الطفله والحارس (كامله)

#الفصل_الثانى

#الطفله_و_الحارس
#الفصل_الثانى

"وعندما دخل ادهم المدرج سار نحو عشق ووقف بجانبها وهى نظرت له وقالت"
عشق:"نعم هو انت هتفضل واقف كده."
ادهم ببرود:"حضرتك دا شغلى."
عشق:"طب اقعد فى اى مكان متقفش كده وتعملى ازعاج."
ادهم:"تحت امرك."

"جلس ورائها ودخل الدكتور وبدا يشرح المحاضره وكان يلاحظ ادهم لانه كان يلتفت يمين وشمال وقال"

الدكتور:"انت اللى عمال تتلفت ولابس بدله رسميه."
وقف ادهم مره واحده وقال:"نعم."
الدكتور:"انت معانا هنا فى الكليه."
ادهم برسميه:"لا انا بودى جارد."
الدكتور:"وتبع مين حضرتك."
عشق:"تبعى انا يا دكتور."
الدكتور:"تبعك ماشى."
عشق لادهم:"اقعد بقا ارجوك انت لسه واقف."
"جلس ادهم مكانه وبعد هذه المحاضره خرجت عشق غاضبه وقررت"
عشق:"جنى انا هروح."
جنى باستغراب:"ليه لسه فى محاضره تانيه."
عشق بزهق:"لا خلاص اليوم اتقفل على كده."
جنى:"طيب ابقى كلمينى."
عشق:"ماشى."
"وقالت نفس الكلام لادهم وهو قال لها"
ادهم:"بس لسه فى محاضره تانيه."
عشق بمقاطعه:"انا عايزه اروح ممكن."
ادهم:"طيب اتفضلى حضرتك."

"سارت امامه وفتح لها باب السياره الخلفى ثم ركب هو فى الامام وذهب نحو البيت،ولكن عشق ستقول."

عشق:"ممكن نتفق على حاجات عشان نعرف نتعامل كويس."
ادهم:"سامع حضرتك."
عشق:"اولا لما اقولك عايزه اروح نروح على طول من غير مناقشه،عايزه اروح مكان معين نروح،من غير كلام كتير تسمع كلامى،واه حاجه تانيه انا مينفعش معايا شغل الحراسه دا،يعنى ابقا ماشيه ولا اكنك ورايا."
ادهم:"بس حضرتك.."
عشق بمقاطعه:"بس اى تسمع كلامى."
ادهم:"تحت امرك."

"وصلوا الى البيت والداده تفتح لهم بابتسامه،فهى تعتبر ام لعشق."

الداده:"اهلا وسهلا."
عشق:"اهلا بيكى."
الداده:"البيه احمد خلانى احضر اوضه الاستاذ ادهم لانه هيكون موجود على طول."

"نظرت عشق بغيظ لادهم وصعدت الى غرفتها بغضب"

عشق بضيق:"يعنى مش كفايه فى الكليه كمان هيبقا فى البيت حاجه رخمه اوى."

"جاء والد عشق الى البيت وقابل ادهم"
احمد:"استلمت اوضتك يا ادهم."
ادهم:"استلمتها حضرتك."
احمد:"طيب عملت اى معاها فى الكليه."
ادهم بجديه:"زى ما حضرتك قولت عملت."
احمد:"تمام اوى،هروح اندهلها عشان الاكل."

احمد:"حبيبه بابا زعلانه لى او يكون السبب موضوع الحراسه دا."
عشق:"حضرتك عارف يا بابا."
احمد بهدوء:"ياحبيبتى دا عشان حمايتك،المهم تعالى عشان تتغدى."
عشق :"ماشى."

"نزل احمد للاسفل ومعه عشق وجلسوا على مائده الطعام،وكانت عشق تنظر لادهم بحقد وتحدى"

احمد:"يلا اقعد يا ادهم،ومن هنا ورايح اعتبر نفسك مننا."
"ابتسم ادهم ابتسامه جميله وهى لاحظتها"
ادهم بابتسامه:"شكرا جدا لحضرتك."
احمد:"العفو يا ادهم."

"وبعد ذلك صعد كل واحد الى غرفته،كانت عشق غاضبه بشده من ذلك الادهم"

عشق:"مش كفايه معايا فى الكليه لا هيقعد كمان معانا فى البيت كانه واحد مننا،تذكرت ابتساامته،اى دا بقا."

ادهم:"اى البنت ديه شكلها طفوليه اوى زى ما احمد بيه قال،نعم وانت مالك اذا كانت طفوليه ولا لا،دا شغل يا ادهم غير كده لا،طيب خلاص."

"يوم جديد فى الصباح ونفس النظام،فى كليه عشق قبل المحاضرات وهى جالسه مع جنى"

عشق بهمس:"انا لازم اتصرف مع البنى ادم دا."
جنى:"هتعملى اى يعنى."
عشق لادهم:"ممكن تقف بعيد شويه عشان عايزه اتكلم معاها فى خصويه."
ادهم وهو يبتعد قليلا:"حاضر"
عشق بضيق:"شكلى ادبست فيه ومش هعرف اخلع منه ابدا."
جنى:"انتى مكبره الموضوع حد طايل."
عشق بسخريه:"والله انتى فايقه اوى،وبعد تفكير،انا عرفت هعمل اى."
جنى:"هتعملى اى."
عشق:"لما اروح هبقا اقولك.يلا عشان المحاضرات."

"حضروا محاضراتهم كلها وكانوا يودعون بعض"

عشق:"هبقا اكلمك فى التليفون."
جنى:"ماشى."

"ذهبت عشق الى البيت مع ادهم وصعدت الى غرفتها وبعد قليل اتصلت بجنى"

جنى:"ها هتعملى اى بقا."
عشق بتحدى:"هعمل مقالب فيه."
جنى:"طب ما بلاش احسن."
عشق بعند:"لا عايزه اعرف درجه تحمله."
جنى بدعاء:"طيب ربنا يستر انا هروح انام سلام."
عشق:"سلام."

.................