قمر: لميت غراضي واني ابجي وأخذت ذهبي وياي هم يحلم اعوفه اله وفلوس عندي لبست صايه وشال فوك ملابسي وطلعت برة الغرفة نزلت جوة كلهم كاعدين يعني سمعو كتلي وما ادخلو صدك حسيت نفسي غريبة اريد اهلي
ابو عمر:ما اتوقعتهة منج عمو قمر
جدو:مع الأسف انتي بت راشد (بابا)
قمر:ما مجبورة أبرر الأحد شي بس كلمة وحدة اني ما حجيت شي ولا تجاوزت واللة يظهر الحقيقة بعدين يا ظالمين بصراخ
قمر: طلعت برة ركض وولد عمي يصيحون وراي رحت البيت ابو قصي اكثر واحد حنين هوه دكيت الباب حيل حتى يكعد قبل لا يجي عمر وولد عمي
عمو ابو قصي: هاا عمو قمر خير يا ستار
قمر: من شفته شفت بي حنان بابا حضنته وظليت ابجي من كل كلبي عمر كسر كلبي حيل عمو يريد يفهم شكو واني بس ابجي دخلني جوه عمتي ام قصي من شافتني كالتله
ام قصي: عوفهه تسكت وتحجي
قمر: شوي وهدئت وحجيتله كلشي سواه بيه عمر
قصي: هذول صدك ما يستحون شلون يصدكون بحجي نسوان ويضربون مره من شوكت احنه نضرب نسوان بله ( بصياح)
عمو ابو قصي: لا اليوم اتصير دم عود هيه بت عمهم لو لان اهلهه ابغداد ماخذين راحتهم
قمر: عمو طلع موبايله وخابر عمو ابو رافد وتعارك وياه وكلهم كلشي حجيته
عمو: صدك تحجون بعدكم مصرين اذا هنه صادكات خل يحلفن بكتاب الله وقمر مستعده تحلف اَي مستعده
قمر: هزيتله راسي باي مستعده ونزلن دموعي سد الموبايل واجه يمي
عمو ابو قصي: باجر نروح تحلفين
قمر: عادي عمو
عمو ابو قصي: اذا بينت الحقيقه تظلين ويه عمر
قمر: مستحيل هاني ماصدكني وجرحني وضربني وقارني يمرته القديمة ويكلي احسن منج تحترمهم كلهم شنو فائده الاحترام وهيه خانته ويه ابن عمه
عمو ابو قصي: معليج بي هذا مخبل
عمه ام قصي: بس عمه قمر هوه هم حقه يعني مرت عمه مره جبيرة كالتله هيج حجي وبتهه وكفت وياهه ومرت اخو ايدت كلامهه وانتي الوحدج يصدك منو طبعا ظلن يحجن وسونه عصبي واجه عليج وانتي تعرفين عمر شكد عصبي ومن يغضب ما يعرف شيحجي اذا اعتذر منج تقبلي اعتذاره لان هنه رادن يخربن علاقتكم صدكيني اكسري خشمهن فشلي خططهن ورجعيله لان هوه يحبج
قمر: بس ليش هيج سوون ليش عمتي ام عصام ما تهمني بس بنين وجنه لا مستحيل ليش واني حاسبتهن مثل خواتي الله شاهد( ببكاء)
ام عصام: هيه ام عصام من زمان بوجهين وبتهه طالعه عليهه وجنه لوكيه الهن وريهام مرت عصام هم على كلبهن عصاب حزب عدنه الله اليستر
