ايام الجنت محتاجلك عدن....
حسين
غمضت عيوني بفشلة وكتلة اقصد صاحبي بوية صاحبي ضحك بصوت عالي وهز راسة وكال ملعون جفصتها انت بعد كتلة واني اتمدد واخلي
راسي بحضنة مادامني جفصت بوية بعد خلي اسولفلك ضربني بخفة على كصتي وكال احجي بوية احجي كتلة هية صاحبة البنات نازك تعرفها مو؟
صفن وكال هااا نازك اي بوية اعرفها شلون مااعرفها هاي شلون حبتك مادري الله يهديها ضحكت وكتلة دسمعني ياطالب ,الصراحة مااريد اطول
بالموضوع بيناتنا واريد يصير شي رسمي ,يعني اريد اخطبها وعدلت كعدتي وكتلة واني احبها ورايدها وماالكة احسن من عدها ,تنهد وكال بابا
حسين تريد تخطبها علمود بس تنسى فدك لو شنو ؟ اذا بعدك متعلق بفدك
شكو تورط البنية وياك ؟ كتلة لا يابة تحجي صدك ؟ مستحيل اسوي هيج
قابل مااخاف الله اني ؟البنية حبيتها وعجبتني وفدك ماضي وراح يعني اطمئن هز راسة وكال لعد بيها الخير ان شاء الله والكاتبة الله يصير
ولاتتسرع بقرارتك اخذلك فترة ضبط بيها امورك وراجع قرارتك وبعدين ابدا بتأسيس حياتك وية الانسانة المناسبة والي يرتاح الها كلبك والله يكتبلك
الحياة السعيدة ابتسمت وسحبت ايدة بهدوء بستها وكلت ان شاء الله والله لايحرمنا منك طلوبي ضحك وباسني براسي وكام واني صعدت للغرفة
تمددت على الجرباية ودكيت على نازك وسولفنا شوية وبعدين فاتحتها بالموضوع وكتلها مااحب اطول بالعلاقة ويربطنا شي رسمي احسن
علمود انتِ ترتاحين واني ارتاح وفهمتها وكتلها تكملين دراسة يمي واني اخذج واجيبج وكلشب تريدنه اوفرة واليعجبج يوصلج اليوم قبل باجر مفهوم
يابة وهية ساكتة وهمست حسين يعني السالفة صارت صدك ؟انو تخطبني واصير مرتك وهاي يعني ابد ماتوقعت
كلشي يصير بهل سرعة كتلها متحبين هسة اتقدم الج كولي مااريد احرجج كل الوقت الج صدكيني انتظرج لاخر يوم بعمري تنهدت وهمست تمام
هاهية ورة فرحة الزهراء ابتسمت وكتلها ان شاء الله وضلينا نسولف ونتفاهم على بعض التفاصيل وثنينا نثبت على رأي واحد ,ومن خلال هاي
الايام الي احجي بيها وي نازك اكتشفت العلاقة والحب موبكثرة السنين ولا بكثرة الايام وانما يتمضن هواي امور ومنها الدعم النفسي بالاوقات الصعبة
مااحب اقارن ببس على سبيل المثال من جان تصير عندي هواي مشاكل بالشغل وتتعب نفسيتي لابعد حد تحجي وياي نازك وبكلامها الحلو تزيل
شكو تعب وهم على كلبي بكلامها الحلو ومن تكول الله يساعدك يروح كل التعب عكس فدك تتلكاني اوو تاخرت وانتظرتك والزعل وارضي بيها
أنت تقرأ
﮼يأس ﮼القلوب
Romantizm#حب النقيب بعد فراق دام لمدة 6 سنوات تنكشف الحقائق و ينكشف كل شي مغطئ، بين حب وعشق رغم الطلاق ومابين مريضة بفرطِ الانتباه، ونقيب متملك غيور ،وذكريات تلاحقنا كل هذهِ السنين وقتلتنا ولم نكن قادرين علئ قتلها ، كلها هنا في يأس الـقلوب ♥ بين الحقيقة وا...
