بعد اسبوع رجع جاسر وساره بعد اسبوع عسل في الغردقة كانت سعيده جدا جدا واستطاعت أن تسعد جاسر معها بمرحها وروحها الحلوه حتى أنه نسي ما حدث مع ساندي
أوقف أحمد سيارته على جنب
أحمد : جولي في حفظ الله
جولي : ربنا كبير متخافش
نزلت من سيارته لتدخل الشركه دقائق وكان ورائها تامر
تامر : العريس جايبك بعربيته
جولي : عندك مانع
مسكها من ذراعها بعنف
تامر : انتي بتاعتي سامعه اخلصي منه
جولي : بقولك ايه علشان مسمعاكش كلام عيب انت تنسى اسمي وشكلي ورق الصفقه خلص اهه
تامر : يا بت الايه خلصتي ازاي من غير ميحسوا
جولي : اتصرفت واخلص بقى علشان لو أحمد جه وشافاك مش حيحصل كويس
تامر : ماشي يا قمر بس دي مش النهايه
فرح تامر جدا كانت صفقه استيراد أدوات منزليه يضع بها كل المخدر الذي يريد دخوله مصر وفي المقابل إذا حدث اي شيئ يحاسب عليها أحمد وجاسر وإذا دخلت البلاد تدخل على مخازنهم ويستطيع أن يحصل على الشحنه حتى لو قتلهم
إما منه قاربت إجازتها على الانتهاء واصبح أمامها عده أسابيع وتعود إلى عملها منذ عادت من البلد ارتبطت بمحمد جدا حتى أنها تخاف من اليوم الذي تبعد عنه.
في مساء الخميس اجتمع الثلاث أصدقاء مع بعضهما لأول مره منذ فتره طويله
جولي : وحشتوني يا جماعه
ساره : انتي اكتر
محمد : ايه اخباركم يا بنات
جولي : الحمد لله انت عامل ايه مع منه
محمد : والله صعبانه عليا مكسوره من ساعه مرجعت من عند ابوها
ساره : عوضها يا محمد كسرت الاهل دي بتكسر الضهر
محمد : ساره اخبارك ايه عاش من سمع صوتك
ساره : الحمد لله
محمد : كان حلو شهر العسل في الغردقه
احمر وجه ساره بخجل
محمد : يا ريت تعدي عليا في العياده علشان تشوفي وسيله منع حمل امنه
ساره : لا يا محمد انا مش حخد منع حمل
جولي : ولما يطلقك ويتجاوز خطيبته ولا انتي ناسيه انه بيحبها
ساره : لا عارفه
محمد بغضب : وسلمتيه نفسك ليه
ساره : جاسر جوزي انتم نسيتم
جولي : ولما هو جوزك مرحتيش معاه شقته ليه تعيش هناك
لم ترد ساره لأنها لا تعرف بما تجيب
جولي : خلينا في المهم ليه مش عايزه وسيله لمنع الحمل
ساره : لاني نفسي يبقى عندي منه ولاد نفسي في طفل يملأ عليا حياتي
جولي : ويفضل الود موجود بينك وبين جاسر
ساره : ايوه
محمد : ده كلام بدل متبداي حياه جديده مع واحد تعيشي تربى طفل وانتي اصلا طفله
ساره : انا تعبت من العيشه لوحدي انا عايزه بيبي يملي عليا دنيتي بس ربنا يكتب لي
جولي : وانت يا محمد
محمد : وهو يفهم نظرات جولي لا والله ملمست منه لما تبقى تقرر نكمل مع بعض
ساره : حددتي ميعاد الفرح
جولي : لما نخلص من الصفقه دي ربنا يستر وتعدي على خير
محمد : يا خوفي من اللي يحصل في الصفقه دي
جولي : ربنا بستر انا خايفه اوي
عادت ساره إلى شقتها ووجدت نفسها وحيده دخلت سريرها اعتادت على النوم بجواره فجفاها النوم
سمعت هاتفها يرن
ساره : الو
جاسر : نمتي
ساره : لسه
جاسر : انا سافرت إيطاليا النهارده
ساره : من غير ما تقولي
جاسر : معلش انشغلت اوي المره الجايه اخدك معايا وعايز اعيد تفكير في علاقتنا انا اتسرعت في اللي حصل بنا
ساره :.......
جاسر : انا اسف تصبحي على خير
ساره : تروح وتيجي بالسلامه
أغلق جاسر وهو يسمع صوتها موجوع من كلامه الذي كسر قلبها ظلت تبكي حتي نامت
جلس يسأل نفسه لماذا قلبه يحب انسانه لا تهتم به وانسانه أخرى تعشقه يعيش بعيدا عنها
