الطفله والحارس (كامله)

#الفصل_الثانى_عشر

#الطفله_و_الحارس
#الفصل_الثانى_عشر

عشق بابتسامه:"اهلا يا جنى عامله اى."
جنى:"الحمدلله كويسه،تعالى عايزاكى فى الاوضه."
"ثم سحبتها من يديها الى غرفتها"

عشق بتعجب:"فى اى يا بنتى مالك؟،زى ما يكون خطفتينى،حتى ادهم بصلك باستغراب."
جنى بتوتر:"بقولك اى انا شكلى وقعت."
عشق:"نعم وقعتى فين على السلم قصدك."
جنى بسخريه:"ههه لا ظريفه اوى."
عشق بتساؤل:"اومال قصدك على اى،ثم تحدثت بابتسامه،لا متقوليش،وكانت ستتحدث بصوت عالى."
جنى وهى تكتم فمها:"بس يا فضيحه مجنونه انتى."
عشق بفرحه:"لا بس فرحت اوى،مين سعيد الحظ بقا؟."
جنى بتوتر:"تبع حد انتى تعرفيه."
عشق بتساؤل:"مين دا.لاااا متقوليش ادم؟."

جنى بضيق:"الله يخربيتك يا بت هتفضحينى."
عشق بفضول:"خلاص ماشى،بس حصل ازاى؟."
جنى بهدوء:"بصى يا ستى فاكره لما جه عيد ميلادى بعد ما روحت البيت فتحت هديته هو لاقيتها كره تلج جواها ولد وبنت بينزل عليهم تلج وفى موسيقى هاديه وطبعا هما بيتحركو بس تحفه اوى،المهم لاقيت جواب مكتوب فيه رقمه وبيقولى دا رقمى ياريت نكلم بعض ونبقا اصدقاء."
عشق بتعجب:"وانتى عملتى اى!؟."
جنى:"انا بدأت اكلمه وهو يكلمنى وبقينا اصدقاء فعلا،وكمان وقت الامتحان كان يقعد يطمنى ويقولى حلى كويس لغايت ما انا."
عشق:"لغايت ما انتى اى كملى."
جنى بخجل:"لغايت ما انا حبيته."
عشق بصدمه:"كل دا يحصل من ورايا ومتقوليش حاجه يا خاينه انتى."
جنى بتنهيده:"اهو اللى حصل بقا،ها هعمل اى؟."
عشق بحيره:"مش عارفه،ثم بتفكير،بس من رايى استنى وشوفى هو هيعمل اى."
جنى بتساؤل:"يعنى اى؟."
عشق:"يعنى عايزه تعرفى اذا كان بيبدالك الحب دا ولا لا."