الضابط المستبد والخرساء

البارت الثالث عشر

كالشتــاء انـت .. انتظرُك عاماً كاملاً
وفي النهـاية امرضُ بكَ

االكاتبه: تولا العسكري

حمزه :صعدت للغرفه تباوعت ملكيت افراح
شنو السالفه وين راحت
تباوعت على الجربايه لكيتها محضرتلي الملابس
صحت عليها ،،افرررررراااااح ،،افرررررراااااح
ماكو صوت طلعت من الغرفه امشي بالممر
سمعت صوت كحه قويه
ركضت للحمام فتحت الباب
ونصدمت 😔 افراح واكعه بالحمام يم المغسله وتكح قوي وحلكها كله دم واديها كلها دم جانت لابسه ثوب بدون ردن ستن يمكن جانت تسبح ومكدرت تكمل لبسها
ركضت عليها خليتها بحضني وضليت اضرب بخدها
افرااااح افراااح شبيج شنو هذا الدم شنو يوجعج بس فهميني لخاطر ربج
محسيت الا لزمت ايدي وتأشر على حلكها
عرفت تقصد الدم من حلكها وكلما تكح تكح دم تخبلت شنو شصاير بيها
شويه محسيت الا افراح تباوعتلي وصارت عيونها بيض ولزمت قميصي بقوه حسيت بالالم الي بيها من لزمتها للقميص نبتت اضافرها بطني
فقدت الوعي تخبلت دخيلك ياربي
ضليت اصيح بهستريه
خااااااااله خااااااااااااله
ام علي: دخيلك يبو الحسن علي هايمه شبيها بنت الطوايف (الطوايف يعني الناس)
حمزه: ماادري خاله ماادري لكيتها هنا طايحه وتكح دم والله ماادري شبيها
خاله دخيل الله تعاي لبسيها خلي اخذها للمستشفى
خاله راح تموت
ام علي: ياربي سترك ولك حمزه خاف ضاربها
لو من الضرب مال ذاك اليوم
حمزه: خاله والله مضاربها اليوم اجيت ادور عليها لكيتها هنا طايحه
يله راح اشيلها للغرفه وانتي تعاي بدليلها
ام علي : يله يمه كول ياالله مابيها غير العافيه ان شاء الله
حمزه :شلت افراح للغرفه بدلتلها خالتي لفيتها بعبايتها وخذتها لسياره رادت خالتي تجي وياي مخليتها لان امي بوحدها
ام علي : اخابر على جوارين اهلها يودولهم خبر
حمزه: لالا خاله لا مااريد اهلها يعرفون ان شاء الله ماكو شي
ام علي :يله يمه روح البت لاتموت عندك بالطريج (الطريق يعني)
حمزه :اخذت افراح للمستشفى تلكوني بالسديه اخذوها واني وراها اجه الدكتور :شنو صاير متعرضه لشنو
حمزه :دكتور لكيتها واكعه وتكح ويطلع دم من حلكها وي الكحه
وبعدين فقدت
الدكتور :بسرعه سولها تحليل واشعه
حمزه: اخذوها واني وراها بعدين دخلوها ومخلوني ادخل وياها بس هي والممرضات والدكتور
اشون ياربي بله درو اهلها هسه شيكول عليه ابوها انطانياها امانه قبل ميصيرلها اسبوع من عرسها نومتها بالمستشفى من الضرب انطانياها مفتحه ذبلتها بثنين اديه
اااااخ ااااااخ يا الله ارحمني برحمتك
شويه ودز عليه الدكتور لغرفته
الدكتور: انت شنو تقرب من المريضه
حمزه: اني زوجها
الدكتور: شوف ياابني زوجتك متعرضه لضرب وصاير عدها خلل بالكبد
لهذا جاي تكح وتتقيء دم راح نستأصل جزء من الكبد وان شاء الله خير ولازم توقع على العمليه على مسؤوليتك لان البنيه معنفه
حمزه: دكتور سوي اي شي بس زوجتي تصير زينه
الدكتور :ان شاء الله ادعولها تطلع بالسلامه
حمزه :ان شاء الله
،،،،
،،،،
افراح :بعد مرحت غسلت ملابس حمزه ورجعت اخذت علاجي ونمت
كعدت الصبح بصلاة الصبح
توضيت وصليت ورجعت اريد انام مكدرت
احس روحي تريد تطلع واكو شي يتمزق بأحشائي كلت يجوز لان تعبان جسمي او من العلاج تمددت ردت انام مكدرت
ضليت اتألم اكثر 4 ساعات
رحت طلعت ملابس حمزه كلت خاف يجي
وطلعت الي ملابس حتى اروح اسبح
رحت للحمام سبحت ولبست فستان بي حمالات ستن البسه جوه الملابس حتى متلزك على جسمي الملابس لبسته مااحس الا اجاني الم دمرني غوشن عيوني مكدرت اوكف على رجليه كعدت بالكاع حتى ملابسي مكدرت البسهن انوب اجتني كحه وشحطه بلعومي ماتحملتها ضليت اكح قوي مااشوف الا الدم طلع من حلكي وكل مااكح الدم يوكع تلفت ملابسي واديه نترست دم
كلت اكيد راح اموت هاي اخر لحظاتي على الالم الي شفته
شويه واسمع صوت حمزه يصيح بأسمي تمنيت احجي واكله اني هنا تعال الحكلي راح اموت
ضليت ربع ساعه تقريبا ودخل حمزه عليه للحمام واني امدده بالكاع
اجه عليه يركض خلاني بحضنه ويكلي شبيج ويسأل بيه واني بس اتباوع بي احس روحي جاي تطلع
لزمت ايده واشرتله على الدم كتله بالاشاره الدم من حلكي
هو تخبل ضل يلم بشعري ولازمني من خدودي ويحجي وياي
بعد ماكدرت اتحمل الالم لو عندي صوت واصيح جان هون عليه الالم بس كاتمه الصوت والالم شتحمل بعد من حلاة روحي وخوفي من الموت لزمت قميص حمزه من بطنه احس روحي تطلع بحيث احس اضافري دخلن بطن حمزه هو حضني ويتباوع بعيوني يمكن حس بالالم الي بيه
بعد محسيت بشي الا وعيوني مسدوده
فزيت واني بغرفه بالمستشفى ومحد يمي
شويه واجت الممرضه كالت هسه اصيح الدكتور الج وزوجج بره ينتضر
هزيت راسي الها
شويه ودخل الدكتور
وره الدكتور بدقيقتين حمزه دفر الباب واجه يرض كاله
هاا دكتور شبيها
الدكتور :على كيفك ابني مابيها شي بس لازم تجهزها الممرضه للعمليه
افراح: اني سمعت الدكتور كال عمليه واني بس الدموع تنزل مثل الشلال واشر لدكتور اكوله لالا مااريد عمليه
الدكتور: بابا انتي بنيه سباعيه ومره مزوجه مو طفله اكيد انتي كدها هي عمليه بسيطه مراح تحسين الا وانتي كاعده شحلاتج
افراح: هزيت راسي بحزن اي
تباوعت لحمزه لكيته يتباوعلي وعيونه حمر كلت اكيد مقهور لان الصار بيه بسبب ضربه الي بس عذرته لان اني عرضه وغيرته مسمحتله رجال يتباوع لمرته
تباوعتله وبتسمت بوجهه ابتسامه مليانه خوف وحزن ودموع
هو رأستا اجاني حضن راسي بصدره وباسني
الدكتور طلع وكال بعد ساعه العمليه خلي الممرضه اجهزها
افراح: تباوعت لحمزه اشرتله كتله اريد امي
،،،،،
حمزه :بعد منتضرت افراح باب الغرفه مالتها شويه وشفت الممرضه طلعت وبعدين اجت هي والدكتور كلت شنو الصاير افراح بيها شي
من خوفي ولهفتي رحت دفرت الباب ودخلت
لكيت افراح كاعده والدكتور يحجي وياها بعدين الدكتور كال على العمليه وهي ضليت ادموعها تساقط مثل المطر من الخوف احس بيها
تأشر لدكتور تكوله مااريد
طبعا اني حجيت لدكتور حالتها وكتله خرسه
ضل الدكتور يطمنها بعدين اقتنعت وهزت راسها ب ااي
لتفتت عليه وبتسمت بوجهي بسمه تحمل كل المعاني
نكسر گلبي بلحظتها حسيت نفسي وحش ليش هيج اسوي وياها
بس والله مو بيدي تجيني حاله مااسيطر على نفسي من الحقد على جنس حواء
رحت حضنتها وبستها براسها
تأشرلي تكولي اريد امي
اني بيني وبين نفسي كلت هو هذا الخايف منه
كتلها بس تخلص العمليه يجونج بس لاتخافين كولشي ماكو ان شاء الله اني يمج لاتخافين
اجت الممرضه جهزتها واخذوها بالسديه دخلوها للعمليات
واني واكف بالممر انتضر ماحسيت الا واحد جراني من كتفي وضربني بوكس ضل حلكي يصب دم درت وجهي لكيته خالد
اهووو شجاب خالد هسه شيخلصني من السانه ورزايله
طبعا خالد اخوي الماجابته امي شيسوي بيه اتقبله لان هو من اني صغير هو ينصحني ويقدم مصلحتي على مصلحته
خالد: هاا حمزه ارتاحيت هسه لمن نومتها بالمستشفى وبالعمليات وهي بعدها طفله والك الله اكبر عليك ليش هيج ليش ولك طفله تضربها هيج ليش شتريد منها اني اخذتها من ابوها بحمايتي ولك لاابوها صار بعينك لااني صرت بعينك لاضعفها صار بعينك
حمزه: خالد والله مو قصدي بس ماتحملت من شفتها تغسل بالطارمه وابن جوارينه يتباوعلها
خالد: اسكت اسكت ولك تضربها هيج هي شعرفها بأبن الزفت يتباوعلها ليش هيج ماخفت من ربك ولك لان شفتها خرسه ستقويت عليها لان ماتحجي
اني الك حمزه اني كلت لأبوها اني اخوها والي يصير عليها يصير عليه وتحلم ارجعها وياك
بس تطلع من العمليه بخير وسلامه اخذها لبيتي وهاي زوجتي تعتني بيها
ولك حتى ابوها مااكدر اكله على وضعها شكله بنتك رابع يوم عرسها دخلناها عمليات
حمزه: خالد والله مو بقصدي فار دمي ماادري يصير بيها هالشكل
خالد: اسكت مااريد اسمع صوتك
هدى زوجة خالد: شبيكم شنو اجاكم ان شاء الله ماكو شي ادعولها
خطيه صغيره وتخاف الله يكومها بالسلامه
خويه حمزه لاتخاف عليها خلها عدنه ترتاح وبعدين تنحل الامور
حمزه: خويه اني مرتي اريدها اخذها وياي
خالد :تمد ايدك عليها الا اكسرها الك خل اشوف منو يخليك تاخذها
عود من تغير عقليتك تعال احجي
حمزه:...
حمزه: مرت 4 ساعات بعدين طلعت افراح من العمليات اخذوها للعنيايه لان عمليتها بالكبد حساسه اي تلوث يأثر عليها
خالد: بشر دكتور اشلون افراح وعمليتها
الدكتور: الحمد الله نجحت و وضعها زين بس راح تبقى تحت المراقبه 48 ساعه وبعدين نطلعها من العنايه وتكدرون تشوفوها
حمزه: ضليت بالباب مال العنايه منتضر
خالد :رحت جبت عشا واجيت
يله تعال تعشه صارلك من الصبح ماماكل شي مابيها شي ان شاء الله
انت البارحه بالخفر واليوم مانمت ميصير هالشكل
حمزه :مااريد مااشتهي
خالد مو بكيفك :يله تعال
حمزه :رحت كعدت اكل وياهم بس احس الاكل مر
هدى :خويه بعدها طفله هسه تكوم على حيلها بحيل الله وتترسلك البيت جهال
حمزه: غصيت بالكمه
خالد ضل يتباوعلي يدري بيه مااحب الجهال ولا احب يصير عندي طفل مااريدهم لان طفولتي كانت مأساة
نزلت راسي وكتلهم بالعافيه
خالد: اني راح اوصل هدى للبيت وباجر من الصبح اجيبها الجهال بقو عند امي
وراح امر على اهلك اطمن على خالتي ام علي وخالتي ام حمزه واخبرهم بالوضع
حمزه: تسلم ابو خلودي متقصر
خالد: مانسيتها الك تره واخذها منك اخذها واحرك گلبك
حمزه: خل اصير زينه ومااريد شي والله
خالد :يله في امان الله
حمزه: الله وياكم
،،،،
افراح :بعد مجهزتني الممرضه للعمليات حمزه ماعافني
اخذوني لغرفة العمليات خلولي المخدر وضل الدكتور يسأل بيه لمن نمت وبعد ماادري وين اني
بعدين فتحت عيوني بثقل الرؤيا مو واضحه جانت الغرفه بيها اجهزه ه اي وصوندات
ضليت اتباوع واني روحي رايحه ونفسي لعبانه
شويه ودخلت عليه الممرضه
الحمد الله على السلامه اشون صرتي
افراح :هزيتلها راسي
الممرضه: صار يومين من طلعتي من العمليه والحمد الله الوضع تمام هسه يجي الدكتور يشوف حالتج ونطلعج بغرفه حتى يشوفوج اهلج
افراح: من كالت اهلج حسيت بفرحه كلت اكيد امي وابوي عرفو واجو يشوفوني
شويه واجه الدكتور كال
الحمد الله وضعج ممتاز والخطر زال بس هاي الليله تنامين بالمستشفى وبعدين نخرجج واهم شي تحافظين على العمليه من التلوث
لدكتور يكل للممرضه خبرتي اهلها كتيلهم كعدت
الممرضه :دكتور قبل شويه هنا همه يمكن راحو للكافتريا
الدكتور: تمام
افراح :شويه ونفتح الباب

تولا العسكري ❤️
tolaalaskari95

متابعه وتفاعل فدوات لعيونكم الحلوه ☺️