الطفله والحارس (كامله)

#الفصل_الخامس_عشر

#الطفله_و_الحارس
#الفصل_الخامس_عشر

جنى باستعباط:"مين دا يا بابا."
والد جنى:"دا واحد اسمه ادم شوقى ضابط فى الجيش وانتى شوفتيه قبل كده."
جنى:"شوفته،شوفته فين يا بابا."
والد جنى:"فى عيد ميلادك يا حبيبتى."
جنى:"مش فاكره الصراحه."
والد جنى:"طيب لما يجى بليل وتشوفيه يمكن تفتكريه،المهم اطلعى وجهزى نفسك."
جنى:"حاضر يا بابا."
"بعد ان صعدت جنى الى غرفتها."
الاب:"تفتكرى هتوافق عليه."
الام بفرحه:"ان شاء الله من كلامك بيقول انو كويس."
الاب:"بس ممكن ميكنش بينهم قبول."
الام:"ربنا يستر."
الاب:"يارب."

ادم:"عامل اى يا ادهم."
ادهم بهدوء:"الحمدلله انت عامل اى."
ادم بسعاده:"مبسوط اوى،مش تقولى مبروك صاحبك هيروح يخطب."
ادهم بضحك:"ومين هى."
ادم:"حد تعرفه يا ادهم."
ادهم باستغراب:"ايوه مين؟."

ادم بابتسامه:"جنى صاحبه عشق."
ادهم بتعجب:"يا راجل جنى بجد."
ادم بضحك:"اه والله دا انا حتى رايح بليل انهارده."
ادهم بضيق:"وانا اخر من يعلم،حصل كده ازاى وايه اللى حصل بينكم اعترف يا جزمه."
ادم:"ههه طب ادينى فرصه ارد طيب،بس هقولك كل حاجه بعدين."
ادهم بابتسامه:"ربنا يتمم على خير."
ادم:"يارب،سلام بقا عشان اجهز نفسى."
ادهم:"سلام."

"استدار بجسده ليجد عشق واقفه."
عشق:"مين دا."
ادهم بهدوء:"دا صاحبى رايح يخطب انهارده."
عشق:"ماشى،وكانت ستبتعد."
ادهم:"طب مش عايزه تعرفى مين."
عشق بابتسامه:"لا منا عارفه."
ادهم باستغراب:"عارفه،عارفه اى."
عشق:"عارفه ان صاحبك ادم رايح يتقدم انهارده لصاحبتى جنى."
ادهم بحنق:"وانا اخر من يعلم ماشى يا ادم."
عشق:"ههههههه."
"شرد بضحكتها قليلا ثم بدا يضحك معها"

"جاء المساء وجنى كانت متوتره وقلقه بشده فقررت ان تتصل بعشق"
جنى بخوف:"انا خايفه يا عشق."
عشق بضحك:"خايفه من اى بس،هو هيجى ياكلك،دا جاى يخطبك."
جنى:"ايوه منا اللى عملتوه فيه هيطلع عليا."
عشق:"هههههههههه."
عشق بضيق:"اضحكى اضحكى،ما انتى حطتينى قدام المدفع."
عشق:"بس بس اهدى كدا."
جنى بفزع:"الحقى الباب ببخبط."
عشق بمرح:"طب اقفل انا بقى."
جنى بتوسل:"لا خليكى يا عشق."
عشق بجديه:"بطلى اوفر وروحى يلا."
جنى باستسلام:"ماشى سلام."
عشق:"سلام."

"دخلت والدتها لكى تحثها على الخروج"
جنى بتوتر:"هو انا لازم اخرج يعنى."
والدتها بابتسامه:"اومال لازم طبعا،يلا بلاش دلع."
"خرجت جنى مع والدتها وسلمت على كل الموجودين ونظرت لادم وجدته ينظر لها بجمود فاشاحت بوجها الجهه الاخرى"
والد ادم:"احنا يشرفنا نطلب ايد بنت حضرتك لادم ابنى."
والد جنى:"احنا اللى يشرفنا يا عادل بيه،بس طبعا القرار لجنى،ها اى رايك يا جنى."
جنى بتوتر:"يعنى محتاجه وقت افكر."
ادم فى سره:"تفكرى ماشى يا جنى ادلعى براحتك."
والد ادم:"اكيد،بس ممكن يا سامى بيه يقعدو مع بعض شويه."
جنى فى سرها:"لا لا محدش يسبنى معاه."
ادم فى سره:"فرصه هايله عشان احاسبك."
والد جنى:"طبعا،روحى يا جنى معاه فى الجنينه."
جنى:"حاضر يا بابا."