الضابط المستبد والخرساء

البارت الثالث والاربعون

الليل عگبك طوله خطوه...
وخطوه مال وداع ...!!
مو خطوه بدرب نمشي سوه .؟
الليل هدني ..وحمله ما ينشال مكلف !!
ومتني واهس ارمله بباب المحاكم ؟؟
تذكر ايام العرس !!!

الكاتبه تولا العسكري
حمزه: رجعت من اهل افراح وحسون جلب بيه يبجي الا يجي ادري بيه يريدني اطلعه لان محبوس بالبيت طالعه عينه جبته وياي ورجعنا اني وخالتي ام علي وصلتها لبيتها ورجعت للبيت سبحت وبدلت وسبحت حسون وبدلتله
يله باباتي خل نروح نتعشه بره ونمر على عمو خالد
اخذت حسن وطلعنه تعشينه بره ورجعنا
رحنا لبيت خالد
خالد :هله والله زارتنه البركه لو مااشوفك بالدوام يمكن ولاتذكرني شنو السالفه يابه كل الي يزوج ويخلف يعوف هله
حمزه: خايب شبيك ماتدري بيه ماعندي مجال والله ورطتني ونقلتني وياك ومشلوع كلبي بالواجبات انت رجال مقدم كلها بيدك جاا مثلي
خالد: جاا انت عايز رائد وعين الله عليك بيني وبينك سنتين وتلحكني بالترقيه
حمزه: المهم شلونكم شخباركم
خالد: بخير يخوي شنو هذا السرسري اليوم وياك
حمزه: اي امه عند خواله ومقبل يبقى يمها الا وياي
خالد: عفيه بالسبع اخذ كتار ابوك لاتضل مگابل النسوان
حمزه: هههه يمعود كله عمره سنتين الا شويه
خالد:لاتخلي يم امه طلعه وياك دوم
حمزه: اي اكيد ،،اي يابه ابو عباس وين جنتنا مرت علوش شو مشفناها
خالد:ههه موجوده يخوي بالحفظ والصون
ام عبوسي جيبي فطومه وتعاي هذا ابو حسن محد غريب
حمزه: شويه واجت ام عباس زوجة خالد
هدى( زوجة خالد ام عباس):السلام عليكم شلونك خويه ابو حسن شخبارك
حمزه: كل الهلا بيج خويه حياج الله رحم الله والديج
هدى: ام حسن شلونها شو ماكو جيبها على يوم النه والله مشتاقتلها تعرف هم صار فتره مشفتها بحكم احنه صارت ولادتنا بنفس الشهر وخفنا من النفاس
هسه الحمد الله مر شهرين ماعلينه شي
حمزه: صار ام عبوسي والله بس ترجع من بيت اهلها اجيبها واجي
والله هذا الاسبوع زواج اختها وبقت هناك
هدى: الله يسعدهم
حمزه: انطيني فطومه
هدى: هاك خويه لو تاخذونها وياكم تسون فضل صاجتنا صج بالصياح
حمزه: ههههه دير بالكم تغثوها علوش ميقبل
خالد: تخذها اله وخلصنا ولك نوم ماانام بالليل منها بس تصيح
حسن: اباه اباه مالنه مالنه
حمزه: هههه بابا هاي فطومه بنت عمو مو مالتنه مو نرجوسه نرجوسه عند ماما
حسن :مالنه مالنه
خالد: هههه اي بعد عمك مالتكم مالتكم بس خلصوني انت وابوك
حمزه:لاتخاف ناخذها بس مو هسه كلشي بوقته حلو
خالد: ام عبوسي حضرينه كعده اريد اغلب حمزه بالدومنا خل ارجعه لبيته مغلوب
هدى :صار
حمزه: هههه هاا نسيت اخر مره لعبنه منو فاز
خالد: مو كل مره تسلم الجره ابو حسون نشوف اليوم منو يغلب
حمزه: لعبنه اني وخالد وهالمره غلبني
صارت ب 11 وحسون نام شلته ورجعنا للبيت
بدلتله ملابسه ونومته وياي ع الجربايه
خاف يفز بالليل
،،،،،❤️❤️❤️❤️
افراح :بعد مراح حمزه واجو خوالي وحسنين امي ضلت تلح عليه الا اكلها منو هاي البنيه الي رايدتها لحسنين
فمكدرت اضم عليها كتلها
يمه البنيه تصير بنت عم حمزه بنت دكتور وائل انتي تعرفيها زينب الي اهتمت بحسن من تعرضنا للحادث
ام اكرم :ياا يمه خوش بنيه والله دره من الله ياريت لوياخذها حسنين بس خاف يمه احد حاجزها وماينطونها
افراح :لا يمه مامحجوزه توها تخرجت واهله هم ناس واعين ومثقفين ميغصبون بتهم على الزواج اذا اكو لحسنين قسمه يمهم بيها الخير واذا مااله قسمه يمهم الله يستر على البنيه
ام اكرم :اي يمه الله كريم ،،شنو يمه انتي كلتي لرجلج عليها لولا
افراح: لايمه بعدني كلت خل اخذ رأي حسنين وبعدين اكله
ام اكرم :اي يمه كلي لرجلج خاف ميقبل بعد هو ابن عمها ويكول ابو المثل ابن العم ينزل بت عمه من على ضهر الفرس
افراح: هههه والله عليج سوالف يمه منين جبتي هذا المثل بعدين هذا الحجي اذا حمزه مامزوج وانطو بت عمه غصب
ام اكرم :شعرفني يمه اهم شي راي ابن عمها
افراح: بالعكس حمزه يكيف وبعدين وين يلكون احسن من حسنين اشو مهندس ومتعين وعنده بيت وسياره جاا شيردون
ام اكرم :اكلج يمه خاف اخوج مايرضه البت اداوم اعرفه يحب المره تكعد بالبيت
افراح: هسه يمه الله كريم خل نحاجيهم وبعدين يكعد وياها لوحدهم ويكلها على شرطه القبلت خير على خير مقبلت نشوفله بت حلال غيرها
ام اكرم :ان شاء الله خير يمه
افراح :مر يومين واليوم حنة زنوبه اجن نسوان عمامي واجت بيبي ام عماد
سوينه حنه بسيطه بيناتنه وثاني يوم كعدنه من الصبح كله ترتيب ومخبوصين
زنوبه اخذتها عمتي فاتن لصالون واحنه ضلينه مخبوصين صارت الساعه ب3 اجت زنوبه طالعه جنها لعابه تخبل
كعدناها والبنات ضلن يركصن ويهلهلن
وبعدين صارت الساعه ب6 اجت الزفه
دخل باقر هو وجدو ابو حسين وسلمها الهم ابويه وطلعو بالسياره
واحنه رحنه توزعنا على السيارات
رحنا لبيت عمو حسين ابو باقر وباقر وزنوبه راحو للمصور ياخذون صور ويجون راحت وياهم بس عمتي فاتن وامي
شويه ضلينه كاعدين واجو العرسان شكد حلوين لايكين واحد على الثاني
كعدو زنوبه بالاستقبال
ضلت ساعه كاعده بعدين صعدناها لغرفتها وحضرنالها غراضها وفهمناها على اصول هاي الليله ونزلنا نتعشه
مرت نص ساعه واجه باقر زافينه ولد عمه وابوه واصدقائه
صعدو لغرفته ،،،،
تعشينه وعمتي ام باقر دزت للعرسان عشه اني دخت وتعبت موتوني الجهال من التعب وخطيه اكرام هم تعبتها بتها اني ذبيت حسين على امي وعلوش اخذته بيبي ام عماد ونرجوسه عندي
كتلهن بعد مااكدر اريد فراش انيم الجهال وانام
اخذتني عمتي ام باقر لغرفه لكيت بيها ممدوده فراشات الي ولأمي ولخواتي اكرام وايلاف واطياف
بدلت لجهال ورضعتهم ونمت
محسيت الا على الرمي فزيت مرعوبه والجهال تصرخ نزو
شويه ودخلت امي
كتلها هاا يمه خير شصاير شنو هذا الرمي
ام اكرم :شبيج يمه لاتخافين هذا ابو باقر رمى باقر ماخذ مرته
افراح :دخيلك ربي بيش الساعه هسه
الايرمون هسه
ام اكرم :الساعه ب 12 يمه رجعي نامي ونيمي جهالج وراج روحه لرجلج الصبح
افراح :اي يمه تصبحين على خير
ام اكرم :وانتي بالف خير يمه
افراح: ثاني يوم باركنه لزنوبه ورجعت اني واكرام والبنات التوم امي بقت يم زينب اليوم
رحت لبيت اهلي لكيت الولد توهم كاعدين يتريكون حسنين واحسان
وابوي رايح لجامع يصلي صلاة الجمعه
لميت غراضي وغراض وملابس الجهال لان الظهر يجي حمزه ياخذني
حسنين :فروحه ماكلتيلي منو هاي البنيه الي راح تخطبينها الي اعرفها لا بس لاوحده من بنات خالي او عمامي
افراح: لامو من عمامي ولا من خوالي
بنيه تصير بت عم حمزه دكتور وائل
حسنين :شنو شكد عمرها حلوه لا اخلاقها شلونها
افراح: والله تخبل ومثقفه واخلاقه مثل المسك عمرها 22 توها تخرجت
حسنين :هاا دارسه واكيد تريد تتوضف
انتي تدرين بيه مااحب المره التشتغل
افراح :يمعود ماكلنه شي اعرف بطبعك وبشنو تفكر انت شوفها واكعد وياها واشرط عليها اذا وافقت بيها الخير موافقت نخطبلك غيرها
حسنين :اي هذا خوش حجي وهسه يمته تفاتحون اهلها بالموضوع
افراح :بس ارجع افاتح حمزه بالموضوع
حسنين :خوش خابريني اذا حصلتي موافقه منهم حتى ثاني يوم نجيكم اني وامي وابوي
افراح: ان شاء الله بعيوني
حسنين:سالمه عيونج ام حسن ،
بس ماكلتيلي هي شدارسه وشنو اسمها
افراح: اسمها زينب ودارسه قانون يعني محاميه
حسنين: الله يستر عليها
افراح :كمت نضفت وسويت غدا لأهلي
صارت ب12 رجع ابوي صارت ب1 صبيتلهم غدا وبعدين صبيتلهم جاي وغسلت المواعين
ورتبت البيت
شويه وندك الباب عرفته حمزه
سويتله جاي ورحت وديتله وسلمت عليه
وخليت الجهال يمه
حمزه: يله ام حسن جيبي غراضج خل نتوكل قبل الليل
افراح: صار هسه اجيبهن ماعندي شي بس انتضر خل البس عبايتي
حمزه: عمي ممنون منك واعذرني على التقصير عمري ماانسه وكفتك وان شاء الله اخر مره مراح تتكرر
ابو اكرم :عمي هو اني شرايد غير ترتاحون بحياتكم ياابني مو على الرايحه والراده تضربها بالاول اسمع منها تره بنتي ماعدها مكسرات انت اخذتها عمرها 16 وهسه عمرها 18 وعدها 4 جهال تره بنتي معدله مو امدح بيها بس والله صفحه بيضه دير بالك عليها
حمزه: اعتذر عمي منك والله اخليها بعيوني ميكون خاطرك الا طيب
ابو اكرم :تسلم ابو حسن متقصر
افراح: يله جاهزه
حمزه: يله انطيني الجنطه
افراح :انطيت حمزه الجنطه ورحت سلمت على ابوي واحسان وحسنين وطلعنا اني وحمزه ورجعنا للبيت
وصلنا تقريبا المغرب
حمزه: وهسه توه نور البيت الج وحشه ولج صوتج وصوت جهالج بالبيت ادفع عمري لجله
افراح: بعد كلبي ابو حسون انت كلشي بالنسبه الي على الرغم من ضربتني ورحت لبيت اهلي بس متت على شوفتك اشتاقيتلك
حمزه:اوف يابه شويه شويه عليه انه تره هم مشتاق 😉
افراح: هههه ححمزززه شبيك مو جاي نحجي لايروح بالك بعيد
حمزه: هههه لامايكدر الا يروح بعيد
افراح: هههه يله ابقى يم الجهال خل اسوي عشا
حمزه: لا لااسوين راح اجيب من بره
افراح :ماشي انتضرك ،،،
طلع حمزه يجيب عشا ويمر على خالتي ام علي يجيب حسون مخلي عدها مكدر يجيبه وياه جان نايم
عفت الجهال بكواريكهم ورحت نضفت البيت
بعدين رتبت غرفتنا وبدلت فراشاتها
شويه واجه حمزه شايل حسون والعلاليك
يمه ابني فدوه رحتلك ليش ولك ماتذكر امك
اخذت حسون اشم بي
بعدين عفته يم ابوه ورحت حضرت العشا وجبته صعدت جبت الجهال حتى ارضعهم حتى ينامون
ضلو يلعبون منا لمن تعبو ونامو نومتهم بكاروكاتهم ضل بس حسون بحضن ابو
على التلفزيون شويه وشفته نايم
كتله حمزه حسون نايم شيله لفراشه
حمزه: هااا نام مانتبهتله اكول خنس
افراح :نومنا الجهال كلهم
بعدين بدلت ورحت يم حمزه
ضل يتوكح
حمزه: تعاي ولج شكد مشتاقلج شنو ذنبي محروم
افراح: انت طردتني ماتسأل نفسك
حمزه: انجبي لاتذكرين السوالف القديمه
افراح :اي سكتت
حمزه: قبل شويه مو كلتي مشتاقتلك
وينج شو ماعبرتي عن اشتياقج هاا 😉
افراح: هههه اي مشتاقتلك هواي
حمزه: يابويه جاا شمنتضره تعاي لايكعدون الجهال
افراح:عشنا احلى ليله اني وحمزه
بعدين سحبني ونومني بحضنه
فذكرت سالفة حسنين كلت خل افاتحه بالموضوع
افراح:اكلك حبيبي
حمزه: كولي ياروحي
افراح :قبل كم يوم تناقشنه اني واهلي نريد نزوج حسنين
حمزه: اي بيها الخير والله يستاهل
افراح :اي واني قررت اخطبله وحده خالتها ابالي بس كلت اسألك
حمزه: كولي يروحي منو هي وليش تسأليني اني اعرفها
افراح: اي تعرفها ،،
حمزه: منو هي
افراح: زينب بنت عمك وائل
حمزه: هاا اي والله زنوبه خوش بنيه وحسنين زلمه معدل واحد يستاهل الثاني
افراح :بس تعتقد يوافق عمك
حمزه: وليش ميوافق حسنين ماناقصه شي وعمي اهم شي عنده بنته اذا رضت هاي هيه يوافق
افراح: حبيبي فاتح عمك بالموضوع حتى ارجع خبر لأهلي يجون
حمزه: صار من عيوني باجر افاتحه بالموضوع اني شكم فروحه عندي
افراح :فدوه اروحلك
حمزه: اموت عليج
افراح :ثاني يوم حمزه فاتح عمه بالموضوع وعمه كاله ماعندي مانع بس اكل للبنيه وامه وارجعلك خبر
ضلينه يومين الظهر تونه مخلصين غده
ودك التلفون رد حمزه طلع عمه
وائل
شويه وغلق التلفون واجه كعد يمي
كتله هاا حمزه بشر شكالك
حمزه:….

يتبع……
الكاتبه تولا العسكري