مساء العافية حبايبي
راح ابدي سالفتي وياكم بمثل شعبي بي هواي معاني ( اذا جان صاحبك حلو لا تأكلة كلة)
وكلامي اكيد مو للكل
ياعيني ياقلبي يعني من دتشوفوني ساكتة ما احجي وما احب اغث أحد ليش تستغلوني
من داعاملكم باصلي واخلاقي ليش بالمقابل ماتقدرون هالشي
من بداية القصة تركت قراءة التعليقات حتى اعوفكم تعلقون براحتكم وبنفس الوقت ما اريد اغث روحي لكن صار يومين انجبرت اتابع وانصدم
وصلت ابعض البنات ديتهموني بمصداقيتي بالقصة لا عفية كافي لهنا وبس اقطع. ....
صارلي بارتين اطرقت بيهم التغيير شاهر رغم بعدني مذاكرة السبب
لكن الكل عرفوا علتة وشنو سبب حالتة واعتبروا هذا غش مني ( شاهر مسسسحور)
بعض التعلقات بالفيس واهنا يگولون اهووو هم دخلتوا السحر للقصة
وبدت الأفلام وصارت أحداثها نفس باقي القصص ماكو أختلاف بينهم وتعيدون وتسقلون بنفس الموضوع والقصص اكثرهن كلاوات وكذب
ليش ماكو سحر بواقعنا؟!
ماكو بيوت آنهجمت بسبب الأعمال والشعوذة
ماكو ناس تمرضت ماتت توقفت حياتها
فشلوا بدراستهم قسمتهم انسدت
رحمهم انربط
كل هذا مموجود!!
عجيب لعد الي نشوفة ونسمعة شنو تخيلات لو حكايات من الف ليلة وليلة ؟!!
شنو الي بقصصي يفوق العقل..
معظم رواياتي أجتماعية من داخل البيوت العراقية والمشاكل والاحداث الًتصير بحياتهم لا زيدت ولا نقصت
اذا تشوفون قصصي كذب وخيال ممجبورين تقرولي هاي اني وهذا نمطي وأسلوبي
تريدون مافيات وأكشن ومغامرات روحوا الكواكب سبيستون اهناك تلگون الأختلاف
رجاءاً من تجون تعلقون اذكروا الكلمة الطيبة صدقة الگدامكم بشر من لحم ودم مو صنم شتحجون وشتسوون مياثر بيها
القصة شارفت على الختام اتحملوني الحد متخلص
يعز علية احجي بهاي الطريقة لان الف مرة گايلتها انتوا عائلتي الثانية خواتي وصديقاتي
ما احب يصير زعل ومغثة بينا
تحياتي للجميع....
