قمر:هممم شكو
ملاك :يلا كومي شكد تنامين
قمر:بيش الساعة
ملاك :ب ١ ونص
قمر:جذابة
ملاك :واللة
قمر :غير تكعديني تغديتو وما بقيتولي مو
ملاك :كبر ام بطن بقينالج وكعدناج وما كعدتي شنسويلج
قمر :كوة شلت نفسي من الفراش
قمر : اااه يمه جسمي مكسر
ملاك: عمي حقه عود احنه خطار يمكم وجايين نغير جو نايمه وعايفتنه وخابصتنه تعالن نغير جو اطلعجن اونسجن وكلشي ماكو
قمر: هههه والله متعوده يوميه هيج وقت اكعد وانتن تعرفني
ملاك:سولفتلته ريم على الي صار البارحه
قمر: تذكرت الي صار البارحه عبالي حلم طلع حقيقه
قمر: ما اعتقد يختبرنا لان حجه وياي بجديه
ملاك : ما اعرف بس احنه ماعدنه بنيه تدرس من الثالث وتبطل
قمر: دخلت تقى وريم
تقى: هاا تنبل كعدتي بعد وكت كولي عدنه خطار
قمر: هه ليش انتي خطار انتي ام البيت
تقى: اَي شفكرتي بموضوع عمر
قمر: والله ما اعرف الاعرفه ما اعوف دراستي
ريم: تدرين شنو يعني عمر يحبج
قمر: شنو يعني
ريم: يعني معجزه لان هوه مر بتجربه كلش قاسيه كره كل البنات وانتي دخلتي كلبه بدون استأذان بمكان ما تضوجينه داوي جروحه احتوي احضني خل يشكيلج همه عمر طفل مجروح لوما يحبج مايخطبج وهوه يكره شي اسمه مره وزواج عمر رجال بمعنى الكلمه مو لان اخويه لا والله بس لان اني موجوده من انسكر كلبه وشفت كل معاناته ويه مرته وآخر شي كسرته الجبيره غيرته عمر هذا مو اخويه تدرين عمر قبل شلون جان جان يسولف ويانه ويضحك ويطلعنه عصريه يشتريلنه هسه ماله خلكنه ولا يعرف اني شبيه مابيه قبل يجي يمي يسولف وياي هسه تغير اذا تحتوي وتحبي راح يرجع مثل قبل والله بيدج جوهره لاتضيعيهه
قمر: كلام ريم كلش ضوجني خلاني احس نفسي مذنبه بس بعدني مصره ما اعوف دراستي
قمر: اني دراستي تعبانه بيهه وصلت لهالمرحله ويكول عوفيهه شلون تقبليهه عليه واني صديقتج لو لان اخوج واكفه بصفه
ريم: مجاي تفتهميني لانج غبيه خلي دراستج تفيدج وخسري عمر براحتج
تقى: استهدن بالرحمان كافي وانتي قمر مسحي دموعج خليهه على الله هوه يحلهه
قمر: مسحت دموعي ونزلت جوه غسلت وجهي وكعدت يمهم بالصاله سوالف وشقه عمر مبينه الضوجه بملامحه عمر صاحب بشره حنطيه بعيون كبار سود نضرتهن حاده وحواجب مثل السف خشم طولاني بي عرض شوي وشفايف عاديه لحيه مزينه نص وجهه مآخذه كل كلبي وياهه شعر كثيف وسرح وشكم شيب تارس شعره ولحيته مزينه شكله الرجولي وجسم ضخم بس مو سمين لا حلو جسمه مرتب وطويل حيل أوصل الحد بطنه اني أضيع بحضنه صافنه بشكله لابد ينتبه ويباوع بس خاب املي لان الصفنه ماخذته بغير عالم اووووف هسه اله أكله باي جان تفاهمنا من اولهه مشاكل ثول اني الزم بيت لا والله يحترك وما ادري بي قاطع صفنتي عمر
