الضابط المستبد والخرساء

البارت التاسع والعشرون

‏الشجرة من اتمل ورگها

تفارگه بحجة خريف…🍁🍂

الكاتبه :تولا العسكري
افراح :كل همي جان حسن ميصير بي شي خليته بحضني ونمت عليه وبعد غمضت عيوني ماادري شنو الصار
مصحيت بعد
كعدت على اصوات يمي فتحت عيوني بصعوبه شفت الدكتور وممرضات وياه
من شافوني اجو يمي ضل الدكتور يفتح بعيوني ويخلي بيهن الضوه
طول تقريبا ساعه يفحص بعدين سألني
الدكتور :الحمد الله على سلامتج بابا
شنو اسمج
افراح بتعب :الله يسلمك اسمي افراح
الدكتور :تذكرين شنو الصار وياج منو كان وياج( يريد يعرف حتى يطمأن ميصير عدها فقدان بالذاكره )
افراح بحزن ودموع :دكتور زوجي وابني جانو وياي بس مااعرف همه وين  عايشين لو لا من صار الرمي علينه ماادري بعد بيهم فدوه همه وين
الدكتور :ارتاحي بابا زوجج موجود الحمد الله وحالته مستقره وابنج كولشي مابي وموجود ماتعرض لأي شي
افراح بأبتسامه :الله يخليك دكتور
الدكتور :هسه راح اسمح لأهلج يشوفوج لان ضال بالهم عليج
افراح :طلع الدكتور شويه ودخلو عليه ابويه وامي واخواني وخالتي ام علي وعلي  شكد فرحت وامي وابويه يبوسون بيه واجو اخواني باسوني
بعدين خالتي ام علي وعلي تحمدولي بالسلامه
ام اكرم :سوده بوجهي يمه وكف گلبي عليج وعلى رجلج خفت صار بيكم شي الله ينتقم من ولد الحرام الي كانو السبب
ام علي :يمه فروحه شلونج خايبه يبس ريگي عليكم
افراح :خاله فدوه حمزه شلونه خو مبي شي لاتضمون عليه فدوه
ام علي :لايمه الحمد الله مابي شي وقبل ساعتين كعد وسأل عليج
بس هسه انطو علاج ونام
افراح :الحمد الله
خاله حسون وين
ام علي :يمه لاتخافين حسون عند زنوبه بت دكتور وائل خطيه رحنه اني وامج نجيبه ماانطته تكول لمن تكعد امه تبوس بي تكول لان سمين وعنده خدود
افراح بأبتسامه :الله ينطيهم العافيه مقصرو خاله مااريد اجيبونه للمستشفى خاف يتمرض لمن اطلع ان شاء الله اشوفه
ام علي :ان شاء الله يمه بس كومي على حيلج
افراح شويه ودخلت الدكتوره رغد
الدكتوره رغد :السلام عليكم الحمد الله على السلامه فروحه
الكل :وعليكم السلام
افراح :الله يسلمج دكتوره
الدكتوره رغد :وضعج الحمد الله تمام واجيت ابشرج بشاره
افراح :شنو هي دكتوره
الدكتوره :الف مبروك راح يجي اخ ل حسن
افراح بأبتسامه وفرح :الله يبارك بيج دكتوره
الكل :الف مبروك يتربى بعزكم ان شاء الله
افراح :شكرا - الكاتبه تولا العسكري
،،،،،،،،،،،،
حمزه :صحيت لكيت نفسي بغرفه بالمستشفى كلها اجهزه واني جسمي متكسر بدون حركه والم فضيع
شويه واجه دكتور وائل
دكتور وائل :الحمد الله على السلامه يابطل
حمزه :الله يسلمك عمو
دكتور وائل :اشلونك سيادة الرائد
حمزه :الم موتني
ادكتور وائل :هذا امر طبيعي هسه كعدت من البنج راح انطيك مسكن
بس خلي اكل لخالتك ونسابتك خطيه منتضرين من البارحه
حمزه :فدوه دخلهم خل اشوفهم
الدكتور :ان شاء الله
حمزه :راح دكتور وائل كللهم شويه ودخلو عليه خالتي وعلي واهل افراح واخوانها وخالد
تحمدولي بالسلامه (الكاتبه :تولا العسكري )
ام علي :اصخام وجهي يايمه شمسوين بيك متعادي وي احد يمه
حمزه :خاله والله حتى مااع ف منو رمى علينه بس وحق من انزل الحق الكفه الكفه رادو يتمون ابني وهو حتى مصار عمره سنه
دكتور وائل :لاتهتم مراح نسكتلهم
انت تشك بأحد
حمزه :لاعمي والله ماعندي عداوه وي احد
دكتور وائل :ان شاء الله خير
ابو اكرم :شلونك وليدي خو مامتأذي
حمزه الله يسلمك عمي اي والله الم فضيع
ابو اكرم :ابو زينب راح نعوفه يرتاح انطي مسكن خل ينام
دكتور وائل :اي كتله بس هو راد يشوفكم بالبدايه
حمزه :فدوه عمي افراح وين شصار بيها اخر مره شفتها كلها دم وحسن وين شصار فدوه
ابو اكرم :لاتخاف ابني مرتك وضعها مستقر بس بعدها ماكعدت من البنج وابنك كلش زين مصار علي شي هسه هو عند المحروسه بنت دكتور وائل
حمزه :الله يبشرك بالخير عمي
فدوه بس تصحى كلولي وطمنوني عليها
ام علي :يمه خذت حيلي فروحه بنص العمليه وكشفو عليها طلعت حامل بالمبارك يمه
حمزه بفرح :صدك خاله افراح حامل يعني بعدها حامل لو سقطت
ام علي :لا يمه بعدها حامل والدكتوره ام زينب الله يوفقها تابعتها من العمليه لهسه والطفل زين
حمزه :الحمد الله والشكر على النعمه
علي :مبروك ابو حسون يتربى بعزك
حمزه: الله يبارك بيك ابو رضا
الكل :الف مبروك
حمزه بفرح :الله يبارك بيكم
الدكتور :ياممرضه جيبي المسكن
حمزه :تصدك نسيت الالم
الدكتور :هههه قابل اول طفل هذا ان شاء الله تشوفه وتشيله بين اديك
حمزه :تسلم ياغالي -الكاتبه تولا العسكري -
;;;;;;;;;;;;;;;;;
افراح :بعد مكلتلي الدكتوره حامل طرت من الفرح بس گلت خاف حمزه ميريد هسه طفل
بعدين شلت الافكار الموزينه من بالي
ضليت تقريبا ساعتين واجت امي
گالت رجلج كعد وسأل عليج
افراح :يمه اريد اشوفه فدوه
ام اكرم :يمه مايصير كلمن بغرفته وثنينكم مصوبين شيوديج وانتي توج كاعده من عمليه
افراح :يمه اريد اطمأن عليه
ام اكرم :اصبري يمه هو انتم بس باجر وطلعون من المستشفى لبيتكم
افراح بحزن :ان شاء الله
الكاتبه تولا العسكري
حمزه: بعد مكعدت من النوم اجت خالتي ام علي وبشرتني گالت
ام علي :مرتك كعدت وتسأل عليك
حمزه :خاله فدوه شلونها
ام علي :الحمد الله زينه وحملها زين ومستقر
حمزه: الحمد الله
خاله ردت اشوفها
ام علي :اكعد واسكت يمه مسوي عمليتين وحده بجتفك وحده بصدرك لاتتخربط حالتك يمه عوفها هو بس هاليوم وتروحون للبيت
حمزه :صدك خاله اريد اطلب منج طلب
ام علي :اي يمه گول عيوني الك
حمزه :سالمه عيونج ياغاليه
ردت اكلج اني مقرر قبل لا اصوب انتقل بيتي الي يمكم
ام علي :ليش يمه
حمزه :خاله هذاك البيت نحس صارت بي هواي مصايب
ام علي :اي والله يمه
حمزه :خاله اريد منج تروحين للبيت مالي تاخذين المفتاح تلكينه بالكنتور
واريد تنظفون البيت الجديد وجيبون عمال ينقلون الغراض من ذاك البيت للبيت الجديد اريد اول منطلع من المستشفى نروح للبيت الجديد ونبدي بدايه جديده (الكاتبه :تولا العسكري )
ام علي :تدلل يمه هسه راح اخذ سلوى وزنوبه اخت افراح وام اكرم ونظف البيت ونلم ملابسكم وشغلاتكم المهمه من ذاك البيت  واكل ل علي يجيب عمال ينقلون الغراض
حمزه :تسلمين ياغاليه
ام علي :بعد گلبي يمه شعندي غيرك
حمزه :اروحلج فدوه
طلعت خالتي
شويه واجه عمي وائل دخل
دكتور وائل :حمزه عمو الناس الدزيتهم
يدورون على هذوله الي تعرضولك لكو واحد منهم واخذاه خالد ع التحقيق معترف يكول

…………… يتبع
الكاتبه تولا العسكري
صوتو ياروحي انتو
هذا بارت تعويض لان البارت السابق قصير
قراءه ممتعه 😍