الضابط المستبد والخرساء

البارت الخامس والعشرون

كلش اوووف
بس يا اوووف
عشگناهم عشگ لا مر ولا مشيوف
چان الليل يگضي بحسرة الملهوف
ألف ياحيف ...
لا مره حسبنه احساب للفرگه
ولا دغدغ گلبنه الخوف
الكاتبه :تولا العسكري
حمزه :بعد مخابرو اهل افراح يردونها تجي لان ااختها تريد تزوج
ضجت كولش شيصبرني وهي بعيده عني وحسن مااصبر على فراگه
مااخذتها قبل فتره كتلها بالحنه اخذج حتى من اجي من الدوام بيوم الاجازه اروح عليها بالليل اجيبها
طبعا اتباوع للحيه سعاد مكيفيه عبالها راح يخلالها البيت واتباوع بخلقتها الزفره (الكاتبه تولا العسكري )
رحت بدلت ملابس العسكريه
واخذت افراح ورحنا لبيت اهلها دكيت الباب طلع اخوها
سلمت عليه ودخلنه اني دخلت للاستقبال وافراح راحت يم امها وخواتها
بقيت شويه وطلعت اجتني افراح للباب شايله حسن اخذته منها وضليت ابوس بي وبست افراح وانطيتها فلوس مصرف وطلعت رحت لدوام
وهذيح الحيه بالبيت ماخذه راحتها
مر اليوم باالدوام عادي صار ثاني يوم لازم ارجع بس فكرت گلت البيت مابي بس سعاد اشلون نبقى سوه ميصير
طلعت رحت لبيت خالتي ام علي ضليت عدها خطيه سلوى سوتلي ريوك اني وعلي
اليوم العرس مال اخت افراح بالليل اطلع اجيب افراح بعد ميخلص العرس
صارت الساعه ب 12 رجعت خالتي من السوك سلمت عليه وكعدت
گالت
ام علي :ها ولك حمزاوي شعجب ذكرت خالتك واجيت
حمزه: اني ماانساج يالغاليه 
بس افراح اليوم اختها تزوج ودزيتها لأهلها وبقت بس الحيه سعاد بالبيت وزحمه ابقى وياها
ام علي :اي خاله عفيه دير بالك منها
بس هسه واني راجعه شفتها بالشارع تمشي مدري وين جانت
حمزه: الله اكبر على عمرها بس لا اجيبلي بلوه شوكت اخلص من عائلة
سعدون السافل (سعدون يصير عم حمزه ابو سعاد)
ام علي :ختولي لاضوج روحك يمه
حمزه :خاله طاحت برگبتي شوكت مااشوفلها رجال ازوجها لاتنزل راسي وتدرين بيها مطلقه وهاي ماتركد متعلمه على طياح الحظ مثل امها
ام علي :الله يكفيك شرها يمه (الكاتبه :تولا العسكري )
،،،،،،
افراح :بعد مراح حمزه ضليت افكر اشلون اذا رجع حمزه للبيت وسعاد هناك خاف تستخلي بي (تستفرد بي )
بعدين ضلينه نجهز للعرس مال اكرام وجانت فرحانه حنه ماسوينه بس بيناتنه
وايوب متخبل بس يريد ياخذ اكرام لان يحبها من زمان واجته فرصه من صار الفصل
سوو عمامي بيت ابو ايوب حنة مال زلم
بعدين نمنه من التعب ثاني يوم العرس واني افكر بحمزه اليوم يرجع من الدوام اشلون بيه
بعدين اخذتني اكرام وياها لصالون هم اني البارحه رحت وياها وحفيت
واليوم رحنه مكيجتها ومكيجتني طلعت غير شكل اخبل شعري مسويتله شي هو اشقر وعيوني خضر لبست فستان ازرق قبل جانو يسمونه مخرم هسه يسمونه تور
رجعنه للبيت وصارت الهوسات وعماتي وخالاتي كلهن (الكاتبه :تولا العسكري )
شويه وكالو اجت الزفه
دخل ايوب سلم على ابويه واخواني وجدو ابو حسين وابو عماد جانو عدنه ابويه لزم ايد اكرام وسلمها ل ايوب واحنه صعدنه بالسيارات واجدادي ابو حسين وابو عماد راحو بسياره بالزفه بقو بالبيت بس ابويه
والولد اخواني
رحنه لبيت عمي ابو ايوب شويه وزفو ايوب
بالهوسات واصدقاء ايوب سوو فلك بالركص
بعدين اجه ابن عمي كال ابوج خابر گال زوجج بالطريق ترجعين وياه
كتله اي رحت لميت جنطة حسون
واخذته من امي وسلمت عليهن وكتلهن سلملي على اكرام
ان شاء الله اجيكم
ام اكرم :يايمه شيوديج بهذا الليل ماكتيله يخليج
افراح :لا يمه اروح حمزه يحتاجني وميكدر يفارك حسن
(طبعا مكتلهم على جية سعاد للبيت )
اخذني ابن عمي لبيت اهلي
نزلت ودخلت للبيت
شويه وكال ابويه
ابو اكرم :يله بابا هذا ابو حسن اجه
افراح :اي
طلعت ابتسمت بوجهه اجاني باسني براسي واخذ حسن يبوس بي
بعدين ودعت ابوي واخواني وصعدنا بالسياره
ورجعنا بالطريق وكتله لحمزه
افراح :حمزه سعاد شسوت من اني ماموجوده
حمزه: ماادري بيها من رحتي انتي لأهلج لهسه ماداخل للبيت من رجعت من الدوام رحت لبيت خالتي ام علي واجيتج هسه من يمهم بعد مااعرف بهاي الشيطانه شصخمت
هاا فروح تغارين
افراح :ابتسمت بخجل وكتله اي
حمزه :اوووف يابويه شكد احبج سلبتي گلبي سلب
افراح بخجل وخدودها صارن حمر ااارروحححلك
فففدوه ااابووو حححسن
حمزه: اااخ يابويه هنيال ابو حسن بيج انطيني بوسه
افراح بخجل: حححمممزه عععييب ناااس مممنا
حمزه: ولج جاي نمشي بگطعه بس السيارات ياناس تعاي
افراح :ولاانطاني مجال ضل يبوس وخرت عنه گوه شويه او وصلنه للبيت
دخلنه لاكتنه سعاد مغندبه
سعاد: شنو السالفه ابن عمي لااجيت لاسألت لاگلت حرمه وحدها بالبيت شنو تحتاج (الكاتبه :تولا العسكري )
حمزه: لا ادوخين راسي كلشي موجود بالبيت مجنت العب بالدوام جنت
وبعدين رحت جبت ام حسن من اهلها
سعاد :اي عمي بخت ام حسن
حمزه: سدي حلكج لاادفنج هنا
افراح :اني ماحجيت بس ضجت منها
شويه وگال حمزه الحكيني تعبان
رحت وراه دخلت خليت حسن على الجربايه
ونزعت العبايه
محسيت الا حمزه حضني وضل يبوس بيه
حمزه :اوف ولج مشتاقلج شطالعه لخاطر ربج كل الي تخلف تحلى اكثر مثلج لو بس انتي ولج صار شهرين من جبتي واني محروم منج هذا ابن السكط حسون اخذج مني
افراح بخجل :حححممزه
حمزه وهو مغمض عيونه :هاا يروحي
افراح :خخخلللي اااننوووم حسن اووو بببععدييين نروووح للغغغررفه مااككدرر اااعوووف حسن هنا لللوحدده
حمزه :لا بعد ماكو غرفه هنا اريدج
افراح بفرح :صصصددك والله
حمزه وهو يبوس بأفراح: اي ولج بعد اي شي تردينه يجرالج
افراح :حضنته وكتله اااحححببك
حمزه :اووف يابويه اني اموت عليج تعاي ولج تعاي
افراح :ححححممزه ببسس ااانننووم حسن
حمزه :اششش تباوعي شوفي اشلون نايم راح اخلي بفراشه
افراح :راح حمزه خله حسن بفراشه ورجعلي
اخذني لجربايه ونزعني وضل ميعرف شيسوي
اليوم كل شي يختلف لان احس بنفسي صدك زوجه وهو كذلك احس بي كأنو اول يوم زواجنه تفاعلت ويا
عشنا احلى ليله
وكلما يكعد حسن هو ينومه
بعدين جاباه خلاه بحضني واني نايمه وحضنه اثنينه ونمنا
كعدت الصبح سويت ريوك وحضرت ملابس لحمزه يريد يروح لخالد عازمهم صديقهم ع الغده (الكاتبه :تولا العسكري )
رحت ل حسن بدلتله ونزلت
شويه وكعد حمزه اجه عليه للمطبخ يبوس بيه وهو شايل حسن
محسيت الا سعاد
سعاد بغضب: صباح الخير
افراح :صصبااح ااالننور
بعدين خليت الريوك وتريكنه
،،،،
حمزه :بعد مصار الليل وجبت افراح من اهلها مشتاقلها كلش صعدنا للغرفه عشت وياها احلى ليله
نامت واني اتباوعلها وابوس بيها دخيل الله الخلقج
وهذا حسون محارب ابو كل ساعه يكعد وانومه وتالي قفل يريد يرضع جبته وخليته بحضن امه وهي طلعت صدرها وترضع بي وهي نايمه اني
متحملت وحضنتهم اثنينهم ونمنا
ثاني يوم رحت جان عازمينا اصدقاء اني وخالد
بدلت وطلعت
محسيت الا رجال گال عمي من رخصتك
اني اعرفه هذا الرجال جوارينه بالشارع الي ورانه
حمزه :تفضل عمي
الرجال :عمي گل لبنت عمك تعوف ابني تره مزوج وكومة اطفال برگبته
حمزه :شنو عمي شجاي تحجي بت عمي مصار هواي عندي لمته عرفت ابنك وهي متطلع من البيت
الرجال :عمي هي من زمان تعرفه ويعرفها ومن اطلگت ضلت تجي واخر مره اول البارحه شفتهم بمنضر مو حلو عمي انت انسان معروف بأخلاقك وسمعتك حلوه هاي البت مو تمام لاتخرب سمعتك
حمزه: عمي اني اصرف ولا يهمك
رجعت للبيت فاير دمي بس اريد الزمها اريد اگطعها بنت الك…
تريد تشوه سمعتي
خابرت على خالد وكتله حسن مريض وراح اخذه لطبيب مااكدر اجي
وصحت بصوت رج البيت رج
حمزه :سعاااااااااد

يتبع……
الكاتبه :تولا العسكري
تفاعلو فدوات لعيونكم الحلوات ❤️