هو / اشلونچ يا أعز الناس عندي .. هو الگلب چم أحبيبه عنده .. هي / هزني الشوگ عالموعد اتانيك .. وأعد بيدي الدقايق وحده وحده .. وحده .. اثنين .. هاي الثالثة تروح .. اتاني وصار هالموعد اشبعده نمت حسبالي اشوفك بالحلم جاي .. وگلت دمعاتي احطهن وسط خده هو / نمتي .. هنيالچ غفيتي .. وآنة ليلي يمر على عيوني صبح الينيَّم وردة ويمسد عليها.. مو مثل ليلي وينيم جرح .. !! والغفه ابكلمة محنه .. مو مثل الينام وبعينه ملح ..!! هي / لا حبيبي .. آنه هذا الليل من يمرني دمعة.. وحزن.. واشواگ .. وحنين آنه عيني عليك ما بطل دمعها .. تبچي ما تسكت العين .. هو / لا .. لا تبچين .. امسحي دمعتچ وارجوچ لا تبچين .. يل دمعچ جمر وخدودچ احلى أورود .. على اخدودچ من دموع العين .. لا تبچين .. وردة وتحترك ما تحمل النيران .. يذبل كل ورگها وتستحي من الطين .. هي / وانت تگلي لا تبچين ..؟ مو عمري انتهى .. وايامي كلها أتروح .. لو راح العمر متگلي اجيبه أمنين ..؟ هو / لا تبچين .. المن بعد المن تسوه دمعه أتطيح .. هو اشباقي بينا ونحترگ كل حين .. تعبنا القهر ممشى جزيرة وخوف .. صار الماضي غلطه وچنه غلطانين !! لا تبچين لو يسوه العمر يمكن بچينا اسنين .. هي / اشلون اتگلي لاتبچين .. هو / لا تبچين ..!! هي / تدري انت اليحب ما يگدر اعله النار .. ويا نار اللي بيَّه أتفزز الميتين .. احتاج الدمع من ما اشوفك يوم .. لأن يصبح عليَّ اليوم خمس سنين ..!! حبيبي لخاطري .. لا تبتعد ارجوك ما احمل فراگك .. تدري كلش زين .. هو / بس ارجوچ لاتبچين .. خوفي آنه عليچ من الدمع والله .. مرات الدمع ياخذ حلاة العين .. ويل كلچ ترافه ارجوچ لا تبچين
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
الكاتبه تولا العسكري افراح :طلعنه كلنا من الاستقبال بقو بس عمي وايثار علمود يحجون عماد: شلونج ايثار شخبارج ايثار بتوتر وخجل :الحمد الله زينه عماد: شبي وجهج يابه ايثار بحزن وملحكت تلزم دموعها :مابي شي بس هيج زلكت بالحمام عماد :ليش تبجين يابه الي يوكع بالحمام يضل يبجي هاا صح هسه اني غريب عليج وانتي مستحيه مني وصح بصعوبه تقبلت فكرة الزواج بعد المرحومه بس من لحظة ماخابرتني افراح وكالت لكيتلك بنت حلال قررت ابدي حياة جديده على وجهج بس من اجيت اليوم وعرفت سالفتج من ابن عمج ومن حمزه اخذيها مني وعد رجال مااعوفج وشنو اطلبين يجرالج ايثار تعاي يمي ليش شارده لغاد لاتخافين وتستحين اذا الله راد انتي راح تكونين زوجتي يله تعاي يابه خلي اسألج سؤال حتى اتأكد منج وادخل بزودي ايثار: صاحاني يمه لان جنت بعيده بالطرف يم الباب من المستحى انوب رحت ردت اكعد سوالي مكان يمه وخر المخده من القنفه كوه كعدت احس جسمي كله يرجف عماد :شوفي باباتي اني مثل متشوفين رجال اكبر منج بهواي بتقريبا 20سنه يعني بين قوسين لو الله رازقني طفل من ازوجت جان هسه هو من جيلج بعمرج او اقل بشويه ايثار الزواج مو يوم ويومين الزواج عمر مااريدج تاخذين قرار بسبب اهلج وتصرفهم وياج اريد تاخذين القرار من ناحيتي ك زوج اذا وافقتي شنو الي ترديه مني ك حق يجرالج دراسه اهتمام وكل شي اطلبيه وانتي بنيه فاهمه واكيد تقدرين الحياه الزوجيه اذا صرتي على ذمتي لاتخافين من اي شي واني يمج ايثار بدموع :لا اني قررت من زمان الله يخليك حتى لو متريدني ك زوجه ازوجني وخليني اخدمك واخدم اهلك ومااقصر وياكم بس خلي اخلص من الضرب وارجع اكمل دراستي فدوه الله يخليك عماد: ايثار لاتكولين هيج كلام بعد اني راح ازوجج لان اني الي محتاج الج بعد هذا العمر كتلج محد يمسج واني موجود يمج ودراستج تكملينها ورجلج على رجلي اقدملج بالكليه الي اني بيها تعجبج الفيزياء لو نريدين طب ايثار: لالا انت شتفصل اني البس اصير مثلك الفيزياء حلوه اروح وياك وارجع وياك عماد: صار من عيوني بس صيري قويه ولاتضعفين وكلشي ينحل اني الجمعه اجيب مشيه ونجي صح اهلج ابوج واخوانج لحد الان مامقتنعين بس ابو حسن راح يحلها هو وعلي ايثار: اخاف خاف يجون ياخذوني عماد: لاتخافين محد يكدر يوصلج حمزه موجود وعلي همين انتضريني بس لجمعه وتصيرين من مسؤوليتي واضح ايثار :اي بكيفك عماد: تعرفين ايثار لاحظت بيج شغله انو انتي مطيعه وخجوله ونازكه وتصرفاتج اكبر من عمرج رزنه ايثار: شكرا الله يخليك وانت هم 😬 عماد: هههه يعني شنو اني هم ايثار بأرتباك:هاا ي يععني انت اننساان مححترم عماد: رحم الله والديج شهاده اعتز بيها ايثار: يصير اروح عماد: اخذي راحتج يابه ولاتفكرين بشي اني يوميه راح اتصل واسأل عليج منا لجمعه يخلص كل شي ايثار :ان شاء الله كمت واني اتعثر بعبايتي من المستحى يا الله شكد راقي ونازك وحنون حسيت اعرفه من زمان الله يهدي عليه ويبقى دائما هيج ومايدخل بيناتنه احد طلعت لاكتني افراح وسلوى افراح: هاا بشري شلون شفتي عمي ايثار: الله يحفظه انسان محترم بينها وبين نفسها (جاا غير عمج ينحط على الجرح يطيب ) سلوى بضحكه: ولج طالعه عينج صار ساعه يمه شنو جنتو تحجون شكالج ايثار:حجينه بالخطوبه وبس يعني شنو نحجي مثلا افراح: الله يتمم على خير وتعيشون بسعاده سلوى وايثار: اللهم امين ايلاف :افراح بيبيتي ام عماد تريد عروسة عمو عماد تجي يمها افراح: ههههه فلك فلكج عرستيلهم وهمه بعدهم حتى خطبه ماكو يله يالعروسه روحي بيبي تريدج راحت ايثار يم بيبي ام عماد كاعدات بالغرفه امي وخالتي ام علي وبيبي ام عماد اخذنه ايثار وكعدنه يمهن ام عماد: شلونجن يمه (تقصد ايثار وسلوى) سلوى: الحمد الله بخير حجيه رحم الله والديج ام عماد: تعاي يمه گربي يمي منا وهيج انتي كعدتج يمي راح تصيرين مرت الغالي اريد احجيلج يايمه كدام هالوجوه الطيبه الكل :سالمه حجيه ام عماد: يبنيتي يابعد روحي اريدج تصيرين سباعيه وام بيت وانتي صيتج واخلاقج وصلن گبلج اريدج اديرين بالج على عماد والله يايمه ماارتاح بحياته كضى عمره يدرس من بعد ماماتت مرته والحمد الله هسه هو دكتور واريدله المره الي تلمه وتخلفله خلفه لان كبر وانه يايمه طاگ گلبي حتى اشوف بزرته اخو الاصغر منه بته بطوله وان شاء الله تنسعدون انتي وياه وصيرلكم عائله والله يايمه عماد مثقف ويحترم المره هذيج المرحومه مرته جانت بت اخيتي اخذتها اله من صغره ماكالي لايمه ولا اعترض بعدين ماقصر وياها وحباها وهي حبته بس ي يمه لكل بنادم عمر واجت ساعتها واخذ امانته رب العالمين وهم ماتهنه بيها سنتين وماتت اريدج يابعد گلبي تريحين گلبه ايثار: ان شاء الله بيبي اخليكم انتم وياه بعيوني والله ام عماد: بعد گلبي سالمه عيونج يالمعدله افراح: مر اليوم وثاني يوم راحو اهلي وعمو وبيبي وسلوى وايثار وخالتي وعلي هم راحو ضلينه بالبيت بس اني وحمزه وايلاف لان بقاها ابوي يمي تساعدني مرت 4 ايام والي تفاجأنا بيه انو اهل ايثار ابوها واخوانها وافقو من سألت حمزه كال دزيتلهم كم عنصر من الشرطه وبلغوهم انو علي رافع عليهم قضيه على حصته من املاك جده يريد ياخذ حصة ابوه وهمه خايفين من الشرطه والتحقيق راحلهم علي وتفاهم وياهم وكلهم ايثار راح ازوجها اجت قسمتها واذا مرضيتو اشتكي عليكم هم لان ضربتوها وهم اخذ منكم حصتي وافصلها عنكم وراح تخسرون هواي لان حصتكم بوحدها مابيها ربح واخيرا وافقو وصادف يوم خميس وباجر تجي المشيه خابرت كالو امي وعمتي وبيبيتي رايحات مشتريات ذهب ل ايثار واني طنكرت لان ماعندي ملابس للخطبه ،، وحمزه اذا يريد يشتريلي ملابس هو لوحده يروح يشتري ويجي ماياخذني وياه حتى الجهال هو يشتريلهم على ذوقه اني سويت روحي زعلانه وكلت ل ايلاف دير بالج على الجهال راح انام ومن يجي حمزه صبيله غدا واذا سأل عليه كليله ضايجه وضربت حسون ونامت لان حمزه يدري بيه من اضرب حسون يعني ضايجه كلش اني جذب مانمت بس علمود اخلي يطلعني اشتري الي ملابس ولجهال والله ولايوم من ازوجنا لهسه كله هو يجيبلي على ذوقه صح ذوقه حلو بس هم اني بنفسي اشتري الي اريده شويه وسمعت حسون يصيح بابا رحت ركض نمت على الجربايه وتغطيت حمزه: السلام عليكم ايلاف:وعليكم السلام ابو حسن راح اصبلك غدا حمزه :جاا ام حسن وين ايلاف : اليوم ضايجه مدري شبيها ضلت تصيح على حسون رادت تضربه وصعدت نامت حمزه: هااا خير شبيها عفتها الصبح مابيها شي راح اصعد اشوفها تغديتو لو بعدكم ايلاف :اي تغدينه اني وحسون ورضعت الجهال ممياتهم بس افراح ماتغدت حمزه :ماشي هسه اكعدها تتغده وياي افراح: انتضرت يجي شو اتأخر بعدين حسيت بي فتح الباب سويت روحي بسابع نومه حسيت بي كعد على الجربايه يمي ولزم كتفي حمزه: فروحه حبيبتي شبيج شو اليوم نايمه ماتلكيتيني بالباب ادري بيج ضايجه وهسه جاي تسمعيني يله حبيبتي مامتغدي وجوعان اكعدي خل نتغده سوه منو مضوجج افراح: مابيه شي انزل تغده مااشتهي خليني انام تعبانه حمزه :افاا تعبانه واني موجود انطيج كل حيلي يله اكعدي مو زين عليج الجوع ولج شكالت الدكتوره مو كالت عندج فقر دم حاد حبيبتي لاتنسين بطنج طفل خطيه يله ياروحي كومي افراح :اي انت يهمك بس جهالك اما اني لا حمزه: افراح لا اجفصين بالحجي ليش انتي منو غير مرتي وروحي وام اطفالي جاا همه جهالي من وين اجوني غير منج افراح: اي تفرق انت تطلع انت وحسون وي اصدقائك وتشترون ملابس وتتونسون ومن اريد اشتري ملابس او شي الي انت اجيبه ولاطالعه ولاشايفه الشارع بس من البيت لبيت خالتي ام علي ومرات مو دائما وحتى بيت خالد ماتاخذني الهم حمزه: ههههه هنا الحجي يابه تريدين اطلعين تشترين ملابس بنفسج ليش ام حسون ذوقي ميعجبج اشو اجيبهن من اغلى واحسن شي افراح: حمزه فدوه فدوه اروحلك اخذني اشتري ملابس للخطبه على ذوقي والله ختنكت من البيت حس بيه شويه فدوه حبيبي حمزه: على كيفج يابه اكلتيني لهدرجه اني خانكج بالبيت افراح: لا مو قصدي بس هم خل نطلع اني وياك نتونس ها ابو حسون شكلت حمزه: ولو تعبان واريد اشبع نوم بس يله لخاطر ام عيون الخضر نطلع افراح:فدوه الك ابو حسون حمزه :يله خل ننزل نتغده تره اذا صار شي بأبني الي بطنج ماارحمج ياافراح افراح: لا والله راح اكل لاتخاف ميصير شي نزلنه صبيت النه غدا وتغدينه بعدين كلت ل ايلاف تحضر نفسها والجهال حتى نطلع نشتري ملابس للخطبه مال عمو عماد وحمزه صعد ينام شويه صارت الساعه ب 4 رحنا لسوك اشتريت الي ملابس ولجهال وشتريت ل ايلاف واطياف هم من تجي باجر انطيهياه ،و جبرت حمزه يشتري ملابس عربيه دشداشه وشماغ عنده هو بس مرات يلبسهن بس هالمره داخلات ملابس تخبل تلوك لحمزه بعدين اخذنه حمزه تعشينه بالمطعم ورجعنا لان حسون نام وحمزه نشلع كلبه بيه منومه بحضنه ثاني يوم اجو كل عمامي واهلي وجايبين وياهم الذبايح غده للمشيه مثل مصار بمشية حسنين اجه الطباخ طبخ الغدا والكل اجتمعو اجو بيت خالد واهله عزمهم ابويه وحمزه واجت بس خالتي ام علي لان علي اخذ سلوى وايثار لهلهن ويبقون هناك علمود المشيه لازم تكون بيت اهلها ولازم سلوى تاخذها لصالون اجو بيت عمو وائل وزنوبه اجت وياهم وحتى اختها الي تدرس بغداد طب اسنان زهراء حبابه وزينب تتلفت افراح: شبيج زنوبه ادورين على شي زينب بخجل:هاا لا افراح: هههه مو هنا راح لسوك دزاه ابوي هسه يجي زينب: هاا ماشي شويه واجه حسنين هو شاف زينب بالمطبخ وهو شر الحلك سبع امتار فدوه شحلاتهم يخبلون ربي يسعدهم خطيه حسنين منتضر ام زينب اجيب بالسلامه حتى يزوجون اني لبست عبايتي ورحت سلمت على جدادي وعمامي وباركت لعمو عماد جان شكله فرحان عكس اول يوم من فاتحته بيبي بموضوع الزواج يمكن لان شاف ايثار وحجى وياها وارتاحلها الله يسعدهم ان شاء الله المهم صار الغدا وتغدو الكل وشربو جاي ،،، رحنا تحضرنه على وقت وجهزنا جهالنه صارت ب 4 طلعنه على بيت ايثار مشيه كل عائله راحو بسيارتهم وصلنه هناك طلعو الزلم منتضرين بالباب ابوها واخوانها وعمامها احنه دخلنه من بابا يصير بنص البستان دخلنه لكينه ايثار طالعه اجنن لابسه فستان طويل لون برتقالي كلش حلو ومخليه مكياج ورافعه شعرها ماشاء الله شعرها كلش طويل هنيالك عمو تتهنه وياها ان شاء الله بعدين دخلت بيبي وعماتي اجت امها وخالاتها وعمتها رحبن بيهن ضلت البنات تركص والهلاهل وايثار بس تتباوع بالوجوه خطيه مستحيه بعدين اجه واحد من اخوانها گال لأمه خل تجي يم الباب يريد السيد يعقدلهم لبسناها حجاب ابيض طويل او وكفت يم الباب وعقدلهم السيد رشو عليها تمن وجكليت (مااعرف شنو هاي السوالف😄) المهم رجعت كعدت وخرنا الحجاب عنخا غير على اساس يلبسها عمو عماد الذهب اشو واحد من اخوانها ماقابل بس علي كايله لاتدخل انت المره مرته ومن حقه يدخل يلبسها ذهبها طلعت بيبي ام عماد شويه واجت كالت راح يجي عماد يلبسها الذهب دخل عمو عماد واحنه ضلينه نهلهل وبيبي ام عماد خطيه ضلت تبجي من الفرحه ،،اجه يمها عمو عماد وباساها براسها ورتح اخذها وهو لازم ايدها وكعدها يمه ويم ايثار وضلت بيبي تنطي بالذهب وهو يلبس ب ايثار بعدين باس ايثار من جبينها وهمسلها بأذنها عماد: الف مبروك يابه بعد منا وهيج لاتخافين من شي وانتي مسجله بأسمي ايثار: الله يبارك ان شاء الله مااخاف وانت موجود عماد: طالعه تخبلين باباتي الله يحميج من العين ايثار بخجل وارتباك :الله يخليك عيونك الحلوه عماد: يله لازم اروح مااوصيج بعد اي شي يصير وياج تروحين ل علي ماشي ايثار: صار باساني وطلع بس اخذ روحي وياه تعلقت بيه وضليت افكر بيه من يوم الحجه وياي الله لايحرمني منه جانو جايبيلي ذهب هواي بحيث شفت نسوان اخواني كتلتهن الحركه والغيره لان عماد دكتور وشخصيه ومتمكنين ماديا عبالهن كل الناس تفكر بالمال مثلهن بعدين طلعو وراحو واني ضلت يمي سلوى سلوى: الف مبروك دادا تتهنين وياها ان شاء الله ايثار: الله يبارك بيج بعد عمري سلوى: اني راح اروح دير بالج على نفسج واي تصرف منهم البسي عبايتج وتعاي مو بعيدين احنه 3شوارع ايثار: ان شاء الله ماكو شي سلوى: ان شاء الله ايثار: سلوى فدوه اخذي الذهب مالي الجابوه وياج ضمي اخاف اخلي هنا ويضيع واتفشل كدام عماد واهله سلوى: اي والله صدك يله انطينياه اضمه عد عمتي ام علي ايثار: اي هذا هو جهزته الج سلوى: يله خيه الله وياج ايثار: الله وياج افراح :بعد مرجعنا للبيت عمامي راحو كلهم بقى بس عمي عماد علمود عقد المحكمه باجر مستعجل عمو علمود لا اهل ايثار يلعبون عليها ويجبروها على شي لو يأذوها كاعدين اني وايلاف وعمو عماد وحمزه وبيت خالتي ام علي نسولف شويه ودك التلفون كام حمزه يرد شويه واجه كال حمزه: خاله بسرعه كومي وياي للمستشفى
