(مجنون حب فرعون)
كنت بترجي الحياه ترزقني فرحه ،عيشت ابوس ايد الزمن يبعت هديه ..وأما ظهرت فجاه هي ،شوفت فيها معني راحتي ..رزقي من الفرحه ونصيبي،كنت بنسي الحزن كله..بيها لما تقول حبيبي ...وف لحظة سرح لاقيت قلبي بيعاتنبي زي م يكون اتجسد ف شكل انسان ..بتظهر ملامحه مع كل دمعه كانت بتنزل من عيني وقتها .
*مش هنقدر علي فراقها ياليث ..صدقني مش هنقدر، ده انا عمري م دقيت غير ليها ،حبيتها وكنت عارف اني ممكن م اشوفهاش تاني..عشان محستش اني حي غير ف وجودها .. هتسيبها تموت ؟ هتسيبهم ياخدوها منك ؟! ...كنت دايما بقولك أن في خطر جايلك ، بس مكنتش عارف أنه جاي عشان يصيبني انا وياخد حبيبي ..
كانت لحظة م تتنسيش ..لحظه م كانت رهف بتخبط علي باب الاوضة بتاعتي ..وانا قاعد ورا الباب بعيط زي العيل الصغير ..
_ليث..انت كويس ؟!ا بقالك 3ايام كل ما اجيلك ما ترضاش تخرج تشوفني ..حتي الرسائل كنت بتشوفها ومابتردش عليها ..اوعي تسيبني ياليث ، انا ماليش غيرك..ده انا م صدقت لاقيت اماني فيك ، لو كنت زعلتك ف حاجه أخرج عاتبني ..زعقلي بس ماتسيبنيش وتمشي ..ليث انا بحبك ..
مع كل كلمه كانت بتقولها كنت بحس اني بتحرق بالبطي ف لحظة ضعف عمري م حسيت زيها ..ومرة واحدة انهارت رهف وفضلت تخبط علي الباب بكل قوتها والدموع محاوطاها من كل مكان ..ب كلام عمري م هنساه وازاي انساه ولسه صداه بيرن ف وداني لحد دلوقتي.. لحظه م قالت
_افتح يا املي اللي بتمناه .. ياللي طيفك لمحني ف ليلة فجر وكتب اسمي علي قلبك ، وف عز فراقنا كنت حاسه اني هشوفك تاني ..كان دايما جوايا حاجه بتقولي أن في خطر جايلي ، بس مكنتش اعرف انه هيصيبني ف حبيبي وياخده مني
ف اللحظة دي قعدت رهف ع الأرض وسندت ضهرها علي الجنب التاني من الباب ..ومرة واحدة لاقيتني بقولها ..
*انا عمري ما طلبت حاجه وخدتها..عمري ما طمعت ف امنيه واتحققت ،عمري مافرحت للآخر ،ف كل مرة لازم يبقي في حاجه ناقصه..اوقات كتير كنت بقول ل نفسي اني م استحقش اكتر من كدة ، لدرجة اني كنت بستكتر علي نفسي اني ابقي مبسوط عشان عارف انها سعاده مؤقته مش دايمه..
_يعني هتخليهم يأذوني ؟!هتسيبني لواحدي ؟!
ف اللحظة دي لاقيتني بمسح دموعي وبقوم من علي الارض وبفتح الباب وبقولها بصوت عنيف وانا ماسك ايديها جامد
لا..المرة دي علي موتي انا يارهف ..انا معنديش استعداد اني اكون موجود ف دنيا انت مش فيها ، مش هسيب فرحتي تروح مني تاني ...لو عيشت عمر فوق عمري استحالة اقدر اعوض وجودك بحد تاني ..ولحد ما اموت مش هقدر احب حد تاني غيرك
_وانا كمان بحبك اوي
ف اللحظه دي بصينا لعيون بعض ف نفس اللحظة ، خدت نفس عميق طلعته بتعب ..م حستش بنفسي الا وانا بقولها ..تتجوزيني يا رهف ؟
كنت خايف تروح مني ..خوفت اؤل حاجه اتعلق بيها ف حياتي تضيع ، مكنتش عايز تيجي عليا اللحظة اللي اقول فيها ياريت ..
أنت تقرأ
مجنون حب فرعون الجزء الثاني
Romanceهتعمل ايه لو حبيبك راح منك وكنت انت السبب ف أنه يموت؟ هتعيش ازاي؟ هتعرف تحب غيره ؟ياتري هييجي عليك اليوم اللي هتنساه فيه ؟ولا هتعمل زي ما درة عملت ؟واللي بسبب ندمها الكبير عاشت قصة عمر ما اي انسان يتمني أنه يعيشها ..قلب مطفي وروح بهتانه كانت السبب ا...
