قيـد إنتقام المجروح لــ زينب سمير

الفصل الثالث..

قيـد إنتقام المجروح:-
_الفصل الثالث .

الحيرة والتوجس.. الخوف والانتقام.. رغبة في الفراق والبُعد.. تلك الأحاسيس والمشاعر اذا كان يمر بهم انسانًا في الوقت ذاته، أعلم انه ليس مسئولًا عن تصرفاته، بل انه يتحرك وفقًا لأوامر شيطانه.. فحاول الا تسمح لشيطانه بابتزازه اذا استطعت!

دفع نور الدين اخيه سراج الي الداخل بعنف، وهو يضع يده علي فم الاخر مانعًا اياه من استرسال حديثه بصوت عالٍ بعد، اغلق باب المنزل خلفه، ليس بالقوة الكافية لذلك لم يُغلق تمامًا بل بقي متواربًا وراح يصيح فيه:-
_بلاغ اية اللي تقدمه وقضية اية اللي تفتحها، الحادثة دي تنساها سامع؟ تمحيها من دماغك خالص وكأنها محصلتش
نزع سراج يد اخيه عن فمه و:-
_لا حصلت وانا لازم ادفع التمن، انا وانتوا غلطنا وكلنا لازم نتعاقب
نور الدين بعصبية شديدة:-
_واحنا لما نتعاقب اللي مات هيرجع؟!
سراج بنرفزة:-
_لا مهيرجعش بس انا هرتاح، انا مهرتحش غير بكدا
وبعد ان كانت ملامح نور الدين محتادة جدا.. هدأت فجأة، بل ارتسمت علي شفتاه بسمة واثقة وقد ربع يداه اسفل صدره
نوى الدين بـ ببسمة هادئة.. واثقة:-
_روح افتحها، وكلامك قدام كلامي ونشوف مين هيصدقك
صمت قبل ان يتابع بنبرة اشـد ثقة:-
_انت ناسي ان مفيش ولا دليل واحد يقدر يدينك؟! انا عملت المستحيل علشان احذف كل ثغرة ممكن توقعك ياسراج، فمهما تقول هناك انا هكدبك، مش هخليك تدخل السجن حتي لو اتهمتك انك مجنون
دفع سراج اخيه في صدره عدة مرات متتالية بغضب وهو يصيح بمشاعر منفلتة:-
_مش انا اللي مجنون، انت اللي مجنون، ازاي مرتاح انت وفي رقبتك وزر زي دا، ازاي بتغصب عليا اسكت زيك وارتاح؟ انت مش معقول تكون نور الدين اللي انا اعرفه..مش معقول تكون انت اللي مربيني علي ان الغلط.. غلط مهما الكل اصر انه صح
ارتبك نور الدين بداخله فها هو يخالف ما عمله لاخيه والاخر يواجه بذلك، يخالف مبادئه وكل دلالاته.. ولكنه سعيد بذلك.. فلأجل ذلك الابلة المدعو بأخيه هو مستعد ان يتخلي عن روحه هو شخصيًا

توجه سراج بلحظة شرود نور الدين ناحية باب الشقة وهو يردف:-
_انا هروح لهانيا واعرف كيف هي عرفت اني قتلت اخوها، هي اكيد معاها الدليل، هاخده منها و...

قطع باقي حديثه دخول هانيا من باب المنزل التي بـدا علي ملامحها انها استمعت لحديثهم، كان يظنها ستصرخ فيه لتذكرها بأنه قاتل اخيها، لكنها صدمته بل الجمته عن الحديث بعبارتها الهادئة التي قالتها
هانيا:-
_كان معايا الدليل، وانا اتخلصت منه ياسراج زي نور بالظبط، انت دلوقتي مش مدان
اقترب منها باندفاع امسكها من فتحة قميصها الأحمر الانثوي بعنف وهو يرفع وجهها قليلًا لتقابله، صاح فيها بجنون.. سافر:-
_انت مجنونة، اتخلصتي من الدليل الوحيد اللي تقدري تجيبي بيه حق اخوكي مني؟ انتي مجنونة
هتفت بينما تحاول ان تبعد يداه عنها بضراوة:-
_حقه منك يبقي ياخده في الاخره ياسراج، لكن دلوقتي انا مسمحاك علشان بحبك واخدت منك....
لم تكاد تكمل حتي وقعت يده بكامل قوتها علي وجنتيها اليمني بصفعة لاسعة، توسعت عينا نور الدين الذي اقترب منه سريعا يحاول ان يبعده عن تلك التي راحت تنظر لزوجعا بعيون دامعة
سراج:-
_انت واحدة معندكيش دم، ازاي مكنتش عارفك؟ سامحتي في حق اخوكي علشان بتحبيني! انتي واحدة قذرة
نظر الي نور الدين وهو يتابع بسخرية:-
_زيك زيه بالظبط، بتحاولوا تداروا حقيقاكم ورا قناع مزيف، بتحاولوا تبانوا انكم اصحاب مبادئ وفجأة بتغيروها علشان مصلحتكم، في موج مشاعركم بتنسوا اية الصح واية الغلط.. انا كنت ممكن اسامحك لانك عملتي كدا فيا علشان اخوكي، صح اخدتي انتقامك مني بطريقة غلط بس.. انتي مسبتيش دمه يروح هدر، ياخسارة فعلا ياخسارة علي الوقت اللي كنت شايفك في ملاك وانتي مجرد شيطان
دفعها فجأة ناحية باب المنزل و:-
_اطلعي برة.. اطلعي برة مش طايق اشوف وشك
دفع اخيه خلفها وهو يتابع بأنهيار:-
_اطلعوا من حياتي انتوا دمرتوها ودمرتوا نفسكم قبلها اطلعوا بقي وريحوني