الجميل مدينة ليبية جنوب مدينة زوارة وغرب مدينة صبراتة وتبعد عن العاصمة طرابلس 100 كم ويبلغ عدد سكانها اكثر من 120 الف نسمة وكانت تعتبر الجميل اكبر مدينة في شعبية ^ النقاط الخمس^ ( سابقا) من حيث المساحة والسكان
وكان عدد سكانها في 2010
^ 102 الف نسمة ^ ويحدها من الجنوب بدر
من الشرق العجيلات وصبراتة
من الشمال زوارة
من الغرب العسة
س 1-السكان الأصليين للمنطقة؟
النوايل- العربان س 2-الاثار الموجودة او الاماكن السياحية؟
مفيش اثار ولا اماكن سياحية س 3-العادات في الاعراس( العريس- العروسة )؟
زي اي عرس ليبي
س 4-عادات يوم الجمعة؟
زي كل الليبين يلتمو العيلة في حوش الجد او العم الكبير ويطيبو الغذاء كسكسي ويمشو الرجالة لابسين الزبون والبدلة العربية الجامع ويروحو يتغذو ويديرو عالة الشاهي وتقعد لمة العيلة هادي الي اليل وفي الي يباتو س 5-اكثر اكلة مشهورة عندهم؟
خبزة مرفوسة- كسكسي س 6-بي شني معروفين اهل المنطقة؟
الطيبة س 7-اشهر انواع الزرع في المنطقة؟
زيتون - كرموس( التين)- عنب س 8-اسامي المنطقة قديما؟
كان اسمها تريدالين الاسم امازيغي س 9-اشهر شارع في المنطقة؟
شارع طريق المطار س 10-قصة قصيرة صارت قبل في المنطقة ودارت ضجة كبيرة؟
مش عارفة الحق س11-اكثر شي متشددين اعليه المنطقة ؟
العادات متاعهم متمسكين بيها هلبا وكل شي يمشي بالعادات غادي _________________ طبعا اني جاوبت علي الاسئلة لانه اني من الجميل منعرفش هلبا معلومات ان شاء الله استفدتو وخلاص الكاتبة: لولو حبيب♥️
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
