عشك الثلاثيني

بارت الحادي عشر

قمر:الحد ما اجه اليوم الي راح ادخل بي عش الزوجيه فزيت الصبح على صوت عياط عالي  أصوات بنات خالتي وهوسات الجهال وخالاتي يهوسن للعروس النائمه 😂

قمر:   نزلت سلمت عليهن خطيه اجن من بغداد للبصره علمودي غسلت وتريكت وبدلنه حتى نروح للصالون اني وسهى وسماهر حضنت ماما قبل لا نطلع عود كلت ما ابجي بس من بجت شبعت بجي

سهى: كافي يله تاخرنه قمر ب٩ ونص ورانه طريق وازدحامات اليوم

سماهر: صحيح قمر اليوم جمعه ازدحامات كتل

قمر: كوه مسحت دموعي وصلنه علي للصالون  سوتلي مكياج مشمشي هادئ يجنن صار ويه تسريحه فخمه اختياري ولبست الفستان  الأبيض
هسه صدك اسمي عروس

قمر: اباوع بالمرايه على نفسي واني لابسه البدلة وبيدي الورد والقران

ياترى شنو مصيري بالأيام الجايه؟؟

شضامتلي الدنيا حرن لو فرح؟؟

قمر: قاطعت سلسله افكاري سماهر

سماهر: يله قمر اجه محمد

قمر : لبسني البرنص وطلعنه وصلنه للبيت اول مدخلت هلاهل وجكليت كعدت على التخم الحد ما اجت الزفه صار بيه خفقان من التوتر اجتمعت كل الاحاسيس بداخلي دخل عمر ونسوان عمامي هلاهل وكولات أعراس وركص

ام عمر: هم يلا نروح

عمر: اَي يلا نتوكل

قمر: كلبي عصرني وصرت ارجف كومني عمر وهمس يم أذني

عمر: شبيج حبيبتي

قمر: ما اعرف شبيه

عمر: مو هذا اليوم الي جنه نحلم يجي ليش هيج

قمر: خايفه

عمر: لتخافين واني يمج

قمر: طبع بوسه على كصتي

ام قصي: يله

عمر: يله

قمر: دخل بابا حط أيدي بيد عمر بعد ما وصاه عليه ودعته وبجيت من هاللحظه اني قمر جديده مو الطفلة المدللة من هاللحظه ودعت كلشي وياي لان راح اصير إنسانه ثانيه مسؤلة عن بيت ورجال وطفله

قمر: صعدنه بالسيارة عمو ابو عصام بالصدر وابنه سيف يسوق عمر الطريق كله لازم أيدي الحد ما وصلنه للاستوديو نزل عمر واجه من الجهه الثانية نزلني

قمر: عمر اريد ريم عفيه

عمر: تدللين يروح عمر

قمر: اشر على سياره بيهه ياسر ابن عمو نزل جامه وكله شكو عمر اشرله على ريم وراه كاعده نزلت واجت يمي

ريم: ها جبانه

قمر: انجبي صار بيه خفقان

قمر: دخلتني بالغرفه الي ناخذ بيهه صور وعمر راح مدري وين شوي واجه دخلت وراه بنيه وبدت تأخذ صور