مجنون حب فرعون الجزء الثاني

الفصل الاخير

(مجنون حب فرعون)

بيقولوا أن الإنسان ممكن يقعد 5 دقايق من غير هواء ، يومين من غير مياه ،4 ايام من غير اكل ...بس استحالة يقدر يعيش ثانيه واحده من غير امل !!..
طبيعة الإنسان واحدة لما بيحب ..بيتجرد من كل معاني الانانيه ، وبيبقي مستعد أنه يقاسم حبيبه ف اللي باقي في عمره من (دقائق وشهور وسنين)..عشان يفضل الامل موجود ،عشان يفضل عايش!! ...مش مجرد جسم بيتحرك وقلب بيضخ دم فيه وخلاص.
___________________________________
      (نهاية مذكرات مجنون حب فرعون)
___________________________________
كلام كانت بتقراه درة وهي شبه منهاره من العياط..لأنها كانت شايفه نفس قصتها مع اياد بتتكرر تاني بس المرة دي مكنش في فرعون بيتخلي عن حبيبه ..كان الفرعون اللي فرقهم عن بعض ...عاقب ليث ب اسوأ عقاب ممكن عدو يعاقبه ل خصمه ..اللي لو كان قتله هو كمان كان ارتاح من معاناته دي ..

قهرة ودموع فضلت ملازمة درة طول الليل لحد ما غلبها النوم ف النهاية ...ولما صحيت كانت اؤل حاجه ف بالها أنها تقابل ليث تاني وتعتذرله..تتاسفله عشان ظلمته وشافته زيهم ف البدايه ..تتاسفله علي المعاناه اللي هي اكتر حد حاسس بيها ،،تتاسفله أنها افتكرته زيها وقتل القلب اللي حبه ..
                             ****
_انا عاوزة اقابل السجين 712 وده تصريح دخول المبني
*مسموح لحضرتك بالدخول ل مدة لا تزيد عن 30 دقيقه تبدأ من لحظة عبورك البوابه ..اتفضلي
_ل اؤل مرة اقابل ليث وانا مش خايفه وانا مش مرعوبه ..وده لاني حسيت ..حسيت بيه

اتفتحت الزنزانه واتبادلنا النظرات ..بس المرة دي كانت مختلفه !..مكنش حزين ولا متضايق ! عيونه كانت مبسوطة ، كان فيها امل!!
ومرة واحده لاقيتني بقوله ..(
(بيقول صديقي عن الفراق ..هو انسحاب المخدر من وريد حامي ،وتقول حبيبته.. ضلمه فجاه بعد نور عالي )
ف اللحظة دي لاقيته بيبصلي وبيبستم نفس ابتسامة اياد بالظبط !!!
*اخيرا فهمتي ...بس للاسف مش كل حاجه
_تقصد ايه  ؟!
*(طير خرج من السرب وارتاح ل انفصاله)

ومرة واحدة النور قطع ف المبني كله!! في حاجه غلط ، هو ايه اللي بيحصل أنا مش فاهمه حاجه!!
فات بالظبط 3 دقائق واللي كانت كفيله ل فك قيود ليث واختفاءه من المبني كله !!..طب ازاي ؟! والحراس والسلاسل اللي مقيدة كل جزء ف جسمه ؟! ياتري هرب ازاي ؟! وازاي مالوش اثر بالشكل ده؟! ولما هو كان يقدر يهرب من بدري ..ليه فضل موجود ف المبني 5 سنين ؟! اسئله كتير فضلت افكر فيها ومالهاش اي تفسير منطقي ..اسبوعين بيمرو وانا غرقانه ف الاسئله ..وانا مش فاهمه اي حاجه ، لحد ما ف يوم چيهان اتصلت بيا وبتقولي بصوت كله خوف وتوتر !!

*درة انا برة المستشفي عند البوابه ..ياريت تخرجي بسرعه ،، في حاجه مهمه لازم تعرفيها
_حاجه ؟! حاجه ايه ..انا مش فاضيه دلوقتي
*لو سمحتي يادرة اخرجي دلوقتي الموضوع ماينفعش يستني ..
_وده ليه يعني ؟!
*لما تخرجي هتعرفي
_مفيش دقايق وخرجت ..نبرة صوتها أجبرتني اني اسيب كل حاجه وافهم منها في ايه ؟! ايه اللي وصلها تيجيلي المستشفي اللي كانت دائما بترفض توصلني ليها عشان بتخاف من منظرها ..اكيد في حاجه حصلت.. اكيد .
وفعلا اؤل ما خرجت لاقيتها بتقولي (اركبي ..اركبي بسرعه يلا مفيش وقت )
مكنتش فاهمه في ايه وايه اللي بيحصل ..الفضول كان مموتني ..كنت عايز اعرف هو في ايه، وزدا فضولي لما لاقيتها وقفت عند بيت عم اياد اللواء(مراد)!!!
*انزلي يا درة بسرعه ..يلا مفيش وقت
_هو ...هو في ايه ؟! احنا جينا هنا ليه ؟!
*بصي ..بصي كدة يادرة علي اليافطه المحطوطه عند باب الفيلا ..