عشك الثلاثيني

بارت الثاني عشر

قمر: كعدت الساعه ب٦ الصبح غسلت كوه افتح عيوني تذكرت الصار البارحه ابتسمت واني اباوع على عمر نايم بكل برائه وخرت الغطه‏ وكمت واني اتوجه للميز مال المرايه اباوع على شكلي شلت شعري بأهمال كعكه ولبست روبي وبديت استكشف الغرفه الغراض وين الاحتاجهن الكنتور والمكياج دخلت للحمام سبحت خلصت وطلعت عمر بعده نايم حقه عمي البارحه لل٤ كاعدين كوه نام اني لان ما متعوده على المكان كعدت

نشفت شعري وحطيتله زيت جوز الهند شلته بقراصه لافه الروب على جسمي اختار شلبس فتحت الكنتور اباوع أشكال وألوان بس شالبس عجبني فستان بصلي ضيك من الصدر والخصر وردانه شلون حريم السلطان حلو لبسته وحطيت مكياج جوزي هادىء ونسقت وياه شال ابيض بي ورق جوزي صغار لفيته لفه تركيه حلوه تعلمت الف الشال من ألنت بفتره الخطوبة لبست قلادتي الذهب ومحبس وسوار وخلخال ذهب من اهلي لبسته ولبست اقدام بيض قصيره اخر لمسه العطر

قمر: طبعت بؤسه على شفايف عمر وطلعت من الغرفه اصير مقابيلي غرفه عماد ومرام وبصفه غرفه مراد وجنه وبصف غرفتي غرفه جواد وبالأخير غرفه البنات ريم وملاك وتقى وبنين

نزلت الدرج كلهم كاعدين

قمر: صباح الخير

الكل: صباح النور

ام عمر: ليش كاعده عمه رجعي نامي بعد وكت وانتو عرسان

قمر: لا والله شبعانه نوم أصلاً

ام صكر: عفيه عفيه هاي الجناين الزينه اول يوم عرسهن ب٧ كاعدات

قمر: هههه شعبالج اعجبج البنات كاعدات

ام صكر: لا بعدهن تعبن البارحه

قمر: من الركص

ام قصي: لا ولج هنه نضفن المطبخ البارحه والبيت يله نامن

قمر: اهااا

رحت لغرفتهن حبيت اخبث اول يوم عرسي فيديو بالتيك اريد قديم اريد أطبقه

قمر: ملاك ملاك ملاااااك

ملاك: همممم ( بنعاس)

قمر: انتي نايمه

ملاك: اهوو ولي مني وووللي يممهه (بصياح)

قمر: ههههاي تقى تقى تقى

تقى: خرب بتقى شتردين ( بنعاس)

قمر: رادو يكعدوج وماخليتهم

تقى: رحمه الله والديج سدي الضوه وطلعي

قمر: هههههه ريم ريم ريم ريم

ريم: ها (بنعاس)

قمر؛ شجاي تسوين

ريم؛ جاي ....طووووووط......😂

قمر:😂😂😂

قمر: متت من الضحك عليهن اخر شي استسلمن وكعدن كل وحده جنهه كراطه حجار كفشتهه كأبه