هوسي و إدماني

البارت الاول

قبل ما ابدأ حابه اقول شكرا لكل قراء الرواية ... بس عندي استفسار صغيور ليه اللي بيقرأ مش بيضغط تصويت ؟؟؟ يعني عدد القراء في اللحظة دي وصلوا ٩١ و عدد التصويت يبقوا ٢ بس .... انا مش بأمركم انكم تصوتوا علي كل بارت بينزل لا دا بتصويتكم دا هتشجعوني اكتر اني اكمل و اكتب و انزل بسرعة مع اني قولت اني الروايه قيد الكتابة و انها مش هتنزل دلوقتي خالص و مش هبدأ فيها غير بعد ما اخلص الروايتين اللي قبلها و مع ذلك مهنش عليا اسيب القراء ينتظروا او ينسوا الرواية و خصوصا انهم مش عاملين متابعة للصفحة بتاعتي و الرواية لسة متنشرتش علي جوجل بسبب قله التصويت ليها .... فياريت زي ما انا بتعب في الكتابه اللي بتاخد مني وقت كبير جدا لاني من الناس اللي مش بتحب كتابه الفون و بمل بسرعة ... انتوا كمان تشجعوني بتصويتكم و متابعتكم و التعليق
اسفة اني طولت عليكم يلا نبدأ ........

_________________________________

《 إن اردت شئ بشده و لم تحصل عليه ... اياك ان تكتئب و تيأس من رحمة ربنا فالله قدير و عالم بكل ما في القلوب و سيأتيك الفرج في الوقت الذي لم تتوقعة حتي تكون الفرحة مضاعفة ... فلا تيأس و ثق في رحمه الله ....... M. R 》

كانت تسير بين ممرات كليه الحقوق برأس مرفوع بشموخ لا يليق الا بها .. ثواني و وصلت الي المدرج التي ستلقي به محاضراتها دخلت و اغلقت الباب بهدوء شديد و اتجهت الي المكان المخصص لوقوف الدكاترة و تكلمت بصوتها العذب الرقيق

فيرونيكا بأبتسامة بشوشة : صباح الخير عليكم جميعا ... و كل سنه و انتم طيبين ... يارب تكون سنه سعيده عليكم

الطلبه : صباح النور يا دكتور .... و حضرتك طيبه

فيرونيكا بنفس ابتسامتها التي لا تفارقها : انا الدكتورة فيرونيكا القاضي هدرسلكم ماده قانون العقوبات و القانون الجنائي ... بس علشان النهاردة اول محاضرة هنخليها تعارف و دردشة مع بعض .... اوك ...

الطلبه : اوك يا دكتور ..

فيرونيكا : مبدئيا كدا انا مش حابه يكون في حاجز بينا .. يعني انا اختكم الكبيرة قبل ما اكون الدكتورة بتاعتكم و اكملت بأبتسامه و بعدين يعني انا مش كبيره زي ما فاكرين انا عندي اربعة و عشرين سنه بس ...

احد الطلبه و يدعي احمد بذهول : اربعة و عشرين سنه و بقيتي دكتورة ... طب ازاي

فيرونيكا بضحك : ههههههه ... هو انا مش دكتورة بالمعني الحرفي يعني انا لسه مانقشتش الدكتوراه

طالبه و تدعي سهي : ازاي يعني يا دكتورة هو مش المفروض تكوني معيده مش دكتورة ... و اكملت ببلاها ولا هي كوسه ولا ايه ....

ضحكت فيرونيكا علي جملتها الاخيرة و تكلمت بهدوء : انتي اسمك ايه الاول

الطالبه : اسمي سهي