انا طفلة صغيرة طول عمري عايشة تحت رعاية ماما و حماية بابا و أمان أخواتي الصبيان
كنت أميرة بدلع وانا صغيرة كل حاجة موجودة قبل ما افكر فيها لحد الصدمه الكبرى
ضرب اخويا الوسطاني ليا بسبب و بدون سبب و أهانت اخويا الكبير ليا في الرايحة و الجاية
الاحوال في البيت اتغيرت مئة و ثمانين درجة
أمي علي طول متعصبه مش عارفة ليه
لحد ما جي اليوم الى ضربت في قطتي لحد ما ماتت المشكلة مش هنا المشكلة ان محستش بالذنب بالعكس ... كنت فرحانة
مرت الايام و الشهور علي ده الحال لحد ما بدأ بابا يضرب اي شخص يشوفه في البيت و امي شبه عجزت عن الحركة من كتر الضرب فيها ، عرفين مقولة الضرب في الميت حرام اهو عند ابويا الضرب في الميت مُتعه ... دلوقتي عرفة جبت الجبروت ده منين
الاخ الكبير بدأ يشم بودرة و الصغير بتاع بنات و كل يوم نجيبه من الحبس
سمعتنا بقت ماشاء الله زى الزفت في المنطقة كل ده وانا بستقبل الضرب و الأهانه بصدر رحب
كبرت و دخلت الجامعة دائما كنت حاسه اني اقل وحدة في صحابي بسبب و بدون سبب
" ايوا يا بابا مش هتأخر "
كنت على طول بسمع الكلمة دى بس بالمقابل عمر ما تلفوني رن برقمه ...
روحت لجدتي اتكلم معها لقيتها بتعتذر ليا في الاول مفهمتش بس بعدين فهمت
جدي كان بيعذب ابويا كتير لدرجة ان ابويا شبه اتجنن في الاول كان كويس بس لما صحيت نقطة النقص الي جوا اتحول لنسخة من جدي
و طبعا الباقي عرفينه ، لما بدا يعذب اخويا الكبير فالكبير طلعة في الوسطاني و طبعا الدور كان عليا و بحكم العادة بحثت عن الاضعف والي هي قطتي و طبعا عرفين عملت اى ...
العنف الاسرى مش بترتب علي غير سلسلة متتبعة من العنف و تكرار نفس الصورة بس بأشكال مختلفة
عايزين تعرفوا حصل اى لى عائلتي صح ؟؟
هقولكم امى عجزت تماما عن الحركة
اخويا الكبير مات بسبب over dos
و الوسطاني اتحبس
في الاخر ابويا ساب البيت و مشي وانا دلوقتي بعد ما كتبت كل ده هحط القلم جنب الورقة و هقوم اريح أمي من عذبها ، حقنة هواء مش هتألمها
اه نسيت اقول اخويا الوسطاني مات في السجن من كتر التنمر علي
وانا هنتحر بسيطة لازم سلسال العنف ينقطع ...
عاشت وصيفة و ماتت وصيفة
دى صورة صغيرة من الى بيحصل في ٤٠٪ من بيوتنا المصرية بحجة انا الاب و انا الصح و اكسر للولد ضلع يطلع غيرة
واكسر للبيت ضلع يطلعلها اربعة و عشرين ...
عمر التنمر و التعذيب ما كان حل ، الكلام حل ، التجاهل ""كعقاب حل ""
اظهر حبك للاخرين حل مش كل حاجة ضرب
الانسان مكرم من الله سبحانه و تعالى تيجي انت يا مجرد طين و تهين منه
#لا للضرب
#لا للتنمر
#لا للاهانة
#لا لكلمة عشان انا الاب و اعرف مصلحتك اكتر منك ...
