التلفاز السحري «مكتملة»

تـوضـيـح ❤️.

معلش عايزة اتكلم في نقطة مهمة..

- انا مش بجيب شخصيات احطها في الرواية والسلام كل شخصية وليها دورها المهم .. تعالوا كدا نشوف دور كل شخصية بدءاً من الجميلة والوحش لحد سندريلا.

- اول حاجة الدعسوقة والقط الأسود .. كلنا متابعين المسلسل الكرتوني دا وكل حلقة بننتظر بفارغ الصبر امتى هيكشفوا عن وشهم لما خللنا واحنا مستنيين .. انا اساسا مش متباعاه اوي فاضطريت اشوف كذا حلقة منه عشان اعرف شخصيتهم ولما كتبت عنهم حاولت بقدر الإمكان اكتب بنفس ردات فعلهم لو كان دا حقيقي .. فأنا جبتهم لحاجة الكل تقريبا نفسه فيها ومش مجرد قصة والسلام.

- وصال لما مشت من طريق الغابة كان عشان أبطال التايتنز بكل سهولة يقدروا يرجعوها لو مشت في طريق المدينة ودا بسبب قوتهم .. فلما مشت من طريق الغابة طبيعي جدا تقابل اي حيوان مفترس ودا اللي حصل بالفعل.

- تاني شخصية  الجميلة والوحش اللي مفهمش الغرض منها تعالوا اقولكم الغرض .. وصال لو مكنتش قابلت اوليڨر مين كان هينقذها من الذئاب .. مين كان هيديها حصان تكمل بيه .. وحتة المراية اللي بيل اديتها ليها اكيد انا ليا غرض منها هنعرفوا قدام شوية .. فبرضو مش مجرد قصة.

- تالت شخصية وهي روبانزل بعترف ان الغرض منها مكنش واضح ابدا ودا لأني متكلمتش عن غرضها بصفة مباشرة واللي هي " الاكل " .. وصال مكنتش تعرف هي هتمشي مسافة قد ايه لسة فطبيعي هتجوع هتعطش كدا يعني .. فهتلاحظوا انها طلبت من روبانزل ويوچين أكل وحتة تانية برضو اللي هي شعر روبانزل كلنا عارفين ومتأكدين ان مفيش شعر بحجم شعر روبانزل.

- رابع شخصية وهي سندريلا .. قصة سندريلا اللي اتفرجنا عليها كلنا منتهية بطريقة غريبة شوية .. يعني مثلا مجبوش نهاية تريمين وعيالها وسابوا النهاية مفتوحة .. يعني مثلا تريمين وعيالها متغيروش وبقوا طيبين دا يعني انهم لسة مؤذيين فكان لازم اعمل نهاية تنهي كل دا.

-خامس حاجة هي علاء الدين و ياسمين برضو قصتهم منها غرض بس مش هينفع احرقه فلما تخلص نبقى ننتقاش في سبب قصتهم

- سادس حاجة تصرف وصال يا شباب مش غلط زي ما البعض قال .. وصال من اول ما ظهرت لفريق التايتنز لحد اخر لحظة ليها معاهم وهي بتتهان .. كان ليا غرض من الحتة دي وهي تكرار صفة بشكل مستمر لشخص ما بتأثر عليه فاليوم اللي وصال سابتهم فيه كانت جابت آخرها معاهم.

- قبل ما انسى ألجاسوسات .. غرضي منها كان في حتة ألكس .. حتة السمار فيها لما وصال قالت
"ملامحك اللي مش عجباك دي في حد بيستنالها صورة عشان يتأملها............"

الكلام مش موجه لألكس بس لا الكلام كان بصفة عامة للي بيتعرض للتنمر .. خودي الكلام لنفسك يا ستي .. برضو لما سام كررت كلمة" غبية" لوصال وصال كانت بتكبت فرد فعلها لما سابت الفريق كان ناتج من دا كله.

- واخيرا انا مش بكتب حاجة من غير سبب وبس كدا 😂❤️.