سمع جاسر جرس الباب فقام ليفتح ليجد الأمن يعطيه بعد الايصالات إلى ساره
جاسر : ازيك يا عم كارم
كارم : الحمد لله يا باشا هي ساره هانم مش هنا
جاسر : تعبانه شويه جوا
كارم : طيب اطلعلها ام احمد تقعد معاها
جاسر : لا يا كارم انا رجعت خلاص كان في مشكله كده وخلصت
كارم : هو انت جوز ست ساره المسافر
جاسر : ايوه واللي يسألك على ساره قوله جوزها رجع
كارم : فهمت ربنا يسعدكم يا جاسر بيه حبعت اجبلك كل طلبات البيت واي حاجه محتاجها اتصل عليا
جاسر؛ شكرا يا عم كارم
دخلت منه إلى جاسر وهو يتحدث مع كارم
منه : الحلوه عامله ايه النهارده
جاسر : صوتك مسمعوش سامعه اقعدي في البلكونه ادخل اديها الدواء وجاي
دخل جاسر يعطي ساره الدواء
ساره : مين على الباب
جاسر : عم كارم جايب الوصلات دي ومنه بره حتكلم معاها شويه وتغور
ساره : بالراحة على منه وخلي بالك دي صحبه ساندى شيفاني سرقتك منها مش فاهمه الموضوع
جاسر : ماشي
دخل جاسر إلى ألتراس وجدها جالسه تنظر إلى البحر
منه : عايزاني في ايه ممكن اعرف ازاي قدرت تخون ساندى انا مش مصدقه
جاسر : وطي صوتك احسن ليكي ساره تسمعك
منه : خايف على مشاعر السنيوريتا طبعا من حققك مهي عرفت ازاي تلف عليك
جاسر : اولا انتي فهمه غلط اسمعي وبعدين احكمي انا متجوز ساره من سنه
منه : وانا معرفش
جاسر : ايوه جدتك من حوالي سنه اتصلت عليا قالتلي لازم النهارده تنزل مصر نزلت لقيت في فرح في البلد وكل واحد يقول مبروك ايه يا أمي لازم تكتب على ساره اما يبقى في دم وثار بين العيلتين
منه : هي ساره مش يونانيه
جاسر : ساره امها يونانية وابوها مصري من البلد عندنا عمها سعيد حمدان
منه : عمري محبيت الراجل ده لا هو ولا ابنه حامد
جاسر : شافت ساره بهدلها على ايد عمها وطبعا جدتك مخلصهاش بهدلتها كانت وقفت جمبها في اسكندريه قبل كده ومن الآخر خططت لغايه متجوزتها
منه : وليه ده كله
جاسر : شافت فيها حياتك مع ابوكي وازاي خلتك تسافري وتدرسي عندي خافت عليها اوي
منه : وتدبست في الجوازه
جاسر :لا والله ساره كانت متفهمه اني بحب ساندى واستقلت
بحياتها بعيد عني واتفقت معها أن جوازنا صوري لغايه متكامل واحد وعشرين سنة عمها ميبقاش واصي على املاكها غير اسم عائلتنا حمايه ليها
منه : افهم بقى لما جوازتكم صوري حامل ازاي
جاسر : دي غلطتي انا كنت في ألمانيا وسمعت خناقه ساندى مع ابوها وامها انها مش عايزه تكمل معايا لأن دمي مش سامي هي حفيده هتلر واخده منه أفكار نازيه كتير للاسف
منه : هي لسه بتفكر كده
جاسر : يعني كنت عارفه ليه مقلتيش ليه
منه : كنت فاكره انها مجرد أفكار رجعية مش حتوصل لكده وبعدين حصل مع ساره ايه
جاسر : زعلت وقررت ابعد عن ساندى وفعلا نزلت مصر كانت حالتي النفسيه سيئه جدا قابلت ساره وقفت جنبي وحاولت تهون عليا احزاني وحصلت بينا علاقه وخاصه انها مراتي احنا متجوزين بزفه اساسا وقررت اكمل مع ساره و رحنا شهر عسل في الغردقة لغايه
منه : ما ساندى جيت مصر واعتذرت لك وانت سامحتها وطبعا رميت ساره في أقرب باسكيت
جاسر : انا مش عارف اعمل ايه سامحت ساندى لأن قلبي معاها ده حب عمري جريت وراها اد ايه لغايه موافقة على خطوبتنا مش في لحظه حبعد عنها المهم طبعا سامحتها
منه : وازاي بلغت ساره
نظر جاسر إلى الأرض بخجل
جاسر : شافتني انا وساندي بنبوس بعض في المكتب
منه : مش ممكن ازاي تصدمها كده انت ايه يا خالي
جاسر :قررت ساره تبعد عن طريقي وقررت تطلق وتسبني اعيش حياتي
منه : لكن طلعت حامل
وهنا بكيت منه
منه : تعرف انت غلطان يا خالي لما انت مش عارف تبعد عن ساندى ليه لمستها ليه تعذبها ده محمد مرداش يلمسني وانا مراته من خمس سنين الا لما إقرار اكمل معاه ولا لا حرام عليك يا خالي حرام
جاسر : خلاص يا منه اللي حصل
منه : ودلوقتي حتعمل ايه
جاسر : مش عارف تقوم ساره بالسلامه وبعدين نقرر نعمل ايه
دخلت منه غرفه ساره احتضنها وبكيت بكاء حار وهي تتاسف لها
