الضابط المستبد والخرساء

البارت الحادي والعشرون

مرحبا حبايب قلبي
طبعا اسفه على التأخير بس صارت عندي ضروف مكدرت اكتب والله
اعذروني وان شاء الله اعوضكم هاي الايام ❤️

من حقي عندما احتاجك اجدك معي
ومن حقي عندما اشتاق لصوتك
تحدثني في أي وقت 
ومن حقي منظما أحزن أن اجدك تواسيني
ومن حقي عندما أفرح اجدك تشاركني فرحتي
ومن حقي أشياء كثيره أولها انت وآخرها انت

الكاتبه :تولا العسكري
حمزه : اخذت الرساله من سلوى واني فاير من العصبيه
رجعت للبيت صاير اضلم وكل روح مابي بعد ماماتت امي وراحت افراح
فتحت الرساله وقريتها
ماجنت مفكر هالكد افراح مقهوره مني ممخليه شي محاجيته
رسالتها عباره عن عتاب على الضرب وعلى موت ابنها وعلى الاغتصاب
اني احس گلبي ينزف دم ليش اني سويت هالشي بيها واني الي موتت ابني
بس شنو اسوي مااريدها تسوي شي اني مرايده
سبحت وبدلت وطلعت من البيت ختنگت
مارجعت الا ب 1 بالليل
نمت وكعدت الصبح ركبت سيارتي ورحت على بيت اهل افراح
لازم ارجعها غلطت بتصرفها من طلعت بوحدها بدون علمي خل ارجعها ويصير خير
،،،،،،
افراح :راح ابويه فتح الباب شويه ودخل حمزه سلم على ابوي رد عليه ابوي السلام بثگل
دخلو للاستقبال
شويه واجه ابوي
ابو اكرم :بابا فروحه هذا زوجج اجه سوي ماي وجاي بسرعه
افراح بالاشاره :اي
سويت جاي وماي واجه ابوي اخذاه واني كعدت بالمطبخ ميته من الخوف اخاف خاف ابوي يرجعني وحمزه يموتني لان طلعت بدون علمه واكيد راح يموت ابني ياربي دخيلك ساعدني
ضليت كاعده محسيت الا صوت ابويه عله وصار بين ابويه وحمزه صياح
صار وجهي اصفر من الخوف
محسيت الا على صوت امي وحسنين دخلو للمطبخ (الكاتبه تولا العسكري )
ام اكرم وحسنين :صباح الخير
افراح بالاشاره :صباح النور
حسنين :فروحه ريوك فدوه اريد اروح خالي هسه منتضرني عدنه شغل
ام اكرم :ياا يمه مالحكنه نشوفك ضل جم يوم بعد
حسنين :لا يمه والله شغل عدنه ان شاء الله هذا الشهر اجيكم
ام اكرم :الله يوفقك يمه
افراح :سويت الريوك وخليته الهم بالمطبخ كاعد يتريكون هو وامي
وصار صياح ابوي اني متت كلت هسه راح يذابحون حمزه وحسنين
كام حسنين يركض للأستقبال
،،،
حمزه: رحت ل اهل افراح طلعلي ابوها سلمت عليه رد عليه السلام بوجه ثگيل تفهمت موقفه لان بنته اجته مشكوك راسها حقه
دخلني للأستقبال وجابلي جاي وماي
وكعد
ابو اكرم :تفضل ابني بشنو اكدر اساعدك
حمزه :عمي اني جاي اخذ مرتي
ابو اكرم :تاخذ مرتك ليش اني بايعها عليك حتى شوكت ماتريد تاخذها وشوكت ماتريد تطردها
حمزه :عمي اني ماطردتها هي اجت بدون علمي واكيد هذا تصرف مو حلو بحقي ،،وماكتلك اني مشتريها بالعكس افراح مرتي واني اريدها واحترمها
ابو اكرم :الي يريد مرته ويحترمها يسوي بيها هيج جايتني مرعوبه وراسها مشكوك ومخيط اني انطيتكياها وقدرتك هيج اجازيني
شوف حمزه بنتي ماترجع اني اساسا غلطت من انطيتكياها مره
ماجنت رايد ازوجها بس معروفك وياي من حفظت شرف بنتي بالسجن
مااكدر اجازي
بس لهنا وينتهي كل شي بنتي ماترجع وياريت اطلكها
حمزه: شنوووو شجاي تحجي عمي شنو اطلكها والله مااطلك وترجع غصب عليها اصلا هي الغلطانه زشلون تطلع من البيت بدون علمي
واذا ضربتها كل شي يصير بين المره والرجال
ابو اكرم :ترجعلي بنتي دمها بطولها وتريد ارجعها الك لا والله نجوم السما اكربلك
حمزه :شجاي تحجي انت عمي اني مااطلع منا اذا مو افراح وياي
ابو اكرم :تعذرني ماعندي الك مره
حمزه :ضلينه نتناقش بصوت عالي محسيت الا اخوها دخل
حسنين :انت بصفتك شنو جاي لهنا جاي حتى تاخذها تضرب بيها
يله ماعدنه الك مره وبيتنه يتعذرك تره تصير مو خوش وياك
حمزه: احترم نفسك جاي اخذ مرتي وغصبا عليكم
حسنين :انت صدك متستحي تضرب مره وجاي تتهدد علينه بيتنه
حمزه: خليت المستحى الك ويله حباب روح صيح اختك كلها زوجج ينتضرج خل نروح لان بعد مااتحمل
حسنين :اطلع بره وتحلم تشوف ضفرها يانذل
حمزه :ماشي طالع بس والله مراح يصير خير والا اندمكم واخذها غصبا عليكم
ابو اكرم :مع الاسف عليك نخدعنه بيك بس مع الاسف على الزلم الي تمد ايدها على النسوان
الله وياك ابني والي يطلع بيدك سوي
وياريت اطلكها بدون لغوه ودوخة راس
حمزه: والله مااطلك والا اخليكم تتوسلون وهي حسابها وياي بعدين
،،،،،،،
افراح :بعد العركه الي صارت بين ابويه وحسنين وحمزه شويه وطلع حمزه فاير وعيونه اذب نار
خفت من يمي وضليت ارجف
اجه ابويه وحسنين
ابو اكرم :بابا فروحه لاتخافين ميكدر يرجعج غصب خلي يولي اني صوجي قدرته ونطيته مره تسوى راسه عبالي ادمي
حسنين :عوفه خلي يطلكها ومانريد نشوفه بعد
ام اكرم :استهدو بالرحمن اشلون تطلك وهي حامل بأبنه شنو ذنب الطفل ابو اكرم :اني اسجل الطفل بأسمي
مو هو ميريد اطفال خلي بتنه وابنها عدنه وهو يروح يدورله مره تتحمل خباله
ماتلام بت عمه لمن اطلكت منه اثاري مينحمل
،،،،،
حمزه :بعد الجدال الي صار بيني وبين اهل افراح رجعت للبيت واني متحلفلهم والا اكسر خشمج ياافراح بس بسيطه ارتاحي هاي الايام وشوفي المصايب
،،،،،
افراح :مرت الايام وصارلي عند اهلي 4 اشهر وحمزه كل فتره يدز احد مره خالد ومره دز ام علي وابنها علي
بس ابوي ماانطاهم مجال وكالهم بنتي ماترجع واريد اطلكها
حمزه تخبل واجه هجم على البيت وتعارك هو وابويه وصادفت الولد
مو بالبيت لان يشتغلون بغير محافظه وي خالي
ضليت هاي الفتره عايشه برعب من حمزه
بهاي الفتره بطني صارت جبيره
امي كالت ولج فروحه خاف حامل بتوم شو بطنج بشهر الخامس وجبيره
كتلها ماادري
اخذتني امي ثاني يوم لدكتوره
فحصتني وكالت اكثر احتمال بيج ولد بس ماشاء الله حجمه جبير  وبعافيته
ام اكرم :دكتوره خاف توم
الدكتوره :لاعيوني طفل واحد بس حجمه جبير
ام اكرم :شكرا دكتوره
الدكتوره :عفوا اهم شي اديرين بالج على نفسج وهذا علاج يساعدج على الولاده اذا وصل موعدج
افراح :طلعنه واني فرحانه لان راح اصير ام وطلع ولد وراح اختارله اسم حلو
بس جنت ضايجه لان ابو مايريده
الله يهديك عليه وعلى ابنك ياحمزه
رجعنه للبيت وامي حجت ل ابويه
ابويه فرح وكال ان شاء الله مااقصر لاوياج ولا وي ابنج لااضوجين بابا هو الخسران
افراح بحزن :ان شاء الله بابا
ام اكرم :الله يحفظك النه ياابو اكرم
ابو اكرم :تسلمين ياغاليه (الكاتبه تولا العسكري )
افراح :مرت الايام وصرت بشهر السابع وثكلت كولش احس روحي تروح من امشي وصرت مربربه على الحمل
جنت بالمطبخ وندك الباب
رحت لبست حجابي ورحت افتح الباب لان امي بالسوك ابوي بالدوام والبنات بالمدرسه
رحت فتحت الباب وتفاجأت بخالتي ام علي هي وسلوى
شكد فرحت بجيتهن سلمت عليهن وحضنتهن وباوستهن
ام علي :يابعد گلبي فروحه صايره تخبلين اشلونج يمه بطنج كبرانه
ماشاء الله
سلوى :حبي فروحه اشلونج حملج اشلونه
افراح بالاشاره :الحمد الله
ام علي :يمه شكد الج
افراح بالاشاره وهي تعد بأصابعها :7 اشهر
ام علي :الله يكومج بالسلامه يمه
سلوى :الله يفرحج بي فروحه
افراح بالاشاره :شكرا (الكاتبه تولا العسكري )
ضلن عدنه للعصر خالتي ام علي وسلوى
اجت امي هم كعدت ودك سوالف
وسألت على حمزه واني نگلب لوني من الخوف
ام علي :ياا خيه حمزه ماكام يجي وحتى لبيتهم مايطب كله مخلصها بره ام اكرم :خيه خافنه ازوج
ام علي:والله يخيه ماادري
سلوى :لاخاله مستحيل حمزه مايزوج واصلا هو يكره النسوان وهو يريد مرته مايزوج عليها
ام اكرم :خاله مرته هو الخسرها وابوها مايرجعها بعد
سلوى :بس ياخاله خطيه ضال وحده بالبيت وزوجته حامل بأبنه هنا واكيد اذا مارجعت افراح
من تجيب ياخذ ابنها
ام اكرم :مو بكيفه مو هو الي خلاها تسقط ابنها الاول
وهو الي ضربها وسوالها عمليه وكصو كبدها واحنه ماندري
اذا رجعناها لو يكتل ابنها لو يموتها هي
ام علي :خيه ساعة عصبيه وهو مقهور هسه وامه عافته وهو شاف انواع العذاب بطفولته
ام اكرم :ماادري خيه هسه خلي اجيب فروحه بالسلامه والله كريم كله بيد ابوها (الكاتبه تولا العسكري )
افراح :اني بس استمع ومن كالت امي خاف مزوج متت من القهر وضليت افكر خاف يحب عليه لو ازوج غيري
كل الي سواه وياي بس احبه مااكدر اكرهه
مرت الايم وصرت بشهري،
رحت اني وامي اشوف وضعي يم الدكتوره
طلعنه من البيت ونصدمت لمن شفت سيارة حمزه واكفه براس الشارع
امي ماانتبهت بس اني نتبهتله ضل يباوعلي ويتباوع على بطني
ضليت ارجف من الخوف
اجرنه تكسي ورحنه لدكتوره اتباوع واشوف سيارة حمزه تتبعنه
نزلت دخلنه لدكتوره كشفت عليه وطمنتني وكالت وضعج و وضع الجنين بخير وهاي الايام ان شاء الله اجيبين بس،راح تتأذين لان الطفل جبير
ام اكرم :الله يسهل دكتوره
الدكتوره :ان شاء الله ماكو شي وضعها تمام
افراح :طلعنه من الدكتوره للبيت ماشفت حمزه بعد
رجعنه تعشينه وكملنه شويه واجت ام محمد جوارينه كالت هاي سلوى تريد افراح على التلفون
رحت لبيت ام محمد اجاني صوت مامتوقعته
حمزه : شوفي افراح باجر اجي اخذج من يسألج ابوج كليله اريد ارجع وي زوجي اذا كلتي لا او لعبتي عليه اخوانج اثنينهم ادخلهم سجن وثنينهم اعدام وخصوصا انتم عليكم علامة اكس بسبب اخوج اكرم
لاتلعبين وياي باجر اجيج اخذج
وسد التلفون
رجعت لأهلي گلبي يوجعني اشلون بيه
الليل كله مانمت افكر
بعدين غفيت
صار ثاني يوم كعدنه تريكنه وجاي نظف وندك الباب صادفت جمعه
طلع ابوي فتح الباب

….. يتبع ✍️

الكاتبه ✍:تولا العسكري

❤️تفاعلكم اساس النجاح دائماً ❤️