دخلت ساره تجري الي غرفتها تبكي خائفه جدا من عمها لتدخل سهام إلى غرفتها
سهام : في ايه يا ساره مالك يا بنتي بس خايفه كده ليه
ساره : عمي جاي هنا خائفه اوي يخدني
سهام : ولا يقدر يلمس شعره منك مش يخدك ارفعي راسك والضحكه الحلوه وانت راكبه الحصان اشوفها تاني ايه ده يا بنت خياله مولوده بتركبي حصان
ضحكت ساره رغم الدموع التي تملا وجهها
مسحت سهام دموعها حضنتها بحب وقالت
سهام :عمك تحت تنزلي رأسك مرفوعه مش خايفه من حاجه انتي مش لوحدك انتي وراكي أهل وعزوه تحميكي ماشي
لم تعرف سهام ماذا فعلت بكلمتها في ساره كانت كلمات تحتاجها ساره بشده فقد كسر عمها فيها الاحساس بالأمان وشعرت انها وحيده بهذه الدنيا بعد موت جدتها لكن كلمات سهام كانت مثل الغريق الذي وجد قشه فمسك بها
ارتمت ساره في أحضان سهام تبكي وتشهق لتربط عليها سهام حتى هدئت
سهام : يلا يا قمر اغسلي وشك وحصليني تحت
ساره : بجد انا مش ليا عائله بس انا ليا ام كمان
سهام : غيري هدومك والبسي احلى فستان عندك وانزلي مستنياكي تحت
قبلت ساره خدها وابتسمت
إما في الاسكندريه في مكتب أحمد
طرقت جولي الباب ودخلت
نظر إليها أحمد وسرح في شعرها الأصفر وعيناها الخضروان وسمارها
أحمد : ممكن اسال سؤال
جولي : اتفضل
أحمد : انت تقربي لساره
جولي : لا مش من عيلتها
أحمد : بس في حاجه اجنبي في الموضوع
جولي : ايوه جدتي يونانيه بس انا سمراء لوالدي ايه ده يا مستر احمد انت بتعاكسني
أحمد : وانا اقدر انتي حمايه
جولي : الصفقه بتاعتك انا خلصتها واي تأخير في التسليم حيكون بمبلغ بسيط أقل بكثير من الاول
أحمد : ازاي عملتي كده
جولي : اللغه أهم حاجه انك تتكلم نفس اللغه في اي صفقه انا عرفت ازاي اوصل لمدير الشركه واتكلم معاه اتنطتت عليا كنسليت كل حاجه وقلت كلها عشوه بره مش مشكله
نظر لها أحمد بزهول لقوه شخصيتها وقدرتها على اتخاذ القرارات
أحمد : وبعدين
جولي : كلمني اتحايل عليا لغايه موافقت على اني اعمل شرط جزائي مائه الف جنيه ولو عجبه
أحمد : من شرط جزائي خمسه مليون
جولي : عيب عليك اي خدمه
أحمد : بجد انا مش عارف اشكرك ازاي ممكن تقبلي مني المبلغ البسيط ده
اخرج أحمد دفتر شيكاته وكتب شيك بمائة الف جنيه
أحمد : ده أقل حاجه ممكن اكافئك بيها
نظرت إليه جولي باحتقار والي الشيك ثم قطعته ورمته على المكتب بعد أن نظرت إليه بتكبر وخرجت من المكتب
اتصل أحمد بجاسر وهو حزين جدا في النهايه زعلت منه جولي مره اخرى
أحمد : شوف لك حل مع جولي دي
جاسر : حصل ايه تاني انا لسه ماشي النهارده لحقتم تتخانق معها ايه خسرت الصفقه
أحمد : بالعكس دي عملت صفقه ناجحه جدا لاانا ولا انت ولا حتى ساندى عندها نصف ذكائها دي دهيه
جاسر : طيب زعلان ليه
أحمد : انا كنت فرحان جدا بعملها وحبيت اديها مكافئه كتبت ليها شيك بمائه الف جنيه تقطعه وترميه على المكتب ده ادب
جاسر : لا انت اللي حمار حد يعمل كده هي مستنيه فلوسك صحيح غبي
أحمد : انت اتجنت قاعد تشتم
جاسر : اتفضل شوف بقى حتصالحها ازاي انا معنديش استعداد اخسرها
وأغلق السكه
