البارت الأول
بقلمي اللؤلؤة
استيقظ مالك علي صوت المنبه ثم قام من علي سريره وذهب الي المرحاض وتؤضي وصلي فرضه وارتدي ملابسه وذهب الي الشركه
وصل الي شركته فوقف له جميع الموظفين احتراما له
ولاكن مالك ليس بصارم في عمله حتي يقفون خوف منه وكل من بالشركة يحب العمل معه لانه مرح ويحب الضحك والهزار
صعد الي مكتبه
مر من علي مكتب ملك
ملك .. صباح الخير يفندم
مالك .. صباح الجمال يملك
ملك بخجل .. ربنا يخليك يفندم
( انا مش عارفة لي حاسة اني هتغلبط في الاتنين دول 😂😂😂)
مالك .. بقولك أي يملك
ملك .. ايو يا مالك باشا
مالك .. جربي كدا تقولي مالك
ملك باستغراب .. مالك
مالك .. منتي بتعرفي تقولي مالك اهو متقوليش باشا او فندم تاني
ملك .. مينفعش
مالك .. منا بقول ملك عادي زي ما بقولك ملك قولي مالك
ملك بآسف .. معلش يفندم سيبني علي راحتي
مالك بحزن .. تمام
ذهب مالك الي مكتبه وطلب قهوته
ثم وجد باب مكتبه يفتح فظن أنها ملك
فلم ينظر وقال بحزن
مالك بحزن .. تعالي يملك
وليد .. طب مينفعش وليد
ابتسم مالك .. حبي وحشتني يسطا مقولتش لي انك جاي كنت جيت جبتك انا والبت اروي
وليد .. حبيت اعملها مفاجأة
مالك .. ست شهور يا حلوف مشوفكش
وليد .. منا جيت اهو يعم
مالك .. طب تعالي بقا نروح ومش مهم الشغل النهاردة ونروح عند جميله عشان انت وحشتها اوي
وليد .. اه يلا
خرج وليد ومالك من المكتب
مالك .. ملك الغي كل شغل النهاردة
ملك .. حاضر يفندم
ثم ذهب الي منزله
مالك .. جميله خدي يا جميله عاملك مفاجأة
أتت جميله والده مالك من المطبخ فهي لاتحب انا يعمل أحد في بيتها غير الجانيني والبواب وتترك تنظيف المنزل لتأتي كل يومين فتاه تساعدها في تنظيف المنزل
جميله .. وليد حبيبي وحشتني
وليد .. وانتي كمان يا أمي
جميلة .. خسيت اوي يحبيبي انت مكنتش بتاكل كويس لي
وليد .. والله الشغل كان واخد كل وقتي يا حبيبتي
مالك .. اي وصله الحب دي
جميله .. حبيبي مشوفتوش بقالي ست شهور
مالك .. اشبعي بيه يختي
وليد بضحك .. آمال فين اروي
جميله .. راحت الكليه يقلبي
مالك .. طب اي رايك يا جوجو نعمل حفله بمناسبه رجوع الحلوف
جميله .. اه ياريت
مالك .. أما ترجع البت اروي نتفق انا وهي
وعلي النحو الآخر
استيقظت بطلتنا الكسوله
(زيي بالضبط 😊😊)
حور لنفسها .. انا اي اللي صحاني من حبي في الكلية اوي
وهنا صدع صوت رنين هاتفها في الغرفة معلنا عن اتصال من صديقتها حياه
فتحت حول الخط فنزل عليها سيل من الشتائم من صديقتها
حياه .. يحيوانه يبنت الجزمه يلي أهلك معرفوش يربوكي يكسوله يبروطه
حور باستفزاز .. نعم يحبي
حياه بغضب .. حبك برص وعشرة خرص يحيوانه يبنت الجزمه
حور .. في اي بس يبيبي
حياه .. مفيش خالص متاخديش في بالك فاتك محاضره وانا قاعده ارن عليكي من الصبح عادى جدا متاخديش في بالك
حور .. طيب في اي بقا
حياه بغضب .. قومي يا متخلفة البسي ودقيقة وتبقي قدامي
حور .. والله انا لو هنط من التليفون الدقيقه هتخلص قبل ما اوصلك
حياه .. اتصرفي والحقي المحاضرة الجايه
حور .. هي فاضل عليها قد اي
حياه .. ساعه عقبال ما أفطر تكوني جيتي
حور .. وانا. ...
حياة بمقاطعة .. قبل ما تكملي هجبلك فطار معايا يا حقيره
حور .. ماشي يسطا هلبس واجي
حياه .. ماشي غوري في داهية
حور .. حاضر يقلبي
(متستغربوش حور مهزقه زيي بالضبط 😊😊)
قامت حور من علي سريرها وذهبت الي المرحاض وتؤضت وصلت فرضها ثم ارتدت ملابسها وذهبت الي الجامعه ووصلت في غصون عشر دقائق لأن جامعتها ليست ببعيدة عن المنزل
حور .. قبل اي حاجه في فطاري
حياه .. خدي يلي همك علي بطنك مش عارفة بتودي الأكل دا فين
حور .. مش هقولك دي سر المهنه
حياة .. طب خلصي بسرعه عشان فاضل عشر دقايق علي المحاضرة
حور .. حاضر
أنهت حور فطارها وذهبت الفتاتين الي المدرج
وعندما أنهوا محضارتهم ذهبوا الي منزل حور
حور .. انا ايه اللي خلاني أكمل تعليم
حياه .. يلا هانت اخر سنه
حور .. آه الحمد لله
حياه .. طب تعالي نقعد في الجنينة
حور .. لاء جنينه اي استهدي بالله كدا وتعالي نروح المطبخ نعمل أكل وناكل
حياه .. نفسي اعرف بتاكلي كتير كدا ازاي ومبتتخنيش
حور .. قال يعني انتي اللي بتاكلي وتتخني
حياه .. لاء بس انتي اللي بتشجعيني علي الأكل وعلي طول بقك مبيقفلش
( فكرتني حور بحد كدا منوره يا امنيه 😂😂😂)
لم تكن حور أو حياه ذوي جسد سمين فكلاهما جسدهما رفيع ميالا الي الكيرفي
ذهبت الفتاتين الي المطبخ واعدو طعام الغذاء لأنه لايوجد طباخ بالمنزل نظرا لأن حور ووالدها فقط من بالمنزل وباغلب الأحيان حور وحدها نظرا لظروف عمل والدها وأغلب الأحيان تؤنس وحدتها صديقتها حياه وأيضا حور تعلم الكثير عن المطبخ فهي تقضي معظم وقتها في المطبخ
حور .. يسلام عليكي يشيف حور اكلك حكايه والله انا خساره في السن دي
حياه .. طب احنا هنستني ابوكي ولا هناكل
حور .. نأكل واما بابا يجي نأكل تاني اي المشكله
حياه .. علي رأيك
تناول الفتاتين غدائهم وغسلوا الأطباق وذهبوا الي غرفه حور ليشاهدون التلفاز
عند مالك
دخلت اروي الي المنزل
اروي .. يا أهل الدار يجوجو
وليد .. وليد بس اللي هنا
اروي بفرحة .. ليدو حبيبي وحشتني
ورمت أغراضها وذهبت إليه مسرعة واحتضنته بشده
وليد .. بنوتي عامله اي في كليتها هترفع راسي ولا لاء
اروي .. عيب عليك يسطا من أمتي وانا مش رافعه رأسك
وليد .. ربنا يحميكي يقلبي
اروي .. ويخليك ليا يعمري
اتي مالك وجميله
مالك بمرح .. معلش هنقطع فقره العشق الممنوع دي عشان ناكل
اروي .. اه يلا والنبي احسن هموت من الجوع
وليد بمرح .. واطيه باعتني عشان الأكل
فضحك عليهم مالك وجميله
وذهبوا جميعا الي السفرة
مالك .. بت يا اروي اي رأيك نعمل حفله
اروي .. اه نعمل ونجيب حسن شاكوش يغني
وليد .. يبنتي بطلي شغل العشوائيات دا بقا
اروي .. علي فكرة حضرتك كدا بتشتمني ولما انا أبطل مين يمسك مكاني
مالك .. سيبك منه يبت نجيب اللي احنا عاوزينه
اروي .. ايوه بقا يسطا والله ما حد ناصفني غيرك
مالك .. تعيش يشقيق
جميله .. لولا اني انا اللي مربياكوا انتو الاتنين كنت شكيت أنكم متربين في الشارع
فضحك الجميع
( طبعا انتو مش فاهمين حاجه بس مش مهم هتفهموا مع الأحداث )
والي هنا ينتهي البارت الأول من روايتي الثانيه زواج من أجل الإنتقام
أنت تقرأ
زواج من أجل الانتقام
Romanceالمقدمه بقلمي اللؤلؤه مالك .. سأخذ حقق من قاتلك يا حبيبتي سأخذ حق ابننا سابكيه بدل الدموع دماء ساحرق قلبه علي ابنته الغاليه ساحرق العالم فوق رأسه اذهبي انتي وابني في سلام وانا ساحرق العالم وساجلب لكم حقكم ساشتاق إليكم كثيرا الوداع يا زوجتي العزيزه...
