؟ وهاي ايدي النمدت عليك تنكسر مرة ثانية اذا انمدت وضل يحجي وياه ويطلب
السموحة و ابتسمت واني اشوفهم متحابين واحد حاضن الثاني كتلهم ها صفينا هسة كل واحد يرجع
لغرفته وحسين انتَ موشفتها خوش فرصة علمود تديح بالشوارع بنص الليل ترا ماتفوتني هاي السوالف
كال وهوة يحك راسة لابوية وين اصلا جنت هيج افتر كتلة اي مبين بوية مبين طلع محمد سويج من جيبة
وخلة بيد حسين وكلة هاي السيارة بس هسة يمك باجر اخذك للمعارض وتختار الاحسن منها وعلئ
حسابي اعتبرها عربون صلح ابتسم حسين وكلة لا مشكور وعلي اني اصلا مجمع وعاجبتني جارجر سودة
أنت تقرأ
﮼يأس ﮼القلوب
Romance#حب النقيب بعد فراق دام لمدة 6 سنوات تنكشف الحقائق و ينكشف كل شي مغطئ، بين حب وعشق رغم الطلاق ومابين مريضة بفرطِ الانتباه، ونقيب متملك غيور ،وذكريات تلاحقنا كل هذهِ السنين وقتلتنا ولم نكن قادرين علئ قتلها ، كلها هنا في يأس الـقلوب ♥ بين الحقيقة وا...
