الحياة صعبه اكيد ..كل ايد محتاجه ايد،كل واحد فينا عايز ..حد منه يكون معاه ،حد يستحمل جنانه ، أو هروبه من الحياه ..حد كان موجود زمان ، نبع و فايض من الحنان ..تهت مرة ف نظرة منه ، وفاتني بين أصبح وكان ..
اسابيع بتمر وانا ع الحال ده .. اتحولت فيها ل شخص غريب عني ، بيحب العزلة بشدة وبيهرب من الافراح ..تشخيص حالته طبيا ،كان عنده قلب وراح!!
مكنتش عارف اني هتعلق بيها كدة ..مكنتش عارف اني كل م احاول انساها الاقي نفسي بحبها اكتر، وازاي مفكرش فيها؟! ..وهي اللي قلبي دقلها ..هي اللي لما كنت بهرب منها ف الحقيقه ،كان بيجيلي سرابها ف منامي يفكرني بكل مشهد حصل بينا ، ف الفترة دي كان عندي خوف اني م اشوفهاش تاني ..وان دي نهاية القصه،ساعتها كنت بلاقي نفسي ببكي بقلبي قبل عيني ،كنت بفكر ياتري هيبقي حالي ايه ساعتها ؟! اكيد أسواء من كدة..اكيد!!
هاجس كان دايما بيشغلني ف حالة كانت بتتكرر كل يوم ..وتزيد نوبه المها مع هدوء الليل وبدايه عزلتي عن الناس..ف البدايه كنت بستحمل واحاول اكذب علي نفسي أن مع الوقت هنساها ..لحد ما ف يوم زاد الالم ،الم الحنين ليها ، كنت متحاوط ب طيف ريحتها.. ف الليله دي فضلت اتقلب يمين وشمال علي امل اني اعرف انام بس مكنتش عارف ..ف اللحظة دي قررت اشم شوية هوا ف البلكونه..ساعتها سمعت صوت جميل بس مختوم بحزن ، الصوت ده انا عارفه..وازاي انسا صوت طارق ،و اللي ياما سمعته واحنا صغيرين .
آهٍ على قلبُ هواه محكمُ
فاض الجوى منه فظلماًً يكتم
ويحي أنا..... بحت لها بسره
أشكو لها..... قلبا بنارها مغرم
ولمحت من عينيها ناري وحرقتي
قالت على قلبي هواها محّرم
وف لحظة روحت عالم تاني ، شوفت فيه مشهد المحطه وهي بتحضن الشاب ده وبتبص ف عيني ، سرحت شوية جوة حبة دموع ..ولما فوقت لاقيتني قدام اوضة طارق !!
واللي اؤل ما دخلت حاول هو كمان يداري دموعه . الظاهر أن احنا الاتنين عندنا نفس المشكله .
*أنا سمعت الاغنيه دي كذا مرة ..بس اؤل مرة احسها ب الشكل ده ..
_اهي دي اكبر مشكلة ..
*وايه المشكله ف كدة ياعم طارق ؟!
_المشكله اننا بنحس ..الناس اللي زينا بيعانو كتير اوي ف حياتهم.
*شكلك قابلت اللي تغيرك زي ماقولتلك
_هي مافارقتنيش اصلا عشان اقابلها .ده انا كل المي ف حضورها ..
*مالك؟!مضروب ب رصاص ؟
_عينها طبنجه
*جرحك معسول ؟
_زي المانجا
*وسابتلك ايه؟
_وحدة وغربه
*بتعدي هناك ؟
_قبل أما بنام
* طب وانت تمام ؟
_ مكسور تعبان..
* للدرجة دي بتكرهك ؟!
_ همس عمرها ما كرهتني ..المشكله فيا انا
*ايه اللي مانعك ؟! ليه بترفض نعمه غيرك بيتمني ربعها ؟!مش حرام عليك ؟
_مش عايز اظلمها معايا .
*قصدك ايه ؟!
رد عليا وعيونه مليانه دموع
_ همس م تستحقش واحد عاجز ، مش هيعرف حتي يحققلها ابسط طموحها انها ترقص معاه في يوم فرحهم ، مش عايز يجي اليوم اللي تندم فيه أنها اختارتني ..
*وهي تعرف انك بتحبها كدة ؟!
_لا ماتعرفش ..ف كل مرة كانت بتقرب مني كنت بقسي عليها عشان تكرهني ، بس هي عمرها مابعدت، لأنها كانت بتشوف عكس القسوة دي ف عيوني .. واللي كانت حاجه اكبر من الحب ، حاجه اكبر من أنها تتوصف..اوعي تتمني تاني انك تبقي مكاني ، لان مفيش اصعب من انك تكون بتحب حد وهو كمان بيحبك بس مش قادر تقوله .. قصدي مش من حقك انك تقوله ، لانك هتكون بتفضل نفسك عليه ..وهتبقي سبب ف معاناته طول حياته معاك
*ف اللحظة دي لاقيت دموعي بتسيل ف صمت ...لاعارف اواسيه ولا قادر اسكن اللي حاسس بيه ..ومره واحدة عم بينا الصمت فضل بينا لدقائق لحد م طارق كسره ب ابتسامه بيقول معاها
_يلا ننام عشان ورانا شغل كتير الصبح ، انت نسيت أن قرايبنا جايين كلهم بكرة ،وفي حاجات كتير لازم ننزل نجيبها انا وانت من المول زي ما قالنا اللواء بهجت امبارح ...
*تصبح علي خير
_وانت من اهله ياليث
*مش عارف ليه بعد ما خرجت من اوضته حسيت ب راحه ..زي م اكون كنت محتاج القعدة دي اكتر من طارق ، وبعد دقايق معدوده لاقيتني غرقت ف نوم عميق ، صحيت منه علي صوت طارق و اللي كان بيستعجلني عشان ننزل ..
وفعلا شوية ونزلنا ، جبنا كل حاجه طلبها مننا عمي، وقبل م نخرج من المول ، لاقيت طارق مركز ناحية معرض للرسم وبيقولي اللوحه دي شبهك اوي ياليث ، قربنا شوية ناحيتها ..وكانت الصدمه لما لاقيت اكتر مشهد كان محاصرني طول الاسابيع اللي فاتت متجسد ف لوحه !!
(يوم البرد ..ونظرتها ليا عند المحطه وهي ف حضن الشاب ده )
ف اللحظة دي لاقيت قلبي بيدق جامد اوي ، مكنتش فاهم ايه اللي بيحصل ؟! ياتري مين اللي رسم اللوحة دي ؟! معقول تكون هي ؟ ولو هي ياتري قصدها ايه ؟! اسئله كتير كانت شغلاني ف لحظة سرح انعزلت فيها عن الناس ،لحد م لاقيت طارق بيقولي ..
_انت عارف مين اللي رسم اللوحه دي ياليث؟!
*انت تعرف مين اللي رسمها ؟
_رهف ..اسمها مكتوب تحت اللوحه ، عارف مين دي
*مين ياطارق ؟!
_دي اخت همس البنت اللي بحبها ..والدكتورة بتاعتي ف الجامعه
*وانت عرفت منين أنها هي دي ؟؟
_المرسم ده بتاعها ..وعلطول بتعرض فيه اللوح بتاعتها ، ايه رايك ندخل نسلم عليها ؟!
*ف اللحظة دي حسيت برعشه كبيرة اوي ، وابتدت ضربات قلبي تزيد ...خصوصا بعد ما لمحتها موجودة جوة ، ابتسمت ساعتها ابتسامة فرحه لانها لسه فكراني وفضلت باصص ناحيتها بشوق ولهفه ، بقلب عايز يدخل يشوف حبيبته ، وعقل بيرفض عشان مايتصدمش برد انك مجرد لوحه عابرة عجبها المنظر ف قررت ترسمه وخلاص ...ومرة واحدة اختفت الابتسامه اللي كانت موجودة ..ورديت علي طارق ب وش صامت
*لا مرة تانيه ياطارق عشان اتاخرنا ولازم نمشي.
وبعد ما مشينا كنت ف حالة توهان ، زي م اكون اتقسمت نصين ..نص بيلومني اني حرمته من مقابلتها بعد غياب ، ونص بيقولي انت صح ف اللي عملته .. وانا ف حيرة مابينهم .ياتري انا مين فيهم ؟! سؤال مكنتش لاقي إجابته ، فضل شاغلني طول اليوم
وبعد ما خلصت لمة العيله ، كانت فرصه كويسه عشان اتمشي علي الكورنيش والاقي رد..كنت متاكد اني هلاقيها هناك ، حاجه جوايا كانت بتقولي أنها مستنياك هي كمان
اتمشيت كتير ..ودورت اكتر بس م لاقيتهاش ،ساعتها حسيت ب ياس كبير ..غمضت عيني وقفلت ايدي جامد ، خدت نفس عميق .طلعته بصرخه عاليه ... وانت كنت مستني أنها هتيجي فعلا ، ف اللحظة دي ابتديت عيني تدمع وإحساس الإحباط يحاوطني من كل مكان ، لحد م سمعت صوت بيقولي
_وليه لا؟! ..انا كمان كنت بدور عليك
*بصيت ورايا اشوف مصدر الصوت ..لاقيتها هي !! كانت لابسه فستان ازرق جميل ، ب ابتسامه اجمل بتبصلي بيها ، وماسكه ف ايديها بوكيه ورد احمر ..
انتي ..انتي هنا بجد ؟! جيتي أمتي ؟!
_أنا هنا بقالي 5ساعات
*بتعملي ايه ؟
_بحضر فرح اخويا عمر اللي انت شوفته معايا ف المحطه ..كان نفسي تيجي تشوفه مع عروسته ، بس انت جيت متاخر
*انتي كنتي عارفه اني جاي ؟!
_كنت حاسه انك جاي ..في حاجه جوايا كانت بتقولي اني هشوفك النهاردة ..وشوفتك
*رايحه فين ..احنا م لحقناش نقعد مع بعض
_معلش انا لازم امشي دلوقتي ، الوقت اتاخر
*رهف
_نعم يا ...
*ليث ..اسمي ليث
_نعم ياليث
*قولي ل همس أن مفيش حد هيحب حد زي م طارق بيحبها
_لافي اللي اكتر منهم
*مين
_ ليث اللي بيحب رهف
أنت تقرأ
مجنون حب فرعون الجزء الثاني
Romanceهتعمل ايه لو حبيبك راح منك وكنت انت السبب ف أنه يموت؟ هتعيش ازاي؟ هتعرف تحب غيره ؟ياتري هييجي عليك اليوم اللي هتنساه فيه ؟ولا هتعمل زي ما درة عملت ؟واللي بسبب ندمها الكبير عاشت قصة عمر ما اي انسان يتمني أنه يعيشها ..قلب مطفي وروح بهتانه كانت السبب ا...
