بناكل وبنشرب وبنام .ونقابل صحابنا كل كام يوم ،ومن البيت للشغل ،وكل كام ساعه بنقلب ف الموبايل ،علي حاجه مش عارفين هي ايه..بنبتدي نعرف هي ايه لما بنشوفها ف عيون اتنين بيحبو بعض ،لما نسمع حد وهو بيكلم حبيبته، وازاي هي واقفه جمبه وبتسانده ..كل الافكار دي بتيجي ف دماغنا .. وبتخلينا نحس قد ايه في فراغ ف قلوبنا!! ..بتبقي مستني اي كلمه تهون عليك اليوم (انت كويس ؟..حسيت انك زعلان..النهاردة دعيتلك وانا بصلي ، خدبالك من نفسك عشان خاطري .. ) ، كلام يبان أنه بسيط ، بس مع الوقت بيخلي لقلبك وظيفه تانيه.. غير أن مجرد يضخ دم وخلاص ، بيرقي صاحبه ل (رتبة حبيب) ،
حاجات كنت عارفه اني استحاله هحسها تاني ..واني هعيش طول عمري ممنوعه منها ،واحسها ازاي من غير اياد؟! ...اللي برغم أنه فارقني بجسمه ، بس روحه لسه محاوطاني ،واللي كل مابتزورني.. قلبي بيبكي قبل عيني ، كداب من قال.. إن محدش يستاهل نبكي عليه ..كداب من قال.. إن الحياه مش بتقف علي حد ،ماهو بردو معذور ..أصله ماحبش اللي يستاهله ...
وتمر الايام وانا بحاول اشغل حالي ب الحالات الخطرة والصعبه ،علي أمل أن قلبي يقسي ويبطل يحس ،كنت فاكرة اني بكدة هقدر اكمل ،ومع الوقت هنسي ..مكنتش عارفه اني بكدة هدخل ف لعنه تانيه ..
كل حاجه كانت ماشيه ،لحد ما ف يوم سمعت عن الجناح المحظور !!..
بس لما شوفته كان فيلم رعب بالنسبالي ،مبني مكون من 3طوابق ..متحاوط ب اسلاك شائكة ،وكاميرات كتير مش فاكرة عددها راصده كل كبيرة وصغيرة ف المبني ده ، بوابته مش بتتفتح إلا مرة واحدة بس ف اليوم .. فضولي كان دايما بيشدني عشان ادخل ل المبني ده ، ولما عرفت أن المبني الطويل العريض ده في حاله واحدة بس !!..زاد فضولي ،وكنت كل م اقرب من المكان كنت بحس أن في حاجه بتناديني ،حاجه بتقولي محتاج مساعدتك ، حاجه شبهي ..موجوعه زي ..واللي كانت دافع كبير ليا عشان اجتهد ف شغلي عشان اقدر ادخل المبني ده ، مين عارف ؟مش يمكن الاقي فيه النور اللي يقدر ينورلي قلبي من تاني ؟!
في البدايه كان مجرد فضول ..بس لما قريت عن الحالة اتحول ل شوق ولهفه ..حاله غامضه ..مالوش اي صورة ف اي ورقه ف المبني !! كل اللي مكتوب عنها أنه كان ظابط ف جهة غير معلومة..مش مذكورة هي ايه ؟و. واترفد عشان كان قلبه حنين ومش بيحب يأذي حد!! .. بس من خمس سنين تم اتهامه ب حرق جثة مراته ف يوم فرحهم واللي بردو ما اتذكرش هي مين؟!! ..وده كان السبب الرئيسي أنه يدخل الجناح ده ويبقي اخطر حاله موجودة ف المستشفي كلها ..ياتري ايه اللي حصلك ؟!ايه اللي حولك ب الشكل ده ؟!اسئله كتير كنت متشوقه أقابله عشان يجاوبني عليها ..
واؤل م دخلت الأوضه اللي كان موجود فيها
كنت حاسه اني دخلت عرين اسد ...كان شكله مرعب !
شعره الطويل وهو نازل علي وشه ...السلاسل الحديد اللي مقيده ايديه ورجليه . واللي زود خوفي اكتر اؤل م اتكلم ..كنت حاسه ان الصوت ده مش غريب عليا !!
بصلي بصة مليانه غضب وقسوة ..
*ايه مالك ؟!خايفه ليه ؟!اؤل مرة تشوفي مجنون ؟!! ولا عشان بفكرك بيه ؟
_رجعت لورا وابتدي ضربات قلبي تزيد وبقيت بتنفس بصعوبه ..زي مايكون الأدوار اتبدلت وبقيت انا المريضه وهو الدكتور !
لا مش معقولة ..مش ممكن ..اياد ؟!!
أنت تقرأ
مجنون حب فرعون الجزء الثاني
Romanceهتعمل ايه لو حبيبك راح منك وكنت انت السبب ف أنه يموت؟ هتعيش ازاي؟ هتعرف تحب غيره ؟ياتري هييجي عليك اليوم اللي هتنساه فيه ؟ولا هتعمل زي ما درة عملت ؟واللي بسبب ندمها الكبير عاشت قصة عمر ما اي انسان يتمني أنه يعيشها ..قلب مطفي وروح بهتانه كانت السبب ا...
