برنامج عاداتنا🇱🇾

الزاوية

مدينه الزاويه تقع في شمال غرب ليبيا

غرب عاصمه طرابلس بحوالي48كم تطل على البحر المتوسط وتحدها غربا مدينه صرمان وشرقا مدينه جنزور ومن الجنوب سلسلة جبال نفوسه

س 1- السكان الأصليين للمنطقة؟

صقوره وبلاعزا تقريبا

س 2-الاثار الموجودة او الاماكن السياحية؟

٠ غابه جودائم

٠منتزه جودائم للعائلات

٠مصيف المطرد

٠ شاطئ الحرشه

٠ شاطئ جودائم

٠منتزه الحريه

٠دار الثقافه والكتاب

والأماكن الاتريه مفيش
س 3-العادات متاعهم في الاعراس ( العريس-العروسة)؟

زي اي عرس ليبي عرس سبعه أيام وسبعه ليالي في كل حوش طبعا مشهورين بحنت خطين او خطيفه

س 4- عاداتكم يوم الجمعة في المنطقة ؟

تلتم العيله يوم الجمعه في حوش الجد

يكون الفطور مايسمى (بسفنز)

والغذاء (بازين أو كسكسي)

وبعد العصر عاده شعبيه تسمى (العاله)

وهي طريقه شعبيه لتحضير الشاي

وتقدم مع الحلويات

ويرتدي الرجال في هدا اليوم الزي

الشعبي (بدله عربيه)
س 5-اكثر اكلة مشهورة عندهم؟

البازبن والكسكسي والرشده

العصبان المبطن الكفته والبراك والبريك
س 6-بي شني معروفين اهل المنطقة؟

معروفين شبابها بغيره على بناتها مفيش زاوي معنداش امنيه يلبس مرته خمار ههه حزارين يعني

س 7-اشهر انواع الزرع في المنطقة؟

الذره والزيتون و التمور واللوز والعنب والفواكه الحمضية والبطيخ والزيتون والطماطم والفول السوداني
س 8-اسامي المنطقة قديما؟

عرفت قديما بأسم "أساريا" أما اسم المدينة الحالي فالأرجح أنه جاء نسبة إلى كثرة زوايا تحفيظ القرآن الكريم، وكلمة زاوية مأخوذة من زاوية في بيت الله مخصصة لتحفيظ وتدريس القرآن الكريم.
س 9-اشهر شارع في المنطقة؟

شارع عمر المختار، وشارع جمال عبد الناصر، وشارع الخرطوم، وشارع الولاني. حيث تقع أغلب المحال التجارية بالإضافة إلى بعض المعاهد والمدارس وجامعة تشتمل على عدد من الكليات.
س10-قصة قصيرة صارت قبل في المنطقة ودارت ضجة كبيرة؟

قصه قصيره والله قصة ونيس الله يرحمه لي شغلت ليبيا كلها
س 11-اكثر شي متشددين اعليه المنطقة ؟

اكتر شي متشددين عليه مش عارفه الحق بس اكتر عائلات معروفه متشدده وذكرها طاهر الزاوي في قاموسه بوحميريه ليهم معتقادات قديمه متمسكين بها مع انه طاهر الزاوي زيهم بس كان متعلم وشبهم باليهود:)

عادات الحق مفيش شي جديد عرس سبعه أيام وسبعه ليالي في كل حوش طبعا مشهورين بحنت خطين او خطيفه

سكان اصلين صقوره وبلاعزا تقريبا

:) معروفين شبابها بغيره على بناتها مفيش زاوي معنداش امنيه يلبس مرته خمار ههه حزارين يعني

قصه قصيره والله قصة ونيس الله يرحمه لي شغلت ليبيا كلها

اكتر شي متشددين عليه مش عارفه الحق بس اكتر عائلات معروفه متشدده وذكرها طاهر الزاوي في قاموسه بوحميريه ليهم معتقادات قديمه متمسكين بها مع انه طاهر الزاوي زيهم بس كان متعلم وشبهم باليهود:)

______________________
نشكر البنات الي جاوبو علي الاسئلة هما زوز بنات ياريت ايجو ويقولو احني الي جاوبنا في التعليقات♥️
الكاتبة: لولو حبيب♥️