قمر: جان يحجي بصياح وعصبيه وحركه كلب
قمر: عمر كافي الله يخليك حيل طولت الموضوع. اني اشتاقيت العمر صديقي (نزلت دموعي واني احجي) اشتاقيت السوالفنه الكلشي اشتاقيت انت مكبر الموضوع ليش تصير أناني تريد تزوجني وتخليني بس شغل ونوم هاهيه اني ما احب هيج أعيش اني الي حياتي االخاصه
عمر: قمر كافي دموعج يحركن كلبي
قمر: من حجه هيج شهكت بالبجي
عمر: يروح عمر احبج وعلي انتي كلبي كاافي
قمر: زين خوش انطيني سبب مقنع واعرف الدراسه والله
عمر: ماعدنه مره تدرس واني ما احب مرتي تطلع وتدخل يوميه اريد بس اني اشوفهه ماريد غيري يشوف عالجوه الحلو
قمر: اقدم خارجي عالسادس
عمر: خوش فكره من البدايه وهيج ليش بجيتي
قمر: غير انت اني شعليه لان احبك ضجت منك
عمر: احبج
قمر: اموت عليك
عمر: حبيبتي اني الأموت عليج
قمر: لا اني اموت عليك اكثر
تقى: خاب كافي تموتون اثنينكم انشاءلله كولو اكو سنأكل سويتي بينه جفاف عاطفي كبر
قمر: عمر سمعهه وكام يضحك
عمر: ام لسان هاي كليلهه شنو تردين تعرسين
قمر: ههههه اَي يلا حياتي باي
عمر: باي حبي
قمر: وجع شخبارك كلبج كطاعه الرزق
ملاك: هههه والله مخائيل من البدايه وكولي اقدم خارجي صارت هوسه ومكافش من الروس عليمن
قمر: روحي كليلهم موافقه بالثلاث😂
ريم: كبر مو هستوج ما اقبل اله اكمل
قمر: انجبي وروحي لا انزل اني أكلهم
البنات:😂😂
قمر: صدك نزلت كالتلهم موافقه وما اسمع بس صوت الهلاهل علكت نفسيتي ارتاحت حيل ( وعسى ان تكرهو شيئا وهوه خيرا لكم) بالبدايه جنت أكرهه العمر لان يخزر بيه هسه اموت علي راحو بيت جدو ثاني يوم بعد ما اتفقو الخطوبة هذا الأسبوع عمر ما راسل ولا خابر من يومهه ماما بالبدايه ما قبلت بس بعدين اقتنعت من شافتني فرحانه
اليوم اثنين نايمه ومرتاحه بفراشي الناعم ما اسمع بس صوت سهى ونر ونرجس بنات خالتي يعيطن حتى اكعد كوه فتحت عيوني
قمر: لا هلا بيجن شتردن
نور: والله عروس ب٢نايمه ولا الحلوه مآخذه ابن شيخ هناك ب٥ الفجر كاعده انتي افتهمتي
قمر: شكالولج خدامه اكعد ب٥
نور: ههه يلا حضري روج نروح للمركز تحفين وجهج وينضفون جسمج وبشرتج بعد ٣ ايام للعرس وكلشي ما مسويه
