برنامج عاداتنا🇱🇾

البيضاء

البيضاء عاصمة الجبل الأخضر وهي اكبر مدنها ومركزها الإداري وتعد ثاني كبري مدن المنطقة الشرقية واهمها بعد بنغازي ، مدينة البيضاء تسمي كذلك ب^ مدينة الثلوج^ نظرا لسقوط الثلوج عليها في الشتاء، وهي معروفة بجوها المعتدل صيفا ، اما في الشتاء فإن شتاء البيضاء بارد وتعرف كذلك ب ^عروس الجبل الأخضر ^

تم تأسيسها قرابة عام 414 ق.م^ قبل الميلاد^

مساحتها حوالي^ 11.429 كم² ^

عميد بلدية البيضاء: علي حسين محمد ^ مش عارفة قاعد نفسه ولا لا ^

عدد سكانها في 2012

^ 209.978^

وتضم الكثير من المباني منها وزارة العدل ومجلس الوزارء سابقا
البيضاء

شرق البلاد جنب بنغازى ...هي منطقة خضراء كباقي مناطق الجبل الأخضر .. ومعروفه بطقسها البارد
س 1- السكان الأصليين للمنطقة؟

قبيلة البراعصة
س 2-الاثار الموجودة او الاماكن السياحية؟

لا يوجد مناطق سياحيه ولا اثار .. في بوسكو .. انواع وأشكال .. وفيها مول معروف ع مستوى الشرق اسمه ( سكاي مول ) ... كانت تقطن فيها الحكومه المؤقتة والمصرف ليبيا المركزى لما كانت بنغازى فيها حرب ولما تحررت بنغازى انتقلت الحكومه لبنغازى
س 3-العادات متاعهم في الاعراس ( العريس-العروسة)؟

في العروس طبعا عندنا جو الطبله والحركات هذين .. وفي الاعراس .. عندنا العروس عليها تفريشة الشقه او الحوش والعريس عليه السياق وعشاء الفرح ..  طبعا في التطريفة العشا لازم يكون كسكسو والعصور مثرودة

حتي عند الراجل

وثاني يوم الفرح لازم العروس اتجي واتعشي عند عيت عمها

والشراقه اغلبهم نفس العادة

ونحنا عندنا في عائلتنا عادة زايدة وهيا إن في الفرح سوى هل العريس او العروس .. لازم أثنين من النساء .. وحده تلبس عربي ورداء ولخرة تلبس جلابيت راجل ودبش راجل ... ولما الصبايا يصفقن يرقصو ونقعدو انغنو ع المرهون

^ هادي حتي الغرابة عندهم العادة هادي وبالذات الطرابلسية^
س 4- عاداتكم يوم الجمعة في المنطقة ؟

الفطور يكون عصيدة والغداء كسكسو .. وتلتم العائله كلها يوم الجمعه
س 5-اكثر اكلة مشهورة عندهم؟

الرز المرجع .. ماتخذيش ع الأسم لكن لذيذ بكل

وحتي المثرودة

س 6-بي شني معروفين اهل المنطقة؟

معروفين بالوعرة وقوة الشخصيه

البراعصة ياكبدى❤

س 7-اشهر انواع الزرع في المنطقة؟

البيضاء مدينه مافيهش مكان للزراعة لكن جنبها مزارع الغريقة الي أغلبهم يزرعو في القمح والشعير والتفاح

والعنب

وحتي لوسيطه جنبها يزرعو في جميع أنواع الفواكه

ماعدا الموز

س 8-اسامي المنطقة قديما؟

البيضاء من يومها اسمها البيضاء .. لانها مدينه عمره ماصارت فيها حرب .. يعني بيضاء خاليه من الدم حتي في إنقلاب معمر الملك أدريس وصاه ع البيضاء وقال نبيها ديما بيضاء ولما تبي أتخشها راك تقتل فيها واحد .. وإلي الأن اسمها البيضاء
س 9-اشهر شارع في المنطقة؟

شارع العروبه وشارع الجنين وشارع النسيم

س10-قصة قصيرة صارت قبل في المنطقة ودارت ضجة كبيرة؟

قصة المراءة الي سحرت عويلها عشان يخلو بناتهم إيديرن ألي يبنها

س 11-اكثر شي متشددين اعليه المنطقة ؟

متشدين علي عادتهم القديمة .. يعني نفس اللحم البراعصة مستحيل يتخلو عنه

البيضاء فيها عبيدات وحاسه وادرسه وعواقير

بس أكثرها براعصه

وهي أرض البراعصه

____________
الحق انسيت البنت الي جاوبت علي الاسئلة لكن نشكرها هلبا ♥️
الكاتبة: لولو حبيب