الضابط المستبد والخرساء

البارت الثاني والخمسون (الاخير )

رمش برمش شديت
مانامت العين
تسهر والك تشتاگـ
مطلوبة الك دين
==============

الكاتبه تولا العسكري
ايثار : بعد ما اخذاني عماد والحجيه ام عماد لدكتوره لان حالتي تعبت بشرتنا الدكتوره بأحلى خبر وهو حملي الحجيه
مامصدكه وضلت تبجي من الفرحه مرات احسها متعلقه بعماد اكثر من اخوانه احتمال لان هو الجبير ونحرم من الزوجه والاطفال بداية زواجه
رجعنا واحتارو شيسوون الي اما عماد فدوه لگلبه عيشني بحلم وردي دعيت من ربي مااصحى من هذا الحلم صار عماد هوس بالنسبه الي والحلو بالموضوع كأنو اتنسه عليه ماانام ولاارتاح الا بحضنه واشم عطره
وداومت الكليات وعماد راد يقدملي على الكليه واني رفضت
هو مقبل گال هذا حلمج واني اريد احققلج حلمج كتله لا مااريد اتعب ابني ودراسه يرادلها تعب وسهر وابني وانت والحجي والحجيه اهم من الدراسه عود السنه التجي اذا صار عندي مجال اقدم ،، هو كيف اجته من الله
واستمرت حياتي وياه متمسك بيه كأنو كان فاقد شي ولكاه وضل متمسك بيه خاف يضيع مرت الخ
🦋🦋🦋🦋🦋🦋🦋
زينب : بعد ما بابا انطى اهل حسنين الموافقه بزواجنا حسنين مكيف وكل يوم يجي يمي كملنه عقد المحكمه وكملنه كل شي وخالتي ام اكرم اشترت للبيت كل شي هي وعمو ابو اكرم لان حبيبي حسنين اشتره بيت بصف اهله النه يكول اريد استقر لوحدي واخوي احسان هم يريد يزوج يحب بنت عمه اخت ايوب زوج اكرام (اذكرتوها لو لا المااذكرها بالبارت الاول )
ع اساس احسان يكول هي اختصاص انكليزي واني انكليزي ونكضيها الليل كله نرطن انكليزي 😂
المهم
استمرت التجهيزات ومر اسبوعين وصارت الحنه بيت اهلي بس هيج اجن بنات خالي وخالاتي حسنين ماكدر يجي يحنيني وهمه اصلا ماعدهم هيج
كملت الحنه بفرح ونمت على وقت باجر اصير مزوجه وبيتي شعور حلو
نمت من بعد تفكير وتخيلات
ثاني يوم اخذتني خالتي لصالون لان امي متكدر عبوسي اخوي متعبها
مر الوقت وصارت الساعه ب 3 وكالو اجت الزفه ضليت ارجغف من الخوف شويه ودخلو حسنين وعمامه واجداده وابوه واخوه اجه بابا وحمزه وكفو يمي وسلمو عليهم وبعدين كومني بابا وسلمني بيد حسنين وتشكرو من بابا وطلعنه
ركبنا اني وحسنين بسيارة حسنين ركبت ويانه عمته فاتن لان خالتي ام اكرم ماجايه باقيه بيتنا علمود واجب الناس
مسافة الطريق ساعه تقريبا وصلنه وكف
حسنين يم مصور واخذنا صور اني وياه
وبعدين رحنا للبيت دخلت ذبحو خروف على رجلي ودخلنا البيت صح كان صغير بس يخبل حبيته كلش حسيت بدفو من دخلتله هذا البيت الي راح يحويني اني وزوجي واطفالي ان شاء الله
دخلني حسنين للأستقبال وبعدين طلع
بدت الهوسات والهلاهل اجتني افراح واكرام وزينب وايلاف واطياف باركلي وبعدين اجت خالتي ام اكرم بوستني وضلت تهلهل وتبجي خطيه نحرمت من ابنها اكرم ولا شافت زواجه ولاشافت جهاله
بعدين اجت بيبي ام عماد كومتني وكامت وياي خالتي وبيبي ام امي
اخذوني للغرفه مالتي حلوه ونازكه
كعدت كعدت خالتي ام علي وخالتي سرور يعلمن بيه على اصول هاي الليله
بعدين سمعنه هوسات الزلم كالن يله تغطي زفو رجلج غطني بالاكليل
وراحن شويه ودخل حسنين
حسنين :الله بالخير زنوب
زينب بتوتر وخجل :الله بالخير والعافيه
حسنين :واخيرا صرتي ابيتي
زينب بخجل :اي
حسنين :اليوم اخذ حق الاشهر الي اجلتي الزواج بيهن هههه
زينب :لا اني علمود ماما والله
حسنين :سالفه تفيدج 😉
يله تعاي خل نبدل حتى نعشه
زينب :اي انت اطلع بدل بالحمام واني هنا ابدل
حسنين :شنو هذا الحجي صرتي مرتي شنو تستحين مني
زينب: الله عليك رح بدل هناك
حسنين :لا خل ابدلج واني ابدل😉
زينب:لالا فدوه روح
محسيت الا سحبني وحضني وهو يفتح بالبدله ويبوس بوجهي
كتله بتوتر وخجل ; ححسسنين
حسنين وهو بغير عالم :اششش اسكتي
زينب :محسيت الا نزعني البدله وصات لمساته جريئه خفت كتله حسنين كافي فدوه دفعته ورحت اركض سحبت سيت نوم ابيض ولبدت بالكنتور وبدلت اشوفه يتباوعلي ويفرك بوجهه
حسنين:يله خل ابدل ونتعشه
زينب :اي هسه
هو بدل ورحت كعدت على الجربايه
حسنين :تعاي يروحي ليش مستحيه
زينب بخجل :ليش ملبست تشيرت
حسنين :ههههه هسه البس ولو هو ماكو اله داعي هسه تشوفين كلشي واشوف كلشي
زينب بخجل: شنو هذا الحجي حسنين
حسنين :جاا مجذب اني
يله تعاي مو متت من الجوع
زينب :كمت يمه وضلينه ناكل اني اكلت شويه معدتي ماغصتني من التوتر احس هذني الي اكلتهن راح اتقيءهن
خلصنه عشا اخذ الصينيه وصاح اجت وحده من خواته اخذتها
غسل رجع بس نضراته بمكر عليه
اني سويت روحي تعبانه واريد انام
حسنين :هاا وين ان شاء الله
زينب بتوتر :غير انام تعبانه
حسنين :هااا كتيلي تنامين مو وهذا الكدامج المشعول جد جده
زينب بغباء: منو
حسنين:اني هسه اكلج منو
زينب :ماحسيت الا وحسنين ينزع بملابسه
صخام وجهج زينب ضليت امتمت
بالحجي ححح سسسنين فدوه
حسنين :بلا كلام حبيبتي لاتخافين اني مستحيل اخوفج مني بس رخي نفسج كولشي ينتهي وداعة عيونج الحلوه
زينب:ضل يحجي وياي ويتغزل ويهدي بيه محسيت الا واني بلا ملابس شوكت نزعني بعدين مرت الليله على خير باسني بجبيني
حسنين: الف مبروك حبيبتي
زينب بخجل :الله يبارك بيك
حسنين لاتكومين راجعلج بس خل اطلع شويه وارجع
زينب :اي
لبس دشداشته البيضه وطلع شويه واشتعل الجو بالرمي
دخلن عليه خالتي والبنات كلهن خوات حسنين
شويه ودخل وراهن حسنين
حسنين :هاا يابه خير
افراح: خويه اجينه نشوف البنيه خاف محتاجه شي بيها شي
حسنين :لامابيها شي اني يمها واداريها
مو حبيبتي
زينب بخجل :اي بكيفك
سرور خالة زينب :عززه شوف البت
تخلت عنه
حسنين :خاله هاي العزيزه مريتي ماتنطي بزوجها بعدين الليله بأولها شنو شفت منها اني عود الصبح تعالن شوفنها
سرور: هههه فلك خاله يله راح نطلع
بس دير بالك على بنت اختي تره فاهيه
مو تستغلها
حسنين: بعيوني غير اموت على فهاوتها
زينب :طلعن البنات وخالتي وهنه يضحكن وهذا حسنين ولايستحي وخلص الليل يتحرش مايكعد ولايقتنع
مرت على زواجي شهر هم رحت لأهلي عزمونا اني وحسنين وبيت عمو
ابو اكرم وكلها اجتمعت هناك
بعدين رجعنا مرت ايامي من بيتي لبيت عمو ابو اكرم كله عدهم يم البنات وخالتي وحسنين بالدوام يروح ومن يرجع ياخذني من بيت اهله وهم مااخلي بالليل هم نروح لبيت اهله مرات يجن البنات افراح ماتجي هواي مرات لان عدها اربع جهال وهي حامل هذا شهرها وطلع بيها ولد وضاجت تكول اريد اخت لنرجس حتى بعد مااحبل وحمزه مكيف لان حامل ب ولد حتى يجبرها تحبل بعد بحجة يريد بنيه
حيال ابن عمي 😄
جنت اكل يم البنات وخالتي حب شويه واجت بنت اكرام لازمه حلقوم بيدها جاا غير من شفته كأنو ماماكله
بحياتي انوب ضليت احوس استحي اكل للطفله كدام امها انطيني وحسنين كاعد يم عمي جان خليته يجيبلي والدنيا ليل هسه مخلصين عشا بس ايوب هسه اجه ياخذ اكرام ومشتري لبنته حلقوم
شويه وراحو اكرام وزوجها
واحنه رجعنا كعدنه كتلها خاله اريد حلقوم كلبي ضل هيج يسوي عليه
ام اكرم :يااا يمه هسه اصيح حسنين يجيبلج بس اشو احس خالتي تتباوعلي وتبتسم
راحت خالتي لحسنين تكله يجيبلي حلقوم
ام اكرم :يمه مرتك مشتهيه حلقوم روح جيبلها من المحل
حسنين :ههههه خرب بليسج زينب حلقوم بنص الليل شجاها
ام اكرم :روح يمه خطيه وباجر العصر اخذها لدكتوره
حسنين بوجه مخطوف :خير يمه شبيها زنوبه هسه جبتها مابيها شي
ام اكرم :يمه شبيك تنطيني نفس مابيها شي بس جاي تشتهي شغلات ملاحضتها اضن مريتك حامل يمه
حسنين بفرح: لا عليج الله يمه صدك تحجين والله والله زنوبه حامل
ام اكرام :بعد رحي حسنين يمي ان شاء الله ضني ميخيب واشوف ضناك
حسنين :اروحلج فدوه يمه يله راح اروح اجيبلها خطيه يمه دير بالج عليها
ام اكرم :بعيوني يمه روح
زينب :جابلي حسنين حلقوم واكلته مثل الماشايفه وبعدين اخذني حسنين ورجعنا للبيت بس حسنين عيونه تلمع وبيهن فرحه حسيت بيه لان هو صار مثل روحي
بس مسألته شنو سبب الفرح بس دعيت بگلبي ان شاء الله دوم فرحان
ثاني يوم رجع حسنين من الدوام وكالي يله بدلي خل ناخذ امي ونروح لدكتوره
اني صراحه خفت كلت اكيد يريد جهال وخايف خاف مااخلف بس اني صار فتره قصيره من ازوجت بس يله
من حقه يشوفني بيه جهال لا
بدلت ورحت مينا على خالتي ورحنا لدكتوره بعد الفحص والتحاليل
خبرتني الدكتوره انو اني حامل
فرحت كلش طلعت متحمسه اريد اكل ل حسنين لكيته بره منتضر
حسنين حسنين
حسنين :هاا يروحي شبيج
زينب :هههه راح تصير ابو اني حامل والله والله
حسنين بفرحه :اروحلج فدوه الف مبروك يعمري الحمد الله والشكر
ام اكرم :الف مبروك يمه تفرحون بي ان شاء الله
حسنين وهو يبوس امه :اروحلج فدوه يالغاليه بوجودج يتربى ويكبر
زينب :الله يبارك بيج خاله
رجعنا للبيت وخبرنا الكل وكلهم فرحولي
ومرت ايامي بأحلى مايكون وي حبيبي
حسنين
وبعد فتره تجهزو بيت عمو ابو اكرم ورحنا حتى نخطب بنت ابو ايوب ل احسان وافقو وصارت الخطبه
☘️☘️☘️☘️☘️
افراح :كل الاحداث مرت بحياتي بسعاده وراحه صح الحياه متخلص من المشاكل بس الحمد الله تتعده
واني بأخر ايامي اريد اجيب ابني الخامس ومن عرفت بيه ولد ضجت لان ردتها بنيه اخت لنرجوسه بس بعد نحن نريد والله يفعل مايريد
حمزه فرحان لان بطني ولد اعرف بي حته يكثرون الولد عنده لان هو وحيد
وحتى يلزمها عليه لزمه عود حتى احبل بعد واجيب بنيه
مرت الايام وخابروني اهلي وكالولي زوجةحسنين زنوبه حامل فرحت كلش وخصوصا هذا اول حفيد راح نشوفه
لان جهال اخوي اكرم ماشفناهم صارو عنده ولد وبنيه وصلتنه الاخبار قبل 3اشهر جايبه مرته ولد
مرن اسبوعين واني اغسل ملابس الجهال بالحمام مااحس الا مي يوكع عليه عرفت نفسي راح اجيب
حمزه جان توه جاي من الدوام ونايم
مكدرت اصعدله ضليت اصيح بأعلى صوتي من الالم شويه ونزل حمزه مرعوب شفايفه بيض من الخوف
حمزه: هاا يروحي شبيج
افراح :حمزه الحكني راح اجيب بعد مااكدر فدوه راح اموت
حمزه: اي اهدئي حبيبتي لاتخافين تعاي هنا اكعدي
محضره غراضج وين مخليتهن
افراح :بالكنتور اول خانه فدوه بسرعه
حمزه: اي اي لحضه
افراح: خطيه حمزه ارتبك يروح منا ويجي مناك شويه ونزل جايب جنطة الغراض وعبايتي وحجابي لبسني الحجاب والعبايه واخذ الجنطه لسياره واخذني كعدني وره اني والجهال وساق السياره لبيت خالتي ام علي
دك الباب وطلعت
انطاهم الجهال لسلوى
وخالتي اجت ويانه رحنا للمستشفى ومر عليه وقت صعب اطلك منا لمن جبت بسلامه
بعد ماحسيت مدري شكد نمت كعدت على حمزه لازم ايدي
حمزه: الحمد الله على السلامه ام حسون
افراح بتعب: الله يسلمك ياروحي
حمزه وين ابني شلونه زين
حمزه: اي حبيبتي الحمد الله زين
رحت شفته
افراح :شنو سميته
حمزه: امير
افراح: حلو
حمزه: انتي الاحلى بعد روحي الغاليه
ام علي :يله يمه روح جيبه خل ترضعه
حمزه :اي خاله
افراح :راح حمزه جاب امير يمه فدوه لله شكد حلو خدود عنده مثل حسون وعيونه بيهن لون مثلي
رضعته وماخلتني الدكتوره اطلع الا يوم كامل تكول عندج مضاعفات خاف تصير
بقيت يوم وطلعت
حمزه ذبح ذبايح وعزم عمامي واهلي واهل زينب بيت خالتي ام علي كلهم واجتمعنه احلى جمعه
مرت حياتي بأحلى مايكون وي حبيب روحي حمزه الي تغير علمودي بعد كل المعاناة الي شفتها صار للحياه طعم بوجوده وبوجود جهاله
مرت السنين علينه بحلوها ومرها بحزنها وفرحها حتى سنة 2003 مرت علينه
حبيبي حمزه بقى بدوامه حتى بعد السقوط لان ملفه الخدمي نظيف والكل تحبه هواي ضباط تركو وسافرو واكو قتلوهم بسبب الثار بس حمزه وخالد كانو يساعدون الناس ولافد يوم اذو احد
حمزه ترقى وصار عقيد ومستمر حاليا بالدوام حبيبي كلما يصير اكبر يحلى بعيني الشايب مالتي من اكوله الشايب مالي يعضني ميقبل يكول عمري 46 بعدني صغير 😄
اما اني صار عمري 23 وصارو عندي بعد ابني امير توم بنيه او ولد اديان وسيف
وهسه اني حامل لان حمزه يكول اني كبرت راح اصير شايب اريد اطفال بعد وانتي بعدج صغيره لاتحرميني من الخلفه
صح تعبت بس مااكدر اكسر بخاطره بس اتفقنه اني وياه بعد ماكو اطفال
بس هذا لان تعبت
اما حسنين وزينب صار عدهم اول طفل ولد سماه حسنين اكرم على اسم اخوي
وبعده خلفو بنيه او ولد
اما عمو عماد هو وايثار صار عدهن بالبدايه بنيه سموها شجن وبعدها خلفو
توم ولد ليث وغيث
اما الجامعه فرفضت ايثار ترجع بسبب حبها لعماد واطفالها محتاجينها
احسان ازوج نورس وصار عنده ولد2
حيدر ومنتضر
اكرام اختي صارو عدها جهال 4
وزينب اختي صار عدها بنيه او ولد 2
امي وابويه الله يحفظهم عايشين بصحه وعافيه وجدو ابو عماد وبيبي الله يحفظهم منورين حياتنه
الي كسر نص عمرنا هو وفاة خالتي ام علي بسبب مرض القلب فقدت ام ثانيه عزيزه عليه حمزه كلش تأثر بفقدانها لان هي الي جانت اله الام وكل شي اله تركضله بالصغيره والجبيره الله يرحمها
علي وسلوى بقو بنفس بيتهم ودائما يمنه واحنه يمهم
اما بيت عمو وائل ف بناتهم زهراء وعذراء ازوجن زهراء اخذت ابن خالها سجاد جان يحبها وعذراء خطبها صديق حمزه لأبنه
في عام 2005 وصلني احلى خبر من اجاني حمزه فرحان وكالي اخوج اكرم وبيت عمج رجعو للعراق راح يستقرون هنا بعد
وفعلا رحت لبيت اهلي ولتقيت بأخوي الي نحرمنا منه سنين متغير وصاير احلى وصاير عنده 4 اطفال
وعلياء زوجته اختنا الي نحرمنا منها مو بت عم جانت النه اخت ربت عدنه وحباها اكرم من الطفوله
بعد فتره جبت طفلي الاخير وطلع ولد
سماه حمزه زيد
واستمرت حياتنه طبيعيه نحمد الله ونشكره على كل شيء

النهايه

لهنا وتنتهي قصة الضابط المستبد والخرساء
اتمنى نالت اعجابكم وارجو المعذره على التقصير
متابعيني الحلوين دمتم بحفظ الله ورعايته

الى اللقاء
الكاتبه تولا العسكري