صباح العافية حبايبي
شلونكم وال يابة مشتاگين جثير
بما ان اليوم ماكو بارت وگاعدة وساكتة قررت ادردش وياكم شوية بخصوص القصة
ما ادري ليش دوم شخصيات قصصي يرفعولكم الضغط رغم والله مساكين هههههه
يلا ميخالف تحملوني وتحملوهم شوية
حبايب قلبي شنو رايكم بهذا البوست نسلط الضوء على العبر الموجودة بي ونتعض منها ونفكر بالأخطاء ونبتعد عنها
هسة راح اتكولون هنا ١١ بارت وين العبر؟!
واني بدوري راح اجاوبكم ونبدي من البداية
اول نقطة هي قسوة الأم مع البنات وتفضيل الولد عليهن
ولو نجي للواقع ماكو احن من البنت على امها اكثر عقوق الوالدين تجي من الولد مو من البنت
الأم نست هي هم الله خلقها انثى
ام ومربية وتساوي نصف المجتمع والجنة تحت اقدمها
لكن للآسف كثير من الأمهات متفكر بحجم الخطأ الي دترتكبة بحق بنتها
النقطة الثانية ابني المدلل لأزم ازوجة من وقت واشوف اطفالة
بالنتيجة أدمر حياتة وحياة المسكينة اليأخذها
ثالث نقطة انتوا يا اهل الي زوجتوا بناتكم بعمر ١٥ و١٦ ومن تحمل
بكل سهولة تروحون تجيبولها قابلة وهاي اول بطن الها وبكر
صح كلمن يموت بيومة بس الله يگول ( لا تلقوا بأيديكم إلى التهلكة )
الحذر يقيك الضرر
النقطة الرابعة ليش المرأة تخلي محور حياتها رجال مستعدة تخسر دنياتها وآخرتها علمودة
عدها الموت ارحم من شبح الزوجة الثانية
وهنا أيضآ صوج الأهل
بنتهم اذا تتزوج ممنوع تطلق حتى لو تنداس يالرجلين
وبالنتجة تصاب الضحية بالاحباط وضعف الآيمان تلتجئ القتل نفسها
بربكم هم سمعتوا رجال حرگ نفسة علمود زوجتة تركتة لا ابد دائماً النساء تتصدر بهالشي
خامساً حجيت عن الأخ السند الي رغم الدلال وتفضيلة على خواتة ماتغير ظل حنين عليهن واخ بمعنى الكلمة ولو كل الأخوان مثلة
مكان اي مرة انذلت
سادساً حجيت عن اليتيم وكفالتة
ربت بنات مو بناتها دارتهن وانطتهن الحب والحنان
وأيضاً قلة قليلة المثل اصيل
هسة بوقتنا الآم تقتل اولادها وزوجة الأب وحش بهية بشر للاسف هذا واقع حال
اخيراً وليس أخراً
تحملوني ادري طولت عليكم
ياعيني يا أمهات يا أهل من عدكم مراهقة او مراهق لاتهملونة
خصوصا الي مثل حالة فيروز
طفلة ربت على حنان وحب شخص كان الها أب وسند وحضن دافي وحماية
من بدت توعى بدون كاف لام
لأزم ماتحضني لازم ما طخي عيب تبوسي
حرام ميصير انتي كبرتي
بدال هالكلام وعوها فهموها يابة هاي مراهقة كلشي يطبع براسها ويترك أثر
لو من البداية من هي طفلة ممخليها تتقرب بهاي الطريقة لو عايفها على عفويتها الحد ما توعى وهي تبتعد
هاي العبر من ١١ بارت وانتظروا القادم
من تقرون البارت تمعنوا بتفاصيلة
لأن الروأية مو بس للتسلية الروأية للتوعية
بالختام اشكركم من اعماق قلبي
على التفاعل الحلو والتصويت فعلاً انتوا عائلتي الثانية الي دوم وياي احبكم كووووومة
هواي طلبوا اسوي بيج بالفيس لان الأكثرية مجاني ميكدرون يقرون اهنا
من. باجر ان شاء الله
ابدي بنشر القصة بيج
روايات على رف الأمس للكاتبة بسمة البياتي
تابعوني
تحياتي للجميع
