قمر: كالهه وابتسم بوجهي اني ظليت صافنه بعيونه من الصدمه جاي اكوم ادخل جوه لزم أيدي وكعدني
عمر: قمر اني احبج انتي تحبيني
قمر: طريقه كلامه توتر الواحد والكلام الكاله قنبله باكملهه
عمر: بس جاوبي اَي لو لا ما اريدج ترحين وأظل افكر السكوت علامه الرضه وبعدين تخيب آمالي وأحلامي برفضج اني حبيتج اريدج مره الي نكمل حياتنه سوه موافقه
قمر: ما اعرف
عمر: شنو ما اعرف لتخجلين ماكو عيب هذا زواج قابله بيه مثلا تحسين مشاعر تجاهي
قمر؛ اَي احس بس
عمر: احبج
قمر: عفيه لتحجي هيج
عمر: ههه والله احبج كملي بس شنو
قمر: بس مو زواج كبل غير ناخذ فتره نتعرف
عمر: روحي نامي لا ابتلي بيج ادكلي نتعرف وأني من هسه اريدج يمي
قمر: هههه راح اروح ليطلع احد يشوفنه شيكول
عمر/ خوش تصبحين على خير
قمر: وأنت بخير
قمر: جاي ادخل جوه وصار بوجهي عمو ابو رعد غير صاربيه قلب
عمو: شتسوين طالعه بهالليل الوحدج
قمر : ماجاني نوم طلعت اشتم هوى
عمو: بعد لتطلعين بره هيج وقت
قمر: بعد صارت
قمر: دخلت وهوه سد الباب عزززا منين يدخل عمر رحت للاستقبال بعد ما نام عمو فتحت القفل مال الباب حتى يدخل ورحت صعدت فوك للغرفه كتبت
قمر: فتحتلك باب الاستقبال
عمر: اَي دخلت تدرين لو طالع وشايفني جان عباله هسه متواعدين
قمر: لا ما عتقد هيج يفكر
عمر:شهلثول غير اني خطبتج مرتين يعني عيني عليج وبالليل اني وياج الوحدنة جان هسة صرنا بحلوك الناس
قمر:ربك ستر همزين ما بينت علئ شي من سالني
عمر:عمي انتي وين آكو منج المهم نرجع الموظوعنة
قمر :يا موظوع
عمر :باجر اخطبج من عمي
قمر :لالا عمر حباب مو هسة
عمر :ليش متحبيني
قمر :لا احبك بس
عمر :ههههه احبج كملي
قمر :بعدني زغيرة ودراستي شلون خليها اتخرج من السادس
عمر :شنو ها الحجي شسوين بالدراسة
قمر :غير حتئ ادخل كلية بعدين اتعين بوظيفة
عمر :اَي كملي واني طرطور يمج انتي تشتغلين
قمر :لالا مو هذا قصدي بس غير دراستي
عمر :اكولهة الج من هسة دراسة يمي ماكو شغل ماكو تكعدين بالبيت وتسكتسن
قمر :لا عمر اني ما اعوف دراستي اني احب دراستي وشاطرة ودرجاتي زينة ما اعوفهة
عمر :بس اني اكلج تعوفيهة حتئ نزوج باجر اخطبج وكافي حجي زايد
قمر :ما اقبل الة توافق علئ انو اكمل دراسة
عمر :كافي بديت اظوج جاي اكلج هذا الصخام ما احبة ادكولين ما اعوفه وما اقبل تزوج شبيج
قمر :عمر انت شبيك دراستي تعبي سهر اليالي وصلت لهل مرحلة وادكولي تعوفيهة وأنت تعرف شكد مهووسة بالدراسة
عمر :اهوو يا اني يا الدراسة
قمر : عمر جاي اكلك احب دراستي تخيرني بيك وبينهة
عمر : اَي يا اني لو هية ما ننجمع سوة
قمر :لا تنجمعون سوة انت وياهة ما بيها شي
عمر : انجبي ما ترتاحين الة اظوجيني يلة باي
قمر: عمر غلط لو اني عيوني غوشت لان بجيت كتبت
قمر: لتغلط علية ماشي ما مجبور تزوجني اذا ما تقبل اكمل دراسة باي
عمر: هيج صار الحجي يعني خوش باي
قمر:بآيات
قمر:يعني شنو هسة يحبني لو بعد ما يحبني دموعي نزلت واني افكر كعدت ريم
ريم :شبيج جنح جني كمزتيني
قمر :شهكت بالبجي حطيت أيدي علئ وجهي اجت يمي
ريم:شكو ولج
قمر:عمر
ريم:شبي ولج قريتهة المحادثة وسولفتلهة الصار
ريم:عزززا بعينج لو عمو ابو قصي شاف عمر شسوين
قمر:هههه شسوي
ريم:ترة عمر ديختبرج واللة مرتة الاولة كلههة ماكو موبايل بالخطوبة من شافهة قبلت اشترالهة ورة يومين راد يشوفج تسمعين كلمتة لو لا وانتي ثول الي يثولج
قمر: مسحت دموعي بكف أيدي وسلمت امري الله ونمت كعدت الصبح على صوت صياح ملاك .......
يتبع......
لتنسون 👇
تصويت❤️
تعليق🌹
متابعه😍
رأيكم بالقصه يهمني......
بقلمي احمد الحمداني....
