التلفاز السحري «مكتملة»

الـبـارت الـأول❤️

اري الموت يمر بمن هو اصغر مني واكبر مني ومثلي، لكنه يتخطاني ويعدني بالعودة يوما ما..ف يارب لا تاخذني إلا وانت راضي عني..♥️

{امين 🤲🏻♥️}
ــــــــــــــــــــــــــــــــــــــــــــــــــــــــــــــــ
اتجهت صوب باب منزلها تحرك رأسها نفيا بيأس من تصرفات ابنتها ذات الأربعة والعشرون من عمرها بعد أن استمعت الي صوت طرقاتها على الباب المزعجة وكأنها تلحن لحنا لأغنية ولا تطرق بهدوء
فتحت لها باب المنزل ومن ثم ابتعدت عنها لتخلع حذائها تلقيه أرضا بإهمال ومن ثم خلعت السترة الطبية الخاصة بعملها تلقيها على الاريكة ثم بعد ذلك اتجهت صوب غرفتها تصيح بأعلى صوتها : جعانة يا ناااااس..جعانة يا سميرة

" وصال عادل حسين" فتاة مجنونة بكل ما تعنيه الكلمة..تعيش بمبدأ الحياة لا تتكرر مرتين..لا تكترث لأحد..طبيبة وتعمل معيدة بالجامعة..جادة جدا فيما يخص عملها"

صرخت سميرة والدتها : طب قولي سلام عليكم إنما ازاي وصل هانم تتصرف زي البنى آدمين الطبيعية

خرجت من غرفتها تستكمل الحديث برفقة والدتها التي لطالما اعتادت عليه : لازم تخشي زي الطور الهايج ترمي هدومك..طبعا ما خدامة ابوكي هتشيلهم..وتسألي على الطفح..طبعا همك على بطنك..يارب مش كنت اشتريت فرخة تنفعني

التقطت قطعة من الخضار وهي تقول : نسيتي اشوف فيكي يوم

نظرت لها سمية باشمئزاز ليقولا معا بنفس اللحظة : صبرني يا ربي معرفتش اربي

صفقت وصال وهي تقول بتهكم : شابوووو عبلة كامل نبر تو يا ماما اه والله..فين بابا صح

_ لسة في الشغل خشي اتلقحي غيري هدومك عما يجي

اتجهت نحو الموقد تقوم بفتح جميع الأوان : لا انا جعانة مفيش اي حاجه تصبيرة طب

صفعتها على يدها على تفتح الأوان وهي تقول : لا مفيش واتنيلي على عينك شيلي الكوتش المرمى دا والبالطو اللي ماشية تتفشخري بيه ده

تحسست أثر الصفعة بتذمر وهي تقول بتذكر : مش ناويين تودوا التلفزيون ده يتصلح بقى

نظرت لها بتهكم مردفة : ما البركة فيكي كل ما يعجبكيش فيلم ولا بتاع تروحي قايمة ضاربالي على ضهر التلفزيون قال يعني هيحس ويقلب اللي انتي عايزاه

شردت وهي تتحدث بهيام : يا ماما انا مش بحب الأفلام انا بحب الكارتون..مستنية اللحظة اللي يجي فيها بن تن يقولي هل تتزوجيني ويروح هوب عاتيني الساعة بتاعته اتحول لسومو سلامو وهوب اعيش قصة كرتونية ولا اتحول واروح لفين وچيك وابقى چيك واحول للي انا عايزاه ولا........