برنامج عاداتنا🇱🇾

زوارة

تقع مدينة زوارة في شمال غرب ليبيا علي شواطئ البحر الابيض المتوسط وتبعد عن العاصمة طرابلس حوالي 100 كلم غربا

يبلغ عدد سكان زوارة حوالي 45 الف نسمة

يتحدثون الامازيغية ويسمون مدينتهم ^ تامورت^

زوارة

تقع في الشمال الغربي من الشرق صبراتة من الجنوب الجميل و رقدالين ومن الغرب تونس
س 1- السكان الأصليين للمنطقة؟

الامازيغ ويتكلمو باللغة الامازيغية اللهجة الزوارية

س 2-الاثار الموجودة او الاماكن السياحية؟

فيه اثار في طريق راس جدير و مكان اسمه(اسوق اجديد)فيه الحاجات الاثرية

والأماكن سياحية البحر

س 3-العادات متاعهم في الاعراس ( العريس-العروسة)؟

اول يوم في العرس مانعرفش اسمه عندكم ههه عريس يوم (التيخ) يلبس ملابسه يطلع لي صاحبه يضربوه ويشركوله ملابسه هههه يو الكسوة ايدخلوه صحابه ايلبسوه ملابس زمنية يوم الحفلة يمشي ايحلقوله ويرادعوه ويلبس لبسة رسمية ويمشي للعروس

لعروس اول يوم تمشي للحمام (حشاك) ويلبسوها البودري

وفي يوم الكسوة تلبس في لباس زمني مانعرفش اسمه بالعربي(تيمدقلت) وفي يوم الحفلة تنوض الصبح بكري تمشي للمزين وتلبس الڤيلو وتمشي لصالة نتأخرة ديما هههه

(أعراسنا ديما امخر مُش زيكم انتو الساعة 12 ايتم كل شي احني لعروس اتجي الساعة 12 هههه ونقعد حتى لي الساعة 4)

س 4- عاداتكم يوم الجمعة في المنطقة ؟

يوم الجمعة العيلة ديما تلتم يا في حوش كبير العيلة ولا في الاستراحة و لغدي الاكتر ايديرو بازين و لا كسكسي
و لفطور عصيدة زوارية(اوتشو اد ايحراق)

س 5-اكثر اكلة مشهورة عندهم؟

أكلة لعصيدة(اوتشو اد ايحراق)

بازين بالحوت ولا بالسيبيا

س 6-بي شني معروفين اهل المنطقة؟

معروفين بالعنصرية وان مايعطوش بناتهم للعرب ههههه
س 7-اشهر انواع الزرع في المنطقة؟

التين

س 8-اسامي المنطقة قديما؟

من زمان تتسمى زوارة وليها اسامي اخرة زي (كاساس))

س 9-اشهر شارع في المنطقة؟

اشهر شارع الصكوح

والساحلي لان اكتر محلاتنا حلو الساحلي

وزوارة مشهورة بالبحر
س10-قصة قصيرة صارت قبل في المنطقة ودارت ضجة كبيرة؟

حجب نتيجة تالتة تانوي سنة 2010_2017_2018

س 11-اكثر شي متشددين اعليه المنطقة ؟

مايعطوش لي للعرب لي زيادة النسل الامازيغي والمحافظة على العادات والتقاليد

____________
طبعا شكر كبير الي سجود هيا الي جاوبت علي الأسئلة
شكرا سجود sojod_om